|
#596
30-08-2010, 08:27 PM
|
||||
|
||||
رد: أدب الرحلات
150 الف جنيه
واتأخرت فى اسكندرية فى الشغل وطلعت جرى على القطار ولقيته فى أول الرصيف وانا لسه فى آخره وطبع ملحقتوش وسافر القطار بدون ونظرات الحسرة تلاحقه لانى لا احب الميكروباس وقلت ياواد ياخالد امرك لله اقعد على القهوة اللى ادام المحطة واشرب شاى تقيل وبعد كده اركب الميكروباس وفعلا شربت الشاى التقيل بعد مناهدة ومناقشات عنيفة لان مفيش بنى آدم بشرب الشاى حبر كده وانت مالك انت ليك 10 قروش هتاخدهم حد كلمك فى فلوس اللى عايزه هتاخده صحتك سيبك منها وبعد معركة طويلة ليس هذا مجالها شربت الشاى وقمت خرجت من القهوة لاجد سائقى الميكروباس 4 او 5 اصوات كلهم ينادون فى وقت واحد واحد يامصر ....... واحد مصر واحد مصرواحد مصر وكلهم كدابين ولفيت حواليهم كلهم ونقيت عربية باقى لها 3 افراد وتسافر ومن بعدى اصبحو 2 ثم دخل بعدى مباشرة شاب صغير سنه لايزيد عن ال 20 او 21 باى حال من الاحوال ومعه شنطة هاندباج صغيرة لكن واضح انها مكتظة (متروسة) بشىء ما وجلس بجوار ووضع هذه الشنطة على رجله ثم جاء الاخير وتحركت السيارةالى القاهرة وبعد البوابات وعند كمين اكتوبر أوقفو السيارة رخصك يااسطى انا أمين شرطة زميلك وعيب تقول لى الرخص والكارنيه اهو وبعد هذه الجملة حدث انقلاب فوجئت الكمين كله اتلم حواليناونزلونا كلنا من السيارة شاور عليا انا و2 تانى انت وانت وانت اقفو الناحية دى وباقى ركاب العربية تعالو ورايا واخدهم على المكتب ودخلو كلهم جوه فتشوهم وقلبوهم تقليبة صح وكشفو عليهم كومبيوتر واسئلة كتير و...س و.. ج وشغلانة ولقيت 2 نطو جوه العربية ببطاريات وقلبو العربية ودورو فوق الكراسى وتحتها وخبطو على الكراسى ووقفو عليها بركبهم الله الله الله ايه الموضوع ده وانا نافوخى شغال الناس دى شاكين فى حاجة وغالبا الحاجة دى فى العربية ادت الى تفتيش الركاب بالطريقة دى وفجأة لقيتهم ماسكين الشاب اللى كان جنبى ومعاة الشنطة الهاندباج ايه ده يابنى فلوس ايه دى دول 150 الف جنيه بتوع الحجاج وانا بشتغل فى شركة سياحة بطاقتك الولد بعنجهية / ليه هتعملو بيها هنناسبك يا..... اطلع ياله بالبطاقة اهى ورماها بوقاحة للظابط واتصل بصاحب الشركة انا ممسوك فى كمين بالفلوس ....... وقبل ان يكمل كلامه سيب يا..............أمك التليفون قلت / أأأه ه ه ه ه مش مروحين الليلة دى والولد طنش الظابط وراح قايم له و اكله قلم واخد منه الموبايل ورماه فى الارض ولقيت الولد اللى عامل راجل مكملش للاخر زى واحد صاحبنا غاوى مشاكل ومعلش ياباشا ...