ارشيف الاستراحة 2010

[ahrambc]

المشاركة الأصلية كتبت بواسطة hazem_khidr الله عليك يا باشمهندس دايما بتتحفنا بحكاياتك و الالذ هو اسلوبك الشيق متابع بشغف و اتمني ان لا تنتهي في الوقت الذي اتمني النهايه!!!!

اشكرك حازم

و اعدك بالمزيد ان توافر الوقت و المشاهدين

[ahrambc]

(5)

حتى جاء شهر ديسمبر من العام 2001 و كان موافقا لرمضان .

قابلته مصادفة فى أحد النوادى و كان زائغ العينين شارد الفكر و سألته عن الأحوال فرد بإجابات مبهمة لم افهم منها شيئا ...... لكننى لم اعلق على الأمر كثيرا .

و بعدها بعدة أيام ....... فوجئت باتصال تليفونى آخر من والدته تطلب منى نجدته لوجود عجز فى عهدته . و كنت اهم بالنزول لمعرفة التفاصيل و فى نيتى ان نذهب للبنك مع والده و عمه لمحاولة تسوية الوضع .

و جلست مع نفسى أرتب كيف تكون المفاوضات عندما فوجئت بتليفون آخر تذكر فيه الأم قيمة المبلغ .

و استمعت


و ذهلت


و لا أزال













كان المبلغ 11.5 مليون جنيه

أحد عشر مليونا و خمسمائة آلف جنيه .

وقتها جلست و لم انزل ..... بل قولوا لم تحملنى أرجلى لكى انزل .

و علمت انه تم القبض عليه .

و كانت التفاصيل كالتالى :

أحد موظفى البنك و يدعى " م . م " و هو مسئول المقاصة فى البنك اخبره بوجود أحد الأثرياء العرب الذى يريد استثمار أمواله فى البورصة المصرية عن طريقهم على آن تكون الأرباح مناصفة فيما بينهم و بين الثرى العربى .

و فى الحقيقة كان " م. م " يستولى على أموال البنك عن طريق التلاعب فى شيكات المقاصة .

و طلبوا من زوج آخت " م . ع " ان يضعوا فى حسابه مبالغ مالية على أن يستردوها منه بعد ذلك بشيكات بحجة انهم موظفين فى البنك و لا يحق لهم فتح حسابات فيه . و لما كان الموضوع لا يمثل أي غرابة لديه فقد وافق .

فيقوموا بإيداع الأموال فى حساب أخو زوجة " م . ع " ثم يتم تحصيلها منه عن طريق شيكات ليقوموا باستثمارها فى البورصة .

بدأوا بتحقيق بعض المكاسب فى أول الأمر .

ثم انهالت الخسائر ...... و قام " م.م" بتحويل بعض الأسهم الى أموال سائله و أخذها بحجة ارجاعها للثرى العربى كأرباح بصفة مؤقته .

و فى نهاية العام و عندما كان سينكشف المستور اخبره "م. م " بالحقيقة المرة ....لا يوجد ثرى عربى ....... و الأموال أموال البنك .

وقتها ذهب " م . ع " إلى والديه و حكى لهما القصة .

سقط والده مغشيا عليه .............. و اسرعت امه تطلب كل معارفها لكى ينقذوها .


يتبع

[ابوشروق]

ياجماعه انتو زعلانين ليه دنا سمعت ان الجنيه ابو جملين بيتباع بملايين الجنيهات حاليين عشان كده انا هشيل جنيه فضه من الجديد فى صندوق واخبيه فى مكان واععمله خريطه وادوخ عليه احفادى واكتب وصيه ابحث عن الكنز ههههههههههههههه

[fepsceasar]

نيجى لنقطة مهمة وهى اختار الأسهم ازاى انا رايي نختار الأسهم القوية ماليا وبالتالى احاول ابص على بعض المؤشرات زى مضاعف الربحية وده معناه اقدر استرد فلوسى بعد اد ايه يعنى لو مضاعف الربحية خمسة يعنى من خلال ربحية السهم اقدر استرد فلوسى بعد خمس سنين وبالتالى كل ما الفترة دى تقل يكون افضل يعنى لما السهمم تبقى مضاعف ربحيته خمسة أحسن من سهم مضاعف ربحيته 10 أحسن من عشرين وهكذا
وخلين اوضح بمثل لو اشتريت السهم بعشرة جنيه ونصيبه فى الأرباح 2 جنيه يبقى المضاعف خمسة جنيه
برضه ضرورى ابص على القيمة الدفترية للسهم ويفضل اشترى الأسهم اللى قيمتها السوقية قريبة من قيمتها الدفترية علشان ما اشتريش اسهم عملة فقاعات سعرية .
كمان نقطة لو الإدارة بتدى دعم للسهم وبتشترى اسهم خزينة دى برضه اشارة جيدة وكما لو بصيت على تعاملات مجلس الإدارة لاقيتهم بيشترو كميات على فترات متقاربة دى كلها حاجات جيدة
لو حد يحب يسال عن اسهم معينة ممكن نشوفها مع بعض

[mainz]

احلوت اوى اوى كمل بقى علشان الحوار سخن اوى
وشكرا على طريقتك الجميله فى السرد