الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

[M.TONSY]

رجاء من السادة الاعضاء المحترمين المحافظة على لغة الحوار فيما بينهم واحترام اراء الاخرين بدون تعصب لا داعى له وكل شخص حر فى اختياره دون التعدى على حرية الاخرين او الحجر على ارائهم
كذلك عدم دخول الدين فى مثل هذه النقاشات او تفسيره من اشخاص غير مؤهلين او ربطه مع هذه الاحداث ... تقبلوا تحياتى جميعا

[الكردي2000]

والله انا مستغرب من الناس اللي بتقول شفيق رئيس ..., طب ازاي , حاجة من اتنين ملهاش تالت ان الناس دة عندها خلل في الفطرة أو انهم كانوا منتفعين من نظام مبارك الفاسد وخايفين علي السبوبة , راجل قتل الثوار وهرب اموال البلد ومتهم بأهدار المال العام والشعب رفضة في الميدان ولسة في ناس بتقول اصل هيبقي كويس المرة دة طب ازاي نعيد نفس التجربة بنفس عناصرها ونقول المرة دة هتكون النتيجة مختلفة !!!!!! شفيق اللي مش عارف يرد علي اي سؤال من المحاورين واجاباتة كلها عايمة وغير محددة وتحس انة بيتكلم بالشوكة والسكينة وعاش في برج عاجي , يعرف اية دة عن الفقراء ومشاكلهم وهمومهم
الناس اللي مش عاجبها الاخوان لما تسالة لية تجد ان كل اجاباتة مبنية علي الافتراض ومبنية علي المستقبل . يقولك اصلهم هيعملوا كذا وكذا , طب انت شوفت دة يقولك لأ بس سمعت , يعني بيحكم قبل ما يشوف .
طب ما يا عم نعطيهم الفرصة ونشوف ونجرب , ما احنا بقالنا 30 سنة قمع وفساد واهمال , نجرب 4 سنين ونشوف , وخصوصا الناس دة عندها فكر وخطط وإلا ماكانوش قدروا يخدوا هذة الاصوات وكمان استمروا 82 سنة في العمل السياسي رغم الاقصاء والاعتقال اللي مارسة المخلوع ضدهم
من الاخر الشعب المصري بيحب يعيش في الاشاعات اللي بيطلعها اصحاب المصالح المتعارضة , يقولك الاخوان هتكوش , يا سيدي خليها تكوش , برضوا هما اربع سنين وهنقلبهم لو مش عاجبنا , انما اعيد نظام مبارك واقول يمكن المرة دة يبقي كويس .

[kimo10]

المشاركة الأصلية كتبت بواسطة fourseasons من اعطى لشفيق صوته ؟ اعطاه كل صاحب مصنع او شركه اغلقت بسبب الاعتصامات وقطع الطرق ! اعطاه كل مريض اوطالب لم يتمكن من الذهاب او تعثر في الرجوع بسبب المليونات الغير مبررة ! اعطاه كل صاحب محل اغلق لمجرد ان حظه سئ وكان يقطن بوسط البلد ! اعطاه كل ام لم تتمكن من زياره اهلها او قضاء طلباتها لان الاعتصامات لم تراعى حرمه شوارع او بيوت اعطاه كل من ازعجه حوار الشباب وتهكمهم على الكبار واستخفافهم و سبابهم باقذر الالفاظ لمن يخالفهم الرأي ! اعطاه كل من فقد الثقه في الشخصيات العامه من الاعلامين الذين كانوا يتقاضوا الملايين بسبب متاجرتهم بالام البسطاء ! اعطاه كل شاب كان امله في فرصه عمل وتعثرت بسبب خوف صاحب العمل مما ستؤل اليه الامور ! اعطاه كل من يعرف جيدا تاريخ الاخوان الدموي وحاضرهم الكاذب في مجلسي الشعب والشورى ! اعطاه كل من يعرف ان الخبرة والدراما السياسيه والوقوف في المظاهرات ربما تصنع زعيما ولكن لا تصنع رئيسا ! اعطاه كل من يفرق بين القادر على تحقيق البرنامج وبين من يتفوه بالاحلام دون سابق انجاز ! اعطاه كل اب وكل ام يريدون الاستقرار للبلد ! اعطاه كل من ايقن ان الرئيس القادم يجب ان يشبه الكثيرين من الوسطيين في الدين دون مغالاه ! اعطاه الاقباط الذين احبو الحياه المدنيه ويسعون للديموقراطيه بعدما هرعو من الفكر المتطرف ومن احلو دمائهم وسرقه محلاتهم وممن يريدونهم دافعين جزيه ! أعطاه كل من اهينوا لعدم مشاركتهم في التحرير لا نشغالهم بايام اللجان الشعبيه وبعدها اصبح يتساوى الشهيد بالبلطجي ! اعطاه كل من لم يهين الجيش والمؤسسه العسكريه التى ظهرت في ايام الثورة وانتشرت لتطمئن الناس على بيوتهم وارواحهم ! اعطاه من لم يجدوا مبرر للهجوم على الداخليه وحرق امن الدوله والتعدي على رجال الشرطه والاقسام ! اعطاه من وجدوا الاستهتار بهيبه الدوله الى ان وصل الهجوم على وزارة الدفاع ! اعطاه كل من عرف من سيحقق له ما يطمح من استقرار وعمل وحياه ! انا واحد من ال فاتوا دول و فى بند واحد او بندين وللعلم انا عمرى ما كان ليا فى السياسة ولا غيروا ولا كان حد بيعبى و يديلى فى جيبى.انا الحمد لله شقيت من اول ما اتخرجت لحد دلوقتى و شيلت زبالة و اشتغلت كل حاجه شريفة و مقولتش لا.مع انى بحكم شهادتى مهندس والحمد لله شغال بشهادتى دلوقتى بس بعد تعب سنين.مش لازم تلاقى حد ياخد بأيدك لاكن ادعى ربنا وربنا ان شاء الله حيكرمك