انا أسف ياباشا وبضرب عينى على العربية لسه دول بيفتشو فيها ولقيتهم نامو تحتها وجابو بطارية ايه ده هما شاكين فى حاجة اكيد وجابو حديدة وداسو بيها على الكاوتش وخبطو عليه وفتحو الشنطة ثم الكبووت وقلبو حوض الموتور كويس واتعدلت الناحية التانية نازلين تحقيق مع الولد وباقى ركاب العربية انضمو ليا انا وال2 التانيين ووقفو يتفرجو معايا ايه الليلة البيضا دى فيـــــيــــــيـــــن سابو الولد ورمو له الشنطة بفلوسها فوقف يعد الفلوس والظابط راح له / بتعد ايه ياكذا احنا هنسرقك ياابن كذا الولد بخوف / ياباشا مش لاقى البطاقة البطاقة معاك ياكذا ويدور على البطاقة مفيش وجوه العربية مفيش فيـــــــــن اكتشف انهم رموها له وسط الفلوس ومشينا بعد اكتر من ساعة الا ربع عصيـبـة وسالت السواق / ايه الفيلم ده كله ف رد من تحت الضرس /معرفش لكن كلمة معرفش قالها بطريقة تقول انه يعرف واحنا فى الطريق واضح ان الولد خام خالص ومبلغ زى ده كتير عليه انه يشيله فى الوقت المتأخر ده وسأل بسذاجة عايز اروح بولاق فواحد قال له هنزل معاك اوريك وانا نافوخى ولع الساعة 3 بالليل قلت له (بينى وبينه) / اسمع نعم تنزل منزل ميدان لبنان وتركب ميكروباس بولاق وملكش دعوة بحد ومتركبش مع حد من ركاب العربية بتاعتنا دى فى عربية واحدة او تمشى معاه اشمعنى من غير اشمعنى اسمع الكلام وخلاص ومتمشيش بعد متنزل فى حتة مفيهاش ناس حاضر ونزل وربنا يستر عليه بعد كام يوم قبلت واحد جارى / ظابط شرطة وسالته بعد مقلت له الحكاية فقال /جملة عيب ده انا امين شرطة زميلك هيا اللى عملت كده ازاى طالما ميكروباس واخد نمر رحلات يعنى ملوش خط سير لان خط السير للاجرة بس والسواق بتاعه امين شرطة كمان يبقى ده جواه مصيبة لان امين الشرطة لما يقول الكلمتين دول فهو فاهم ان زميله مش هيفتش العربية علشانه وبالتالى هو معاه مصيبة عايزها تعدى التعديل الأخير تم بواسطة خالدخليفة ; 30-08-2010 الساعة 08:34 PM 
|
|
#597
30-08-2010, 08:57 PM
|
||||
|
||||
|
رد: أدب الرحلات
انا والشاى الثـقـيـل
وحكايتى مع الشاى حكاية طويلة (على رأى فريد الأطرش) وانا كنت بشرب الشاى مظبوط لونه احمر نبيتى لحد م ابتديت الف فى المحافظات وزمان كنت استعيب قعدة القهوة جدا لكن مع الوقت وانتظار الزباين يعنى هستنى الزبون فين فبقعد على القهوة ومع غلاء الشاى والسكر بدأ القهوجية يقللو الشاى والسكر ثم اصبح الشاى يـأ تـيـك عبارة عن ميه مغلية عليها نقطة شاى ( وده معنى كلمة تجار المية السخنة هى فعلا مية سخنة مش شاى) ودورت فى الحكاية دى ووجدت ان معلقة القهوة مبططة ومحطوطة طول اليوم جوه كوباية ميه مليانة ميه وتطلع منها مبلولة يدخلها جوه برطمان الشاى ويطلعها تانى بصورة عمودية على البرطمان وبالتالى تخرج بعا بعض ذرات الشاى العالقة فبقيت اقول لهم شاى تقيل لو سمحت فكان بييجى مظبوط زى م انا عايز ثم بدأ يقل الشاى مرة اخرى فبقيت اقول / شاى عليه 4 معالق شاى (هنا بدأت معارك الشاى ) واحد /ليه ياعم انت بتنتحر لا واحد فى قهوة تانية / انت عايزنا نقفل انت عايز تخرب بيتنا لا واحد فى قهوة تالتة (فى سيدى جابرامام المحطة مواجهة للكوبرى العلوىللمشاة) بمنتهى الوقاحة / قوم يا حاج من هنا معندناش شاى (طبعا حصلت معاه معركة) رابع / صحتك ياباشا خامس / اتفضل ياباشا دى خفيفة هات شاى ناشف الشاى خلص سادس / كده كتير اوى معلش وسابع وتامن وتاسع وعاشر وحادى عشر ورابع عشر وعاشر عشر وكلهم عاملين نفسهم عايلين همى وهم خايفين انى مدفعش اللى عايزينه وكل مرة كنت اطمنهم انى مليش دعوة بالسعر المكتوب وهدفع اللى يقولو عليه وكان بعض اصحاب القهاوى صعايدة فلما اقول 4 معالق شاى كان يجيب الكوباية سودا طينة وكنت اشربها لانى انا اللى طالبها واتعودت على الشاى التقيل ومرة فى المحلة زبون حلف ليجيبلى شاى شكرا مش عايز لاو الله انا عارفك صعيدى وبتحب الشاى شكرا مش عايز والله لايمكن وطلب الشاى من القهوجى والقهوجى عمل شاطر وانا فهمته هيعمل ايه فقلت له شاى كشرى فاهم كشررررى ماشى وبعد شوية جايب كوباية الشاى من شكلها بانت سودا وخفيفة شاى تقيل ياباشا ده مش تقيل ده مغلى وانا مبحبوش والزبون زعل واشتكى لصاحب القهوة وصاحب القهوة ضرب الواد بالقلم والواد قدم استقالته وانا روحت حايلته وموال طويل ومن يومها حرمت اكون عند حد واشرب شاى لانهم بيجيبوه من القهاوى والقهوجية باردين وبيتسببو فى احراج لاصحاب المحلات ولازالت معارك الشاى لاتنتهى
|
|
#598
30-08-2010, 10:08 PM
|
||||
|
||||
|
رد: أدب الرحلات
نائب مأمور محطة القاهرة
والكلام ده كان من حوالى 10 سنين ولمن لايعلم ارصفة رقم 18 و 19 و 20 هيا عبارة عن 3 ارصفة متجاورة ورقم 20 هو امتداد لرصيف رقم 1 وبينهما باب حديد مغلق دائما مش عارف ليه (هذه الأيام مفتوح دائما واعتقد انهم شالوه)يبدو انه للامعان فى ذل الناس وكمان لكى لايتصرف الناس ويفتحو الباب او ينطو من فوقه حطو جنبه امين شرطة اه والله مش عسكرى ولم افهم قيمة غلقه بصراحة ولكن امين الشرطة (اعتقد اسمه عم ابراهيم) نظرا لانه حاسس بالناس ومتاعبهم فكان بيهوى السلسلة المقفول بيها الباب بحيث يفتح الباب وتعدى منه الناس وكان دايما عينه على مكتب نائب المأمور لان مكتبه فى اول رصيف 1 وهو ياعينى قاعد على كرسى فى الشمس فى نهاية رصيف1 علشان اول م يظهر نائب المأمور يشد الباب يقفله طب ليه كل ده ؟؟؟ معرفش وفى يوم رايح اركب 923 المكيف بتاع 4 العصر (4 وربع دلوقت)من على رصيف 4 ولقيت زحام رهيب نهاية رصيف 1 وروحت اشوف فى ايه وفوجئت بالباب مقفول والناس بتنط على القضبان وساعة ذروة قطارات كتير داخلة وخارجة وواحدة ست عجوزة بتنط من الرصيف والناس بتشيلها علشان تنزل ايه ده ؟؟ ليه كل ده؟؟ روحت لعم ابراهيم فى ايه ياعمنا قال / فى مرور دلوقت ومقدرش افتح الباب والناس دى نائب المأمور واقف هناك اهو واعمل معروف متعملش تجمهر ازاى يعنى مهو كلمة منك هتجيب واحد تانى وتالت وتحصل مشكلة واحنا مش ناقصين وانت فاهم انا مجبر لكن غيرك مش فاهم ماشى واخدت بعضى (مع انى مش فاهم اخد بعضى ازاى وانا كلى رايح مش بعض منى) وروحت لنائب المأمور فى اول الرصيف سلام عليكم ياباشا وعليكم السلام (رد بمنتهى الأدب بصراحة ) سعادتك الباب اللى فى