رابطة مالكى الاكسل

[toto_hoho82]

المشاركة الأصلية كتبت بواسطة miam0502788391 طيب ما دام الموضوع تغيير منظومة التكييف ككل ليه متسألش صنايعى تانى حتى لو اشار عليك بنفس الحل ممكن تعرف تكلفة الجديد هى نفس اللى اخبرك بها الصنايعى الاول ولا ممكن تكون اقل ثم هو ليه يغير السيستم كامل طيب يصلح السربنتينة ويغير الكومبوروسر بنوع تانى ونقلل التكلفة شوية

اشكرك على الرد ولكن اخصائيين التكييف لو فحصوا ما تم فحصة مثل الكمبروسور او الثلاجة لاجمعوا على ما وصل الية المركز الذى فحص اول مرة لانى شفت النتائج بعينى واتمنى ان اجد حل او رأى يرشدنى

[david_boles64]

انا عندى غيرت لمض و الكشافات قدام بنفسى
و عليت اللمض خلتها 260/200 بس لحظت حاجة ان لما بدوس بنزين النور بيعلى و لما بكون و وقف مثلا في اشارة الاقى الضوء ضعيف
فهل ده عيب منى وانا بركب الفوانيس مع العلم ان مفيش كتاوت نوور
وسممعت انى لازم اركب كتاوت نور
عايز اعرف سعرهم كام و ايه انوعهم ومنين ؟؟
و كمان عايز اركب فوانيس شبورة للعربية فهل اى شكل يركب عليها و هل ليها نوع معين اجيبه حلو
انا عايز حاجة شكلها حلو على العربية
انا عربيتى اكسل 96 و هل هحتاجه كتاوت تانية غير بتاعة الكشفات و لازم كهربائى يعملهم ولا عادى ممكن اعملهم انا ؟؟؟

وحاسس ان االعربية بتسخن شوية سواء الصبح او بليل او لو حتى ماشى بسرعة ياعنى ممكن امشى مشوار ربع ساعة والاقى المروحة اشتغلت فهل ده طبيعى ؟؟؟
رغم انى غسلت الراتدير علشان كان في صدى و غيرت طرومبة المياه علشان كانت مخرومة من الصدا

[waelsalah]

المشاركة الأصلية كتبت بواسطة david_boles64 انا عندى غيرت لمض و الكشافات قدام بنفسى و عليت اللمض خلتها 260/200 بس لحظت حاجة ان لما بدوس بنزين النور بيعلى و لما بكون و وقف مثلا في اشارة الاقى الضوء ضعيف فهل ده عيب منى وانا بركب الفوانيس مع العلم ان مفيش كتاوت نوور وسممعت انى لازم اركب كتاوت نور عايز اعرف سعرهم كام و ايه انوعهم ومنين ؟؟ و كمان عايز اركب فوانيس شبورة للعربية فهل اى شكل يركب عليها و هل ليها نوع معين اجيبه حلو انا عايز حاجة شكلها حلو على العربية انا عربيتى اكسل 96 و هل هحتاجه كتاوت تانية غير بتاعة الكشفات و لازم كهربائى يعملهم ولا عادى ممكن اعملهم انا ؟؟؟ وحاسس ان االعربية بتسخن شوية سواء الصبح او بليل او لو حتى ماشى بسرعة ياعنى ممكن امشى مشوار ربع ساعة والاقى المروحة اشتغلت فهل ده طبيعى ؟؟؟ رغم انى غسلت الراتدير علشان كان في صدى و غيرت طرومبة المياه علشان كانت مخرومة من الصدا

لازم وضرورى تركب كتاوت نور للمبات الجديده عشان زراع النور ميبوظش
بحوالى 30 ج و20 مصنعيه بس حاول اى نوع خلاف الصيني
فوانيس ا لشبورة برده لازم لها كتاوت تقوية ونفس الكلام السابق
ملحوظه هامه جدا
لو لا قدر الله النور مثبتش بعد تركيب الكتاوت هيكون عندك مشكلة فى الدينامو والبطارية وخصوصا الدينامو لانى مريت بالتجربه دي
راجع قياس الدينامو والبطارية فى وضع السلانسيه والتزويد
وان شاء الله تكون بسيطه
اعتقد كل اللى موجود من الفوانيس الشبورة صيني وانت بتغير لمباتها الى لمبات المانى مثلا
وبيركبوا فى الاكصدام من تحت فى الشبكة السفلى

موضوع السخونيه له اكثر من سبب ممكن تشوف الميه بتنقص بسرعة ولا لا وتراجع على خراطيم الريداتير وكمان الغطاء بتاعه وشوف اى تسريب مثلا
وهل ترموستات الكوعه راكب ولا لا ولو راكب شوف درجة حرارته على كام وده دور الميكانيكي طبعا
وربنا يوفقك باذن الله