اخى الفاضل اريد التعليق على اخر سطور وليس ما تم نقله فحضرتك تعبت والله كلنا تعبنا ولكن الفارق ان حضرتك لا تريد ضياع تعب السنين واكتفيت بما وصلت اليه وتريد الحفاظ عليه ولك حق ولك حق فى اختيار شفيق ولكن الفارق هنا اننا لا نريد شفيق ونضحى بكل تعب السنين حتى لا تشقى اولادنا او اخوننا فى مصر ويذوقوا مثل ما ذقنا فحضرتك اوضحت لنا شريحة كبيرة من المجتمع انها لا تريد ان تضحى وتريد ان تعيش يومها حتى وان عاد مبارك الى الحكم
ولا اقصد الاساءة اليك فيما سبق ولكن لا تجملوا شفيق او تضعوا فى مكان ليس مكانه انه ليس من العدل او الانصاف اختاروا ما شئتم وسيحاسبنا الله على اختيارا جميعا واخيرا ان الرزق بيد الله من رزقنا هو وحده القادر على ان يعوضنا

[amrhesham]

المشاركة الأصلية كتبت بواسطة Elsebily هقولك ايه ما انت لو كان حد من ولادك جراله حاجه ولا حد من اخواتك ولقيت اللي قتلوه عايشين منعمين كنت هتبقي نفسك تهد الدنيا وتجيب حقه بس هقول ايه هتفضلو طول عمركو بتفكرو كده وبالنسبه للاطماع والجو اللي انت عايش فيه ده احب اقولك اني السلاح بتاعك اصلا كله بقايا سلاح امريكي يعني من الاخر عارفين عنك الصغيره قبل الكبيره ياعم ده انت مش عارف تعمل مصانع تنقية ذهب باوامر منهم مش هقولك مصانع سلاح انت ليه محسسني انك دوله مالكة قرارها ياعم روح شوف بتوع التمويل الاجنبي اللي خرجو بمجرد امر من بره وسلملي علي القضاء وسيادة الدوله طبعا الكلام ده مش هيعجب حد فيكو لانكو فعلا انتو اللي بتحبو تعيشو في مية البطيخ ياعم ده الناس بقت تصنع تقنيات لحرب من الستالايت واحنا اول عربية جيش نزلت في الثوره عطلت ارحموني بقي من الشعارات دي وفكرو بموضوع هتوصلونا لفين تاني اكتر من اللي وصلنا ليه وبالنسبه لموضوع الاحتلال والجو ده احب اقولك الاحتلال الاقتصادي اصعب مليون مره من الاحتلال العسكري يكفي انهم بيخلوك تنفذ اوامرهم من غير ما قطرة دم واحده تنزل من جندي منهم وبعدين احتلال ايه الكلمه دي قدمت جدا علي فكره ده حتي العسكر بطلو يستخدموها كاداه لتخويف الناس عامة انا مبقنعش حد بحاجه واللي ممقتنع بحاجه يعملها ان شالله يارب تعيشو تحت حكم العسكر طول عمركم انا مالي

يا جماعة يتحرق شفيق على مرسى الخلو الشعب يقلب على بعض

ياريت حضرتك تقرا كويس عن الجيش المصرى من غير كلام غير صحيح وبخصوص العربية العطلت ممكن اجيب لحضرتك صورة دبابة امريكية مقلوبة فى الترعة فى العراق هو حرام عربية تعطل ولا اية انتا محسسنى ان عندنا جيش حليمة

[fourseasons]

المشاركة الأصلية كتبت بواسطة kimo10 اخى الفاضل اريد التعليق على اخر سطور وليس ما تم نقله فحضرتك تعبت والله كلنا تعبنا ولكن الفارق ان حضرتك لا تريد ضياع تعب السنين واكتفيت بما وصلت اليه وتريد الحفاظ عليه ولك حق ولك حق فى اختيار شفيق ولكن الفارق هنا اننا لا نريد شفيق ونضحى بكل تعب السنين حتى لا تشقى اولادنا او اخوننا فى مصر ويذوقوا مثل ما ذقنا فحضرتك اوضحت لنا شريحة كبيرة من المجتمع انها لا تريد ان تضحى وتريد ان تعيش يومها حتى وان عاد مبارك الى الحكم ولا اقصد الاساءة اليك فيما سبق ولكن لا تجملوا شفيق او تضعوا فى مكان ليس مكانه انه ليس من العدل او الانصاف اختاروا ما شئتم وسيحاسبنا الله على اختيارا جميعا واخيرا ان الرزق بيد الله من رزقنا هو وحده القادر على ان يعوضنا

شكرأ..................... ..