صاحبى قرر يشترى جاك بى 15 ممكن مساعدة؟

[سيف الدين سعيد]

يا بشمهندس سمير الموضوع مش مستاهل اننا نتناقش فيه من جديد . احنا بعد اذن سيادتك اغلق النقاش والحوار فى هذا الجدل . واتمنى من حضرتك انك تتغاضى عن الدخول فى نقاش ممكن يفتح باب الخلاف من جديد بيننا كأخوه .
وكمان بارجو المهندس ممفور انه يهدأ بأه شويه وبلاش الإنفعال فى كلامه . ومش كل ما حد يتكلم نمسك فى كلامه ونعمل معاه مشكله . كبر دماغك وعدى الكلام اللى مش على مزاجك .

[aymanlaw]

المشاركة الأصلية كتبت بواسطة أحمد فاروق سيد

لالالالالالالالالالالالال الالالا تعليق!!!!!!!!!!!!!!!!!!!! !!!!!!!!!!

[aymanlaw]

السلام عليكم ورحمة الله وبركاته---
حابب اقول لسيادتك يجب ان نترك جميعا كل هذه المهاترات ونلتقى عند طريق واحدهو ان افيد واستفيد ونخرج بنتائج تزيدنا معرفه وثقافه وعلم ويصبح هذا الجماد الذى نحن خلفه اداة نحبها وتحبنا ونكسب من خلالها كل لحظه ,,صديق جديد,, وأخ فاضل محترم مثلك ومثل رواد المنتدى هذا اولا.
ثانيا :الخلاف كان على سعر العربيه جاك بغض النظر عمن صنعها هل انت مقتنع بأسعار السيارات فى مصرنا الحبيبه حتى الهاى كلاس منها !!!!!
ثالثا : ماتيجى نقارن على ارض الواقع وكأننا نجوب اجنحة معرض وليكن مثلا معرض الكويت الذى تدار فاعلياته الأن ونتخيل ...هو مش حضرتك مهندس على ماأعتقد المهم تخيل انك بتتدرس هندسه فراغيه فهتتخيل ---معلش حبه فرفشه .
المهم هنتخيل اننا نجوب معا فى سرادقات المعرض --تصدق معرض جميل ومنظم بيفكرك بأيه ايوه بمعرض بلدنا فى مصر معرض الأهرام ,,تقوم حضرتك تقولى ,,لايعم ده بلضبط هو معرض اوتوماك , انت مش واخد بالك من طريقة التنظيم ,,هرد عليك واقول لك اذاى مش واخد بالى يا أستاذ ممفيور--هتقولى اصل معرض الأهرام لو تفتكر بيجى اوتوبيس وينقل الناس الى صالات العرض ولكن ده احنا زى ماأنت شايف بنمشى على رجلينا بين السرادقات الى هى البكيات يعنى ياأخى ,,ده انت الى بتقلى,,المهم انت اتنفضت وقلت لى شايف الهندى الى هناك وملمومه عليه الناس ,,انا قلتلك اه فعلا ياترى فيه ايه قلتلى يلا نشوف ,,المهم واحنا ماشيين قبلتنا بنت جميله ممن ينظمون المعرض واعطتك علم لأحدى الماركات العالميه للسيارت والعلم كان للعربيه فيرارى يعنى لونه احمر وجميل (لأنى اهلاوى صميم) المهم انت اخدت العلم منها وهى ابتسمت لك رحت انت نافخ صدرك وكأنك بتقولى شفت هى ادتنى العلم انا بس علشان هى معجبه بيه وانا شاب وسيم ,,ده انت بتكلم نفسك وبترسل لى مابداخلك بنظره من