رابطة مالكى الاكسل

[Good09]

هات شل الاصفر هيلكس
بيتغير كل 3000 كم الجركن ب 120 جنيه
اول ماتجيبه غير الفلتر كمان و بعد كده كل مرة و مرة

[toto_hoho82]

نفسى اترقى فى المنتدى دة واكون حتجة كبيرة رغم انى اكبر من عضو نشيط ما علينا احنا بنحب نفيد كل الناس
موضوعنا اليوم مطعم بلينكات حيوية يلا بينا

دول مجموعة صور للعوامه وفكها وتركبها

اللينك ده صورة للعوامه قبل الفك
http://i1231.photobucket.com/albums/ee517/singary2010/20110428007.jpg



اللينك ده بعد فك الغطاء وهوه مثبت ب4 مسامير نجمه هنلاقى جوان تحت الغطاء المفروض انه متثبت بمادة لزق بس الاهم انه يكون سليم مش مقطوع علشان يعمل احكام مع الربط

http://i1231.photobucket.com/albums/ee517/singary2010/20110428006.jpg



اللينك ده صورة للعوامه قريبه قبل فك العوامه

http://i1231.photobucket.com/albums/ee517/singary2010/20110428005.jpg


اللينك ده بعد فك العوامه وهى متثبته ب 3 مساير بيتفكوا بمفتاح افتكر رقمه 8 اللمهم قبل فك المسامير نفك الفيشه بتاعت الكهرباء بتاعت العوامه سهله جدا نضغط عليها من الجمب بضغطه هتفتح
بعد كده نفك المسامير التلاته ونسحب العوامه براحه لانك هتلفها وهى بتخرج علشان تخرج معاك محتاجه تلفها لقداوم وانت بتخرجها

http://i1231.photobucket.com/albums/ee517/singary2010/20110428004.jpg


ودهى العوامه بعد ما خلصت فكها عباره عن 1- فيشه 2- والعوامه نفسها شكلها اسود وفى 3- صندوق بلاستك بيتفك جواه فلتر زى ما الاستاذ احمد شعرواى قالى وفى 4- صندوق معدن وله غطاء مغلق ب 3 ريش نفتحهم بردوا ونظف اللى جوه وده مهم جدا جدا جدا لانه جواه ملف صغير وريشه على الملف ممكن باى مزيل صدا ونشفه كويس ونغلق الصندوق تانى 5- فى جوان على غطاء العوامه وده مهم جدا انه يكون سليم لانه ده اول جوان بعد العوامه منه لبره التنك فلازم يكون سليم علشان مافيش تراب يدخل التنك

http://i1231.photobucket.com/albums/ee517/singary2010/20110428003.jpg



وده صورة الصندوق المعدن وهوه مفتوح

http://i1231.photobucket.com/albums/ee517/singary2010/20110428001.jpg

[miam0502788391]

