مخطط تصفيه الثوره ,,

[kj1]

[kj1]

[kj1]

[kj1]

الدولة المصرية بتستعد لحرب.. !!
.
● حرب رسمية حقيقية مش حرب مصغرة ضد الإرهاب.. حرب مفاجئة تنتج عن إن طرف يفقد عقله في لحظة يقرر إنه "يا روح ما بعدك روح".. ويهاجمنا..
.
● السيطرة على منابع الغاز في الشرق الأوسط هي السبب الحقيقي والخفي لكل اللي الدمار اللي عشناه وعاشته دول المنطقة في السنين الأخيرة ، وكنا من أوائل الناس اللي اتكلموا عن الموضوع ده من عدة سنوات وقت ما كان الأورجازم الثوري في منتهاه ، وغبار الكولة بيغطي الأجواء ، وبعد كده بسنين بدأت الفضائيات والمواقع الاخبارية العالمية تتكلم عنها وتكشف ولو جزء بسيط من حقيقة اللي بيحصل وتقدروا ترجعوا للمقالة المفصلة دي عن حروب الغاز ..مكتوبة 2014
.
● الحروب دي استخدموا فيها كل شيء.. الثورات الملونة، الإرهاب.. حروب الوكالة.. البلطجة.. حروب العصابات.. لكن رغم كل ده ، المحاولات دي انتهت بأن كبرى منابع الغاز اللي صرفوا تريليونات و ضيعوا آلاف الأرواح عشانها.. وقعت في إيدينا..!
● غاز مصر في مصر.. غاز المتوسط في قبضتنا.. وغاز سوريا لسه في سوريا.. بترول العراق ابتدى يرجع للعراقيين.... مفيش أنابيب قطرية هتعدي لأوروبا..
● مش دي النتيجة المتوقعة ولا المطلوبة.. و ما اتصرفش كل اللي اتصرف دا عشان النتيجة دي..
.
■ يعني إيه رئيس الدولة المصرية يتكلم عن إنتشار قوات الجيش على كل شبر من الأراضي المصرية في ست ساعات؟ هينتشروا ليه إلا في حالة حرب ؟
● القوات المسلحة بتأسس قواعد عسكرية جديدة على سواحل البحر المتوسط والبحر الأحمر.. ليه ؟ عشان "بتوع رابعة".. ؟ طبعًا لا..
● شبكات الطرق ومحطات التحلية ومحطات الكهربا ، والمزارع والأكل والإكتفاء الذاتي.. محصول الجيش ومزارع السمك ليه ؟
.
● الموضوع مش طرق ولا مواصلات ولا عاصمة جديدة، ولا توفير "جمبري" للمواطنين من مزارع جديدة.. والسعي لاكتفاء ذاتي من القمح.. لمجرد إن دي واجبات على الدولة..
● الجيوش بتبقي عبء هائل على الإقتصاد وقت الحرب.. لأن القوات دي وقتها بتستهلك وبس.. فبتشح السلع و أسعارها ترتفع بجنون..
•• اللي حضروا حرب 67.. هيحكولك عن إن مكانش في معلقة سكر يحطوها على كوباية الشاي.. كانوا بيشربوه مر .. مع مرارة الهزيمة، ونهارهم بيمر قاتم.. كأنه ليل طويل..
• فكده لما تزرع و يبقى عندك اكتفاء.. لما قواتك نفسها تنتج.. تبقى مستعدة تأكّل نفسها.. مستعدة لحرب..
● الحرب دي بيحاولوا يجرونا ليها من أول يوم.. تحرش في اليمن.. مناوشات في سوريا.. مشاكل في البحر المتوسط.. مضايقات في باب المندب .. مشاكل في الحدود الغريية..
● وإحنا مش بننجر بسذاجة زي ما هم متخيلين لمعارك دون إرادتنا..
.
■ مصر من أول الربيع الأسود و هي عمالة تخمد حرايق في الشرق الأوسط.. هم يولعوا و احنا نطفي.. وبنستعد..
● سلع استراتيجية.. طرق تنطلق عليها المركبات والمدرعات وناقلات الجند بسرعة البرق.. تطوير هائل في التسليح ..حجما ونوعا .. أسلحة جديدة.. حاملات طائرات.. غواصات وبطاريات دفاع جوي.. قمر صناعي عسكري .. مفاعل نووي.. بنبني مطارات.. بندخل تحالفات..
•• ما سألتش نفسك احنا ليه بنعمل مناورات طول الوقت مع دول مختلفة ؟؟
● محدش بيتسلح بالأسلحة و التجهيزات والاستعدادت دي كلها عشان "جماعة رابعة".. دا كده كيان بيستعد لحرب شاملة..

