واخيرا بعد طول انتظار مرابحه السيارة وعلى الشريعه الاسلاميه

[egypt_fiancee]

المشاركة الأصلية كتبت بواسطة essam36 السلام عليكم ورحمة الله وبركاتة انت بتبيع حاجة مش موجودة عندك بتروح تشتريها للعميل حس رغباتة يعني العربية مش عندك اصلا انا مش بقطم في حد بس انا بنصح لوجة الله عشان نبعد عن الشبوهات من الاصل ونت بتبيع حاجة مش موجودة في البنك : لو كلامك صحيح وتمام تبقا العربية موجدة في البنك مش تشتريها للعميل وه ده الي نهنا عنة الرسول :: صل الله علية وسلم :: (لا يحل سلف وبيع ولا بيع ما ليس عندك) ------------------------------------------ 2- س 12: يسأل بعض الإخوان ممن يتاجرون في بيع وشراء السيارات بالأقساط ، ويقول: إنه يبيع السيارة على أساس أقساط شهرية ، حيث يتفق مع الشخص الذي يريد شراء سيارة بالأقساط ، وذلك لحاجته إلى ذلك ، ويتفق معه على البيع قبل أن يشتري له السيارة ضامنا أرباحه أولا فما حكم ذلك؟ ج: إذا كان بيع السيارة ونحوها على راغب الشراء بعدما ملكها البائع وقيدت باسمه وحازها فلا بأس ، أما قبل ذلك فلا يجوز؛ لقول النبي صلى الله عليه وسلم لحكيم بن حزام : (لا تبع ما ليس عندك) ، ولقوله صلى الله عليه وسلم : (لا يحل سلف وبيع ولا بيع ما ليس عندك) ، وهما حديثان صحيحان ، فوجب العمل بهما والحذر مما يخالف ذلك ، والله ولي التوفيق. مجموع فتاوى ابن باز 17/114 بترقيم الشاملة2 ------------------------------------------ : ((يمحق الله الربا ويربي الصدقات)) وقال سبحانه: ((يا أيها الذين آمنوا اتقوا الله وذروا ما بقي من الربا إن كنتم مؤمنين * فإن لم تفعلوا فأذنوا بحرب من الله ورسوله))

السلام عليكم ورحمة الله وبركاته

حضرتك انا ببيع العربيه اللي اشتراها البنك من المعرض
ثم حابب اوضح حاجه ان العميل مش بيمضي على اي عقود او اي بيدفع اي فلوس اللي هيا المقدم او اي مصاريف غير لما الفرع بتاعي بياخد الموافقة من القسم المختص واشتري العربيه من المعرض اولا ثم اكمل اجراءاتي مع العميل وبكده يبقى انا بيعاها بالسعر الجديد للعميل يبقى كده العربيه بقت ملك البنك وباسم البنك واعادة بيعها للعميل

ثم ان حضرتك الفروع الاسلاميه لبنك مصر بتعمل تحت ادارة هيئه شرعيه بتتجنب شبهة الربا والحرام في كافة تعاملاتها ومنتجاتها
تحياتي

[moh_telp]

السلام عليكم
شكرا ليك علي هذا الموضوع و التوضيح المميز
عايز استفسر عن شراء سياره رينو سانديرو بالتقسيط علي 5 سنوات بمقدم 10% زي ما حضرتك موضح في الموضوع
انا اعمل ك مهندس في شركه خاصه صافي مرتبي حوالي 6000 جنيه مصري و يتم تحويل المرتب علي بنك HSBC
ممكن توضحلي هيكون كام المقدم بالظبط شامل المصاريف الاداريه و التامين و الذي منه كاملااااا علما بان سعر السياره تقريبا 90000 جنيه مصري
و ايضا توضيح القسط الشهري .. ياريت التفاصيل الكامله الواضحه .
شكرااا جزيلاااا

http://www.masrmotors.com/vb/images/smilies/fun_36_3_11[1].gif

[egypt_fiancee]

المشاركة الأصلية كتبت بواسطة moh_telp السلام عليكم شكرا ليك علي هذا الموضوع و التوضيح المميز عايز استفسر عن شراء سياره رينو سانديرو بالتقسيط علي 5 سنوات بمقدم 10% زي ما حضرتك موضح في الموضوع انا اعمل ك مهندس في شركه خاصه صافي مرتبي حوالي 6000 جنيه مصري و يتم تحويل المرتب علي بنك HSBC ممكن توضحلي هيكون كام المقدم بالظبط شامل المصاريف الاداريه و التامين و الذي منه كاملااااا علما بان سعر السياره تقريبا 90000 جنيه مصري و ايضا توضيح القسط الشهري .. ياريت التفاصيل الكامله الواضحه . شكرااا جزيلاااا http://www.masrmotors.com/vb/images/smilies/fun_36_3_11[1].gif

السلام عليكم

يشرفني طبعا سؤال حضرتك

بالنسبه المرابحه باثبات الدخل هايكون المقدم 20 % والتقسيط على 60 شهر ( خمس سنوات ) بعائد مرابحه 8.2%

يعني بالنسبه لعربية حضرتك سانديروا مانيوال ب 90الف

المقدم : 18 الف جنيه (الباقي = 72 الف جنيه )
القسط باذن الله حوالي :1695 جنيه
مصاريف اداريه 1% : 720 جنيه
تامين تكافلي بنسبه 3.75 % = 3375 جنيه ( بتقل كل سنه 10% عن السنة اللي قبلها ) -- ممكن تامن في اي شركة حضرتك حاببها

وتحت امر حضرتك في اي استفسار

[egypt_fiancee]

السلام عليكم ورحمة الله وبركاته

بحب في البدايه بعتذر عن غيابي في الفتره اللي فاتت نظرا لضغط الشغل برجع متاخر جدا من الشغل وبتاسف لكل الاعضاء الكرام
والحمد لله منتج المرابحه الاسلامي من بنك مصر مسمع جدا جدا جدا وهذا من فضل الله

ثانيا :

اتوجه بالشكر لكل الاعضاء اللي شرفوني باتصالاتهم وشرفني اتصالهم واسألتهم عن المنتج

ثالثا :

بحب ابارك بعد حمد الله سبحانه وتعالى لكل الاعضاء اللي شرفوني في الفرع وقدموا معايا على المنتج واستلموا عربياتهم
:ff5a 34af6efef0e643e
وبتمنالهم يارب الخير والسعادة وياخدوا خير العربيه ويكفيهم شرها يارب العالمين
: 12BF16~166:

رابعا :

بتاسف لكل الاعضاء اللي محالفنيش الحظ في ان يكون البرنامج متوافق معاهم وباذن الله الفتره اللي جايه تكون برامج جديده نزلت وباذن الله هابلغكم بالتطورات الجديدة

وفي النهايه اتمنى من الله التوفيق والنجاح لي ولكل الاعضاء الكرام في منتدانا الكريم

الحمد لله كما ينبغي لكمال وجهك وعظيم سلطانك

[egypt_fiancee]

تحت امركم في استفسار