المشاركة الأصلية كتبت بواسطة waelsalah السلام عليكم وعليكم السلام يا أستاذ وائل أخبارك ايه حاسس ان العربيه خشنه بالنسبة للعفشه 1-بداية طقطقه خفيفه فى ا لملفات فى حالة لو قرصت ع الاخر ( هل ده بداية كبالن ) اسيبها تجيب اخرها ولا لازم التغيير فورا وما افضل انواع من فضلكم وسعرهم الطقطقة وانت بتلف يمين ولا شمال ؟ لو وانت بتلف يمين يبقى الكوبلن الشمال والعكس صحيح ومش لازم تغير الكوبلن على طول ممكن يصبر من شهرين الى 6 شهور بس صوت الطقطقة بيقى مزعج وانت بتلف وتخلى كل واحد ماشى يبص عليك انواعهم : فيه اليابانى وده بيعمل 220 جنيه وفيه الايطالى وده ب 150 جنيه وفيه الصينى بيعمل 65 جنيه وفيه تايوانى بس مش عارف سعره وفيه الاستيراد كوبلن كامل (يعنى الخاجى والداخلى والأكس ) ب140 جنيه 2-محتاج جوز مساعدين ادام ضرورى العفشجي قالى ننزل نجيبلك جوز استعمال بالبطاحه بالياي الواحد على 100 ج مع العلم انه جابلى جوز kyb غاز استعمال ورا وطلعوا فعلا حالتهم كويسه ....ولا اجيب جديد مونرو غاز على زيت بس غالى ب 550 ج وال kyb ب 480 ج انا ركبت المنرو قدام وزى الفل ولا انصحك تجيب الماندو الكورى زبالة وبيضرب زيت مع مطب صعب ومكملوش معايا سنة , KYP كويس وماركة معروفة وعلى فكرة انا قبل ما اشترى المساعدين سألت على الاستيراد . الطقم كامل يعنى المساعد بالياى بالبطاحة ب 200 جنيه سؤال هنا انا اصلا معرفش ايه هى البطاحه ودورها ايه وازاى اعرف ا نها باظت ؟ البطاحة دى الجزء اللى بين الياى وجسم العربية وفيه فى النص بلية بدخل فيها الأكس بتاع المساعد وتعرف انها باظت لو الكاوتشة بقت وحشة او البلية بقت مبوشة وعلى العموم بطاحات الأكسيل الأتنين يعملوا 110 جنيه الكورى انا اقصد انى لو جيبت مساعدين زيرو مثلا هل لازم اغير البطاحه والياي ولا لا ؟ لأ مش لازم تغير الياى ولا البطاحات الا لو فيهم حاجة 3-دواسة الدبرياج بقت بتزيق دى مش عارف اسبابها ايه بس أعتقد انها من السوسته اللى بترد الدواسة 4-معلش سؤال اخير وعام فى العفشه هل تغير قطعه فى العفشه دون الاخرى حتى وهى بايظه لو هصبر عليها فتره لحد ما اغيرها بيأثر على كفاءة القطع السليمه المتغيره حديثا؟ ممكن العفشجى بيفيدك اكتر فى النقطة دى لكن لازم تحط فى بالك ان المستعمل لازم كل شوية تغير فيه حاجة وطبعا مينفعش تغير كل حاجة لأن التكلفة هتكون باهظة نيجي للمكنة 1-كنت مغير السيور فى صوت فووووووووو فى التزويد وصوت المكنه عالى شوية rpm -2 مش مظبوط مره لوحده الاقيه على عن 1 ع السلانسيه ومره تحت الواحد دى برضه عندى بس السبب عندى ان واير البنزين بيعلق فأقوم ضارب دواسة البنزين ضربه سريعه خاطفة وخفيفه فى نفس الوقت يقوم يرجع تانى RPM او ممكن تزيت وير البنزين وتحط زيت بين الواير و الجراب السحب مره كويس ويجمع بسهوله ومره لا خصوصا ع الاول و التانى وصوتها عالى وخشن اللى فيهم ونه ع الفتيس فيهم بعد تغيير بلي الفتيس 3- استهلاك البنزين من 5-6 كم للتر بنزين 80 داخل المدينه فى الزحمه وكان بيعمل 7 من فتره وع السريع 10 كم للتر يعنى حوالى 200 كيلو فى الصفيحة على السريع , مش بطال وان كان فيه ناس بتقول ان ممكن يوصل ل 250 كيلو فى الصفيحة 4-ترموستات الكوعه مواصفاته ايه وسعره لو سمحتم لانى بحتاج اسخنها كتير لو ركنت حتى ساعه مثلا ؟ معرفش ولو عرفت يا ريت تقولى لأنى محتاجه معلش ارجو الرد المستفيض لكل نقطه من فضلكم اسف للاطاله وشكرا جزيلا

ولا أسف ولا حاجة كلنا هنا فى خدمة بعض

[waelsalah]

السلام عليكم
سؤال من الاخوة اللى غيروا الجنوط والكاوتش قبل كده
ايه افضل نوع كاوتش وسعره
وكمان هل الجنط ال 14 أثر ع العفشه وعلى علو العربيه عن الأرض
ولا الامور ماشيه كويس مع مقاس 185*60 * 14
وهل الجنط الاسبور بيركب علطول ولا بيتعملوا تعديلات خصوصا فى الخلف بشوفهم مركبين على الطنبوره الخلفية حليه مخرمه كده ؟ ده ايه وبتتعمل فين من فضلكم ؟

والجنوط الحديد بالكاوتش القديم يعملوا كام لو بعتهم مثلا

وشكرا جزيلا

[waelsalah]

السلام عليكم ورحمة الله
مسمار الانذار اللى راكب للشنطة
فى الخلف على اليسار ( زى زرار التلاجه بتاع الابواب ومتوصل على الانذار )
بدأ يصدي ويعمل صفار وخايف يعمل برومه جمب جوان الكاوتش اللى حرف الشنطه
وكمان ممكن يعمل برومة من الداخل تجاه السماعات
انا لسه مغيره من فتره
ده لو شيلته
1- اسد الخرم ازاى لو شيلت المسمار ومركبتش غيره
2-وفى نفس ا لوقت لو اتشال يبقي كده الانذار فصل من الشنطه
نرجو الافاده العاجله وشكرا جزيلا