[david_boles64]

المشاركة الأصلية كتبت بواسطة waelsalah لازم وضرورى تركب كتاوت نور للمبات الجديده عشان زراع النور ميبوظش بحوالى 30 ج و20 مصنعيه بس حاول اى نوع خلاف الصيني فوانيس ا لشبورة برده لازم لها كتاوت تقوية ونفس الكلام السابق ملحوظه هامه جدا لو لا قدر الله النور مثبتش بعد تركيب الكتاوت هيكون عندك مشكلة فى الدينامو والبطارية وخصوصا الدينامو لانى مريت بالتجربه دي راجع قياس الدينامو والبطارية فى وضع السلانسيه والتزويد وان شاء الله تكون بسيطه اعتقد كل اللى موجود من الفوانيس الشبورة صيني وانت بتغير لمباتها الى لمبات المانى مثلا وبيركبوا فى الاكصدام من تحت فى الشبكة السفلى موضوع السخونيه له اكثر من سبب ممكن تشوف الميه بتنقص بسرعة ولا لا وتراجع على خراطيم الريداتير وكمان الغطاء بتاعه وشوف اى تسريب مثلا وهل ترموستات الكوعه راكب ولا لا ولو راكب شوف درجة حرارته على كام وده دور الميكانيكي طبعا وربنا يوفقك باذن الله

احب اشكرك اوى على ردك و بالفعل انا سألت قبل مغير اللمض دى كنت رحت عند كهربائى و كشفت دينامو و قالى المشكلة مشكلة كتاوت رغم ان اللمض اللى كانت فيها ضعيفة بس مش عارف ليه مصدقتوش ومرحتلتوش و انا لسة جايب بطارية جافة من حوالى سنة شغالة زى الفل و بركن العربية بال 3 او 4 ايام و بدور في ساعتها
بس انا عايز اعرف هى 30 ج للكشاف الواحد ولا اتنين و النوع اللى انت جايبه عندك في العربية نوعها ايه
و معلش لو طلب رخم لو تعرف كهربائى كويس في شبرا مصر يكون كويس و مكيونش غالى علشان انا من ساعة مجبت العربية معملتش اى حاجة في الكهرباء غير اصلاح كتاوت بطارية

و بالنسبة للسخونية العربية من ساعة مغسلت الرادتير من حوالى شهرين زودت الأربة مرة واحده ومكنتش فاضيو اوى و الخراطيم بتاعة الرادتير و الغطاء كويسين جدا وانا لسة مغير ترموستات حرارة مع الغسيل علشان كانت مش بتشغل المروحة فهل دى ترموستات الكوع ؟؟؟

[waelsalah]

المشاركة الأصلية كتبت بواسطة david_boles64 احب اشكرك اوى على ردك الشكر لله ربنا ييسرلنا الامور يارب و بالفعل انا سألت قبل مغير اللمض دى كنت رحت عند كهربائى و كشفت دينامو و قالى المشكلة مشكلة كتاوت رغم ان اللمض اللى كانت فيها ضعيفة بس مش عارف ليه مصدقتوش ومرحتلتوش و انا لسة جايب بطارية جافة من حوالى سنة شغالة زى الفل و بركن العربية بال 3 او 4 ايام و بدور في ساعتها بس انا عايز اعرف هى 30 ج للكشاف الواحد ولا اتنين الاتنين مع بعض و النوع اللى انت جايبه عندك في العربية نوعها ايه للاسف مش مركب فوانيس شبورة و معلش لو طلب رخم لو تعرف كهربائى كويس في شبرا مصر يكون كويس و مكيونش غالى علشان انا من ساعة مجبت العربية معملتش اى حاجة في الكهرباء غير اصلاح كتاوت بطارية للاسف انا من المنصورة مش هقدر افيدك و بالنسبة للسخونية العربية من ساعة مغسلت الرادتير من حوالى شهرين زودت الأربة مرة واحده ومكنتش فاضيو اوى اعتقد كده مستوى الميه كويس جدا على الفتره دى و الخراطيم بتاعة الرادتير و الغطاء كويسين جدا وانا لسة مغير ترموستات حرارة مع الغسيل علشان كانت مش بتشغل المروحة فهل دى ترموستات الكوع ؟؟؟ ترموستات الكوعه ده بيركب فى الخرطوم اللى رايح للموتور من الريداتير انت يمكن تقصد ترومستات فصل المروحه اللى راكبه ع الريداتير عندى فكره متخلى الكهربائي يشغلك مروحة التكييف كمان مع مروحة التبريد تساعد ومتسخنش ممكن يكون التاكيهات عاوزه تتظبط لانها مسئولة ايضا عن حرارة وصوت الموتور

ربنا يوفقك باذن الله
ودعواتك