اول الرصيف مقفول م انا عارف طب دلوقت ساعة ذروة وقطارات داخلة وخارجة والناس بتنط على السكة و ده خطر والله احنا عاملين سلالم وانفاق علشان تمشى عليها الناس مش للديكور وفين سلالم رصيف 20 رصيف 20 تطلعله من بره اااااه ه ه يعنى حضراتكو تقولو للناس ادخلو واخرجو من الباب وفجأة تفتكرو القانون وتقفلو الباب يابيه ارصفة 18 و 19 و 20 دى لقطارات الغلابة والموظفين والطلبة و دى فئات بتركب يوميا مش بيركبو كل فين وفين انت عايز الناس تخرج بره على ميدان رمسيس تانى وتلف من مهمشة علشان يدخلو ؟؟؟؟ و ليه المشوار الطويل ده والله روح للادارة بتاعتنا قل لهم الكلام ده والادارة فين فى العباسية اه يعنى انت عايزنى دلوقت والساعة 3 اخد تاكسى واروح العباسية للادارة اروح الاقيهم مشيو لانهم موظفين الشرطة مبتقفلش يابيه الكلام ده فى القسم فى المديرية فى الجوازات بعصبيه / دلوقت انت عايز ايه ومتعطلنيش ورايا شغل بستسمحك تأمر بفتح الباب لا بعصبية / ليه كده وهنا تدخل احد المساعدين له /كان زمانك نطيت انا مش هركب من هناك بغيظ / اومال القطار بتاعك فين هناك اهو على رصيف 4 اومال واجع دماغنا ليه وانت مالك مالى ازاى هيا الناس دى مفروض انها تهمنى وتهمك وتهم كل واحد مش دول اهالينا ترضى كده لاى حد من العيلة عندك انه ينط على الشريط والقطارات داخلة وخارجة نائب المأمور (علشان يخلص منى) / خلاص انا هبعت حد يفتح الباب انا( بكهانة / بلؤم (م انا عرفت انه بيمشينى) شكرا ياباشا هروح اقول لعم ابراهيم يفتحه ياعم انت مالك انا هبعت افتحه لاو الله م حد يروح غيرى بغيظ وعصبية / سيبنا نشوف شغلنا بقى انا من ساعة مشفت طلعتك البهية مش عارف اتحرك يابيه هتخسر ايه لما تبعت معايا حد او تدينى امارة لعم ابراهيم سابنى ومشى جريت وراه لكن انقذه منى (او انقذنى منه لانى معرفش لو اتصرف بعصبية كان هيحصل ايه ) تحرك القطار بتاعى من رصيف 4 وبررررررضه جريت وراه وشافنى العامل بتاع عربية المولدات ويضحك ويكركر ويقول / مفيش فايدة مش هتيجى بدرى ابدااااااااااا التعديل الأخير تم بواسطة خالدخليفة ; 30-08-2010 الساعة 10:46 PM
|
|
#599
30-08-2010, 10:38 PM
|
||||
|
||||
|
رد: أدب الرحلات
تكيـيـف 935 المتلج
و 935 قطار اسبانى محترم يقوم من الاقصرفى الواحدة ظهرا ليصل القاهرة العاشرة ليلا ويقوم منها 10 ونص على اسكندرية وفى يوم كنت جاى من طنطا ومروح بدرى وقلت وانا بركب من طنطا ياواد فرصة تروح يوم بدرى واهو العيال يشوفوك (كان عمر لسه عايش رحمة الله عليه) بدل م بتروح تلاقيهم نايمين ويروحو المدرسة قبل م تصحى انت من النوم وفعلا ركبت من طنطا الحربى الساعة 9 وربع ووصل القاهرة 10 ونص ودخل رصيف 6 ورصيف 6 ملاصق لرصيف 8 (مفيش فى محطة القاهرة رصيف 7) وكان 935 واقف على رصيف 8 استعدادا للسفر الى الاسكندرية وفى مشكلة كبيرة فى القطار وببص لقيت احدى العربات تكييفها تلاجة (جليد / صقيع /بعيد عنكم )وبضرب