عينيك (اعتقد انهم حلوين علشان كده البنت الجميله اعطتك علم الفيرارى ايوه ياعم ماشيه معاك الله يسهلك) والمهم واحنا ريحين نشوف الهندى بيعمل ايه والعلم فى يدك بصيت لاقيت طفل عنده حوالى نقول 9 سنوات عمال يبص للعلم الى فى ايدك وكأنه بيقول ,,ياسلام لو اخد العلم ده !!!!!!!!!!!! وانت بذكائك وحبك للأطفال فهمت الرساله فوقفت وبصيت له بنظره كلها حب وحنان واعطيت العلم للطقل ووضعت يدك على رأسه ودغدغت له فروة شعره وودعته مبتسما ضاربا بأبتسامة البنت الجميله المعجبه عارض الحائط (ياسلام يالك من شاب رقيق المشاعر ,,مضحى بطبيعتك) المهم ذهبنا لعمنا الهندى ولقينا امامه زحمه جمده قوى وفى ريحه احنا عرفنها ومش مصدقين انها هنا فى الكويت (مثلا يعنى) المهم طلعت الريحه دى ايه والهندى ده مين ؟؟؟؟؟؟؟؟؟؟؟؟ اتضح انه مصرى زينا ومأجر باكيه صغيره وبيعمل ايييييييييييييييه بقى كشرى !!!!!!!!!!!!!! شفت يا عم مفيش فايده وراك وراك حتى فى معرض سيارات الكويت المهم ضحكنا سويا ومرضناش ناكل كشرى علشان انا مبحبوش ومبطقش ريحته!!!!!!!!!!!!!! ودخلنا انا وانت نتفرج على المعرض ومن هنا نبدأ نتفرج ونقارن ونبعد عن مين المصنع المهم نشوف ونقلب ونعرف كل شىء عن السيارت او بعض منها يعنى الى هنقدر نشوفه النهرده ....
الذى اقصده من كل هذا الصداع الى صدعتك بيه اننا يجب ان نضع المقارنات بين السيارات ونبدأ نتحدث عن اوجه الشبه والأختلاف---يعنى على سبيل المثال انا هضعلك ماعندى من معلوامات عن السياره جاك وحضرتك عقب على كل مايرد بما تراه من اوجه شبه او اختلاف او ميزه بما حضرتك وضعته من مقارنه مع الجاك وليكن مثلا ماقلته حضرتك عن الأكسنت والأفيو من كل الأوجه بلطبع ---وفى النهايه انا مستفيد وحضرتك والجميع ---وبلمنسبه ممكن حضرتك تضرب مثل عن اسعار قطع الغيار ايضا كما انا اسردت اسعار قطع غيار الجاك ونشوف الفارق فى الأسعار حتى لو حضرتك زى ماقلت ان ممكم تكون اسعار الجاك قريبه من المرسيدس ممكن حضرتك ايضا تضع الأسعار المقارنه بين الأثنين وانا عارف ان القياس مع الفارق بلنسبه الى قوة التحمل بين السيارتين والعمر الأفتراضى لكل قطعة غيار فى المرسيدس وعلشان كده الأسيبر بيكون غالى وانا كان عندى الفارميو وعارف ليه قطع الغيار غاليه لمثل هذه السيارت---المهم انا هكتب لحضرتك كل مواصفات الجاك وحضرتك تقول مواصفات السيارت الأخرى الى انت اخترتها ونعقد مقارنه مفيده للجميع وعليه ---تفضل حضرتك --مواصفات الجاك
1-نوع المحرك - - -mitsubishi 4g15s - - -سعته 1488 سى سى