[kj1]

● اللى يبص كويس للطرق و الكبارى إللى اتعملت فى مصر و يدقق فى شكل و مساحة عرض الطرق و إتجاهات ربط الطرق ببعضها .. ها يعرف إنها متصممة لحاجة أكبر من السيارات العادية و النقل ..الطرق دى طرق عسكرية من الدرجة الأولى لابد منها وقت الانتشار السريع للجيش وقت الحرب .. عدد المطارات الجديدة و شكلها و إعادة تأهيل القواعد العسكرية و إنشاء قواعد جديدة و سباق الزمن لإنجازها و شراء أسلحة جديدة و متطورة فى كل فروع الجيش ، اللي يدقق كويس هيعرف إن ده إستعداد لحاجة أكبر من مجرد تخطى الأزمة الإقتصادية ..
•• المرحوم عمر سليمان قالها.. "المواجهة قادمة لا محالة، لكننا نؤجلها حتى نستعد قدر الإمكان.."
•• ولما مدير مخابرات بعقلية وتاريخ عمر سليمان يقول الكلام ده يبقى أكيد مش بيقوله من فراغ
.
■ الحرب جاية جاية .. علينا الإستعداد النفسى أولا والإستعداد العسكري والاقتصادي والاجتماعي لأننا ممكن فجأة نلاقى نفسنا فى قلب أتون الحرب ومفيش رجوع ولا هزار
● من أهم قواعد الحرب إن عدوك قبل ما يتحرك يتحرك يحسسك بالأمان.. إن مفيش حاجة.. وإن الدنيا راقت تماما.. ومفيش نية حرب.. لأن المباغتة في الحرب نصف النصر..
● ويبقى أحمق اللي مش سامع قرع طبول الحرب ومش شايف "نية الحرب" حواليه في الشرق الأوسط والعالم..
● النية موجودة.. بس نية الحرب تختلف عن "قرار الحرب" ..يعني تحويل النية دي لإرادة وفعل..
● كله بيتسلح و كله بيستعد وكله بيتميز غيظًا من حقول الغاز في المتوسط ، وكلهم حقل "ظهر" تاعبهم نفسيًا..
.
● الكلام ده مش مجرد استنتاج بقوله عشان أخوفك أو ألهيك مثلا عن التفكير في المشاكل اليومية الحياتية المعتادة .. دي أراء خبراء ومتخصصين في مراكز الأبحاث
● شوف مثلا مقال الباحثة والكاتبة الروسية «ماريا بيزتشاسنيا» اللي نشرته فى صحيفة «سفوبودنايا بريسا» الروسية، من ساعات قليلة ، واللي اتكلمت فيه عن حشد الدول العظمى لقواتها استعدادا لمعركة الموارد فى مياه المتوسط.. الأسطول الأمريكي .. الأسطول الروسي.. الأسطول الفرنسي.. وفيه كلام عن سفن صينية كمان
● روسيا من كام يوم بتجري أضخم مناورات عسكرية في تاريخها منذ الحرب العالمية الثانية بقوات بلغ تعدادها 300 ألف مجند ، وطبعا كل ده بالاضافة لتصريحات مجنون الأناضول الاستفزازية الأخيرة .. القرد التركي هيتجنن بسبب اللي بنعمله في البحر المتوسط ، و اتفاقيات ترسيم الحدود والتنقيب عن الغاز .. وآخر حاجة جننته هي خط الغاز اللي هيجي من قبرص لمصر عشان تتم إسالته في مصانعنا ليعاد تصديره لأوروبا، وعشان كده تصريحاته وتحركاته بتتجه للتصعيد
● وبمناسبة البغل التركي ، صحيفة «ينى شفق» التركية نشرت مقال هي الأخرى أكدت فيه أن المنطقة هتشهد حرب أكثر عنفا من الحرب الأهلية فى سوريا، تحت شعار «الكل ضد الكل» وذكرت أن حشد الأساطيل والسفن الحربية من مختلف البلدان فى المنطقة يزداد أسبوعياً.
● وفيه كلام عن ان الأغا العثمانللي بيحاول امتلاك حاملتى طائرات من إسبانيا، على غرار حاملة الطائرات الإسبانية «كارلوس»، وتم الاتفاق بالفعل بين البلدين على تصنيع الحاملتين، بحيث تتسلمهما تركيا نهاية عام 2020 ، وبيخطط برضه لامتلاك أكثر من 50 قطعة بحرية متطورة وذات قوة نيرانية غير مسبوقة..!!
.
■ المنطقة حوالينا بتغلى بمعنى الكلمة والإنفجار الحربى بسبب الغاز هيحصل فى أي وقت بين كل الدول و الكل هيعجن فى الكل ، لأن الغاز بالنسبة لأوروبا حياة أو موت .. و إللى مكتوب ده مش معلومات عسكرية سرية .. كل العالم باصص على بعض و مفيش حاجة بتستخبى إلا الأسرار العليا .
•• كل الشواهد دي بتقول انه ثمة شئ خطير يجري الاستعداد له في منطقتنا
.
● بس الحرب دي مش هتمر بلا مقابل.. هيدفع ثمنها 100 مليون مصري.. من دمهم وحياتهم وولادهم و فلوسهم..
● أي حرب بيعقبها دمار وخسائر مهولة.. حتى لو كنت أنت الطرف المنتصر..
.
■ فخليك عارف إن فيه حدث جسيم.. لازم تستعد له وتصحى.. مسلم ومسيحي ، وسني وشيعي وسلفي ، وريفي وحضري ، وصعيدي وبحراوي ، وبلاش خلافات ومنازعات تافهة .. لأنك في لحظة هتلاقي الحرب فوق راسك..
● الاتحاد بيخوف.. واتحادنا هو سر قوتنا.
اتحدوا يرحمكم الله ......
منقووووووول