عينى على عينات الناس اللى فى العربية لقيت معظمه كبار فى السن او ناس معاها اطفال ايه الكلام الفارغ ده سألت الناس فقالو التكييف بايظ من بنى سويف واحنا هنموت وكلمنا الكمسارى فقال هبعت الراجل يعمله ومعملش حاجة ودلوقت مش لاقيينه وانا لانى فاهم النظام عرفت الموضوع التكييف فيه مشكلة وصاحبنا هيسلم القطر فى مصر ومش عايز دوشة وبيرحل المشكلة لزميلة اللى هيستلم فى مصر فدورت على الرئيس الجديد (رئيس القطار ) اللى هيستلم من القاهرة وانا عارف هما غالبا بيبقو واقفين فين وروحت ملقيتوش وجريت على مكتب الكمسارية على رصيف 8 رئيس 935 الطالع فين خير ياباشا واحد باعتنى ليه برسالة انا ياباشا اؤمر تكييف عربية رقم كذا تلاجة والناس مش قادرة تقعد وفين الرسالة انا قريب الحاج /محمد القط (الله يرحمه /كان محبوب الراجل ده) اهلا بيك اهلا وسهلا يعنى القطر جاى من اسيوط وكان ليه ريس محدش اشتكى له ليه قلنا للريس وقعد كل شوية يقول حاضر طيب ومفيش حل والعربية فيها ناس كبيرة واطفال عينى حاضر هبعت الفنى يعمله علشان خاطرى متطلعش القطر قبل ميتصلح حاضر وانا خارج /سلملى على الحاج محمد انا / عينى ياريس (وحبيت افهمه انى قريبه بجد فقلت / ابقى اخطف رجلك لدارالسلام فى البيت زيارة لله كده) فغمز لى وضحك وقال / ماشى ورجعت وقفت جنب العربية والراجل اتاخر روحت رايح له تاني بعصبية / ياريس القطر متلج مش معقول كده وانا بكلمك لانى قريب واحد زميلك ومش عايزين نعمل مشكلة ولو الركاب حست بمشكلة الموضوع هيوسع مش معقول كده قال /والله العظيم بعتته واتصل بمعاون محطة القاهرة باللاسلكى ادامى نادى على زفت فى الميكروفون خليه يروح ل 935 ومخرجتش من المكتب غير لما سمعت الميكروفون بينادى فنى تكييف العربات التوجه الى قطار 935 عربة رقم كذا شكرا ياريس العفو ياحبيبى وشوية وجه الباشا بطلعته البهية اشتغل فى التكييف ووقفت جنبه لحد م اتعمل وبقى مظبوط والركاب افتكرونى راكب معاهم فى العربية وبدأ الكلام هو الكرسى بتاع حضرتك فين انا مش حاجز خلاص تعالى اقعد جنبى ولا مسافر بدهشة وفى صوت واحد (كل من سمع جملة ولامسافر) نعم م م م م اومال بتعمل ده كله ليه لله انا جاى من سفر وفاهم شوية فى قوانين السكة الحديد فقلت احلها قبل القطار م يمشى لانه لو مشى مش هيتعمل التكييف ليه لانه مش بيقف غير طنطا ثم اسكندرية والدنيا ليل وغالبا عامل التكييف اللى فيه هو اللى جاى من الاقصر فهينام (دلوقت القطار ده يقف بنها / طنطا / دمنهور) ودعوات تعالت من الركاب الله يسترك الله يعمر بيتك وده واحد لذيذ وقف واتنفخ وقال بصوت عالى / برافو هيا دى الايجابية وضحكت ومشيت وببص فى الساعة بقت 12 ونص بالليل وجريت الحق المترو الاخير وروحت لقيت العيال نامو
|
|
#600
31-08-2010, 12:58 AM
|
|||||
|
|||||
جزاك الله خيرا ياعم خالد
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 06-11-2010 الساعة 05:51 PM
|
 |
|
|