يولد 104 حصان عند 6000 RBM

اقصى عزم 130 نيوتن متر عند 4500rpm
نسبة الضغط 10:1
التانك 55 لتر
ناقل حركة مانيول من 5 سرعات
الأبعاد::الطول الكلى :4.595 (مم).
العرض الكلى:1.765 (مم).
الأرتفاع الكلى:1.465 (مم).
قاعدة العجلات:2.710 (مم)امامى 1505 (مم)خلفى 1495 (مم).
ناقل الحركه :مانيول _ _ _ خمسة سراعات.
مقاس العجل:205_55_R16 .
تعليق العفشه:امامى :ماكفرسون.
تعليق العفشه:خلفى:زو وصلتين (tow link spiral ).
نظام المكابح :امامى /خلفى :اسطوانيه - - -قرصيه(disc/Drum ).
وزن السياره 1315 ...
وطبعا حضرتك باقى الأمكانيات اكيد حضرتك عارفها لأنها تعتبر فول اوبشن ماعدا ناقل الحركه وفتحة السقف الى انا عن نفسى مش شايف لها اى لذمه ---طبعا الجنوط اسبور16 ..
دى نظره عامه عن السياره وعن الفسحه الى انا وحضرتك استمتعنا بها ,,او انا عن نفسى استمتعت بها مع حضرتك ...
فلذلك ارجوا من سيادتك تقلى عن باقى انطباعك عن المعرض من خلال مارأيته من سيارات حضرتك هتقارنها مع الجاك بما فى ذلك اسعار قطع الغيار --وصحبه موفقه بأذن الله وعقبال صحبة رسول الله عليه الصلاة والسلام ---شكرا جزيلا واسف على الأطاله(ملحوظه:::هامه جدا --شفت الهندى مطلعش هندى طلع مصرى !!!!!!!!!!!والهندى عمل قنبله زريه وماهندارا عربيه!!!!!!!!!ياالف خساره كشرى واماره كل الى بندور عليه نبنى عماره نتقدم لالالالالا نتطور لالالا ياميت مليون خساره)اشكرك اخى الفاضل مش عيزك تزعل من اخوانك والتمس للجميع العزر --الى لقاء

[hish172005]

المشاركة الأصلية كتبت بواسطة hish172005 باشمهندس سمير انا معك فيما تقول ولكن حريه الرأى لا يجب ان تكون خارج نطاق اللياقه وتجريح الاخرين وفى الحقيقه ليست هذه المداخله الاولى لmffor ولكن كانت له مداخلات مع الاخوه مالكى الجاك فى موضوع اسمه .انا بكره التوكيل ده بكره جاك . وكان فعلا مستفزا ومجرحا لمشاعرهم وتدخلت الاداره لفض النزاع والان عاد مره اخرى ليعيد نفس الكره فهم يعرفونه جيداا ويعرفون كيف يتعاملوا معه وان كان ردهم قاسى هذه المره وانا مجرد شاهد عيان ومتابع للموضوع ومن حقى ان اقول رأيى

ياجماعه انا كتبت المشاركه دى والمعركه شغاله والظروف كانت غير الظروف ودلوقتى انتم اصطلحتم ليه ترجعوا القديم تانى لو مشاركتى دى هترجع تزعلكم تانى انا بطلب من الاستاذ المشرف انه يشطبها نهائى وبكل نفس راضيه ومش هزعل نهائى وربنا يديم المحبه بيننا

[samirayad]

المشاركة الأصلية كتبت بواسطة hish172005 ياجماعه انا كتبت المشاركه دى والمعركه شغاله والظروف كانت غير الظروف ودلوقتى انتم اصطلحتم ليه ترجعوا القديم تانى لو مشاركتى دى هترجع تزعلكم تانى انا بطلب من الاستاذ المشرف انه يشطبها نهائى وبكل نفس راضيه ومش هزعل نهائى وربنا يديم المحبه بيننا

يا أستاذ : هشام

كلامك ياباشا

بمجرد قرائتى له

لم أجد داخله إلا كل عدل ووضوح فى أعطاء كل زى حق حقه

وحينما أحسست بتجاوزى السابق

كنت عاوز أرد عليك

ولكن الموضوع كان مغلق

وأنا يهمنى أولا وأخيرا

قول كلمة الحق

حتى وأن أستدركتها فيما بعد

ألا يقولون

الرجوع للحق فضيله

أنا شايف كده ولازم أسترضى الزملاء بقسم الجاك

ودى حرية تعبير

مع حفظ المقامات للجميع بداخل هذا التوبيك

ده منتدى يا أخوانا

ولو حد أخطأ فى طرح مشاركه معينه

وراجع نفسه

فماذا يمنع .................؟

طالما النقاش فى روح الأخوه والتعاون

ماهو أحنا المفروض نظبط بعض فى كل حاجه

سواء سيارات أو معاملات

من خلال النقاش الهادىء الهادف