اسئلة تهم المبتدئين فى عالم السيارات

[حسن بكر]

شكرا لمن شارك في إفادتنا لكي نتعلم ما هو صحيح ومفيد وزادكم الله علما

[hanitig]

يا جماعة انا لسة جديد فى الموقع وعندى كام سؤال
انا مكنش عندى عربية قبل كدة
الحمد اللة رحت حجزت سيارة تيجوا 2000 سي سي اوتوماتيك
ودى اول عربية اشتريها و بصراحة خايف من السواقة لانى مش متمرس على السواقة
اعما اية و ازاى احافظ عليها
ارجوا ان تفيدونى و شكرا

[EgyZizo]

طيب أنا من ساعة ما سقت عربيات من كام سنة ، ولازم رجلى الشمال تبقى مريحة على الدبرياش وقريت قريب ان ده غلط على مجموعة الدبرياش ، بس لقيت ان صعب جدا أخلى رجلى بعيد واشيلها واحطها على الدبرياش لما احتاجه بس ، خصوصاً فى الحتت الزحمة .. فشكلى هارجع زى ما اتعلمت .. انتوا بتعملوا ايه؟

حاجة تانية ، قريت برضه ان المفروض انك لما تيجى تدور تكون دايس دبرياش علشان ده بيحافظ على المارش ، ودى برضه معلومة جديدة عليا ، فهل انتوا بتعملوا كده؟

[EgyZizo]

المشاركة الأصلية كتبت بواسطة ابراهيم داود موضوع قيم جدا جدا وتشكر اداره المنتدى للرد عليه وبالطريقه المبسطه ممكن سؤال لو سمحتم احيانا بكون فى مكان مرتفع مثيل لكوبرى بداخل البلد وانا طالع بكون على الغيار الاول وعند الوقوف بقف على حركه الماتور هذا صحيح ام فرامل وارفع فرامل اليد وعند الحركه بعد الغيار الاول وعند ارتفاع صوت الماتور انزل فرامل اليد

سيان .. الحركتين شغالين ،
بس طبعاً طريقة فرامل اليد هتوفر معاك بنزين وهتقلل الاجهاد على الموتور ..

[EgyZizo]

المشاركة الأصلية كتبت بواسطة gaballah السلام عليكم يا جماعه المهم يعنى ايه الماتور 60% هما قالولى ممكن يشتغله سنتين بس برده ياترى هيشتغل بكفائه ولا ايه هيكون عيوبه المتوقعه على العربيه وهو يعنى النسبه دى بتخليها تقل لغايه امتى وهيجى وقت يقولك نسبه الماتور ده صفر فى الميه ولا بيكون خلاص يقف امتى وبيكون حله ايه لو وقف خالص بيتعمله عمره ويرجع زى الاول ولا بيترمى وتجيب واحد جديد

شوف حكاية يشتغل أد ايه دى بتاعة ربنا .. يعنى هى بتفكرنى لما واحد عيان الدكتور يقول له فاضل لك تعيش 6 شهور ، فبنقول طبعاً ان دى حاجة بتاعة ربنا ..

مثلاً عربيتى فى سنة 2001 الميكانيكى عمل لى حاجة اسمها (طقم شمبر) وقال لى الموتور بتاعك يمشيك سنتين وبعدها هتحتاج عمرة موتور .. واحنا أهوه فى 2010 والموتور لسه ماشى بدون أى مشاكل ..

عمر الموتور بيتوقف على استعمالك ، يعنى سوق بالهداوة وانقل غياراتك بدرى وماتحرقش على المكنة (ما تدوسش بنزين جامد) وما تجريش بسرعة قوى لدرجة ان صوت الموتور يعلى ، هتلاقيه يعمر معاك ..

وربنا يبارك لك فى عربيتك ..