المختصر المفيد في الإلانترا الجديد

[abdulkhaleq]

المشاركة الأصلية كتبت بواسطة HaMaDa-ToUBaR يابشا انا متفق معاك فى مسألة اقتصاد الدولة بس انا بتكلم فى الوقت الحالى الوضع كدة ومفيش مفر منة .. حتى لو بدأو اصلاحات من دلوقتى ودامنا سنين علشان اقتصادنا يقف ع رجلة تانى.. فانا مش بختلف معاك فى النقطة دى انا بتكلم ع الوضع الراهن الى احنا عايشينة وبنقارن علية ..... بالنسبة للسعر انا مش عارف حضرتك بتقولى لا ع اية بالضبط ... انا مقولتش ان سعرها حلو ابدا ومقولتش ان دة السعر الطبيعى ..... انا بتكلم ان احنا وافقنا وبندفع المبالغ دى كلها يبقى من حقنا نركب حاجة محترمة وكاملة من كلة غير مجردة ... بمعنى رضينا بالهم والهم ومش راضى بينا .. وياباشا انا اتشرفت بالمناقشة مع سيادتك واتمنى انها تتكرر دائما وربنا يديم الود ما بينا

يارب يديم الود يااستاذ حماده
ومعلش انا متأسف جدا لحضرتك لو فهمت نقطه من كلامك غلط (بالنسبه للسعر)
وفعلا رضينا بالهم

على الكلام دا
تبقى العربيات الصيني صفقة رابحة بكل المقاييس
ربنا يخللينا الصينيين يارب

[abdulkhaleq]

المشاركة الأصلية كتبت بواسطة walidelwahsh على الكلام دا تبقى العربيات الصيني صفقة رابحة بكل المقاييس ربنا يخللينا الصينيين يارب

والله يافندم أيا كان رأيك وذوقك دي بقى مسأله شخصيه
المهم مانسيبش حد يشتغلنا
يعني عربيه صيني فيها ABS وسعرها أقل من الإلانترا بمبلغ كبير.... لاتعليق

[khaabas]

المشاركة الأصلية كتبت بواسطة abdulkhaleq أخي العزيز دخلت فيا شمال وقلت على كلامي فاضي مع اني طلبت ان اللي يناقشني يتكلم بأدله أو يقوللي هو ليه شايفها عربيه كويسه ويندفع فيها 160 ألف جنيه وفي الاخر قولتلي ان العربيه تستاهل كل قرش فيها وكمان المستهلك مش غبي وجايبلي شوية صور وإعلانات عن ال الانترا بتاعة كوريا ؟؟ يبقى أكيد حضرتك بتهزر انت شفت عربيه في مصر بتركن لوحدها ؟؟ ولا انت شفت العربيه دي في مصر أصلا ؟؟ ولا حضرتك بتبني معلوماتك من النت وبس ولا ايه بالظبط ؟!!!! ارحمنا يارب واضح فعلا ان انا اللي كلامي فاضي !!!!!!

يا عمنا متزعلش انا اسف ماكنتش اقصد المعنى الحرفى
لكن بردة يا كبير موش معنى ان الوكيل فى مصر بينزله بمواصفات اقل تحكم على الالنترا او الهونداى انها وحشه لا وبنظرة موضوعية عربيات اثتت مكانتها فى السوق والدليل الانتشار فضلا عن التجربة حتى الفيرنا اللى بتقول عليها اقل شئ عربية حمالة اسية واثبت جدراتها ومن نظرى تفوقت على عربيات فى فئتها السعرية واعلى منها كمان وعلى فكرة انا مع الوكيل فى حزئية انو يشيل مواصفات كتير موجودة فى العربية الكورى لان من الاخر لو حصل عطل فيها حتلاقى الوكيل نفسه موش هيعرف يصلحها ؟؟؟؟ ده يا راجل يا طيب اتفرج على العربيات الالمانى ولا الفرنساوى نادر لما تلاقى ميكانيكى بيفهم فيها ووالله كان واحد اعرفه عنده عربية رينو والله الميكانيكى معرفش بتغير لها زيت منين ههههه دول بقى اللى يصلح حاجة بالمواصفات دى لو عطلت ،،، فالوكيل بيحاول يخليها انها تناسب مصر
وعلى العموم الاختلاف فى الراى لا يفسد للود قضية

[abdulkhaleq]

المشاركة الأصلية كتبت بواسطة khaabas يا عمنا متزعلش انا اسف ماكنتش اقصد المعنى الحرفى لكن بردة يا كبير موش معنى ان الوكيل فى مصر بينزله بمواصفات اقل تحكم على الالنترا او الهونداى انها وحشه لا وبنظرة موضوعية عربيات اثتت مكانتها فى السوق والدليل الانتشار فضلا عن التجربة حتى الفيرنا اللى بتقول عليها اقل شئ عربية حمالة اسية واثبت جدراتها ومن نظرى تفوقت على عربيات فى فئتها السعرية واعلى منها كمان وعلى فكرة انا مع الوكيل فى حزئية انو يشيل مواصفات كتير موجودة فى العربية الكورى لان من الاخر لو حصل عطل فيها حتلاقى الوكيل نفسه موش هيعرف يصلحها ؟؟؟؟ ده يا راجل يا طيب اتفرج على العربيات الالمانى ولا الفرنساوى نادر لما تلاقى ميكانيكى بيفهم فيها ووالله كان واحد اعرفه عنده عربية رينو والله الميكانيكى معرفش بتغير لها زيت منين ههههه دول بقى اللى يصلح حاجة بالمواصفات دى لو عطلت ،،، فالوكيل بيحاول يخليها انها تناسب مصر وعلى العموم الاختلاف فى الراى لا يفسد للود قضية

حصل خير وكللنا اخوات ومفيش أي حاجه
هرد على كل جزئيه ان شاء الله
أولا: انا حكمي إنها وحشه كان مبني على الاساس السعري وعلى اللي هاخده منها
يعني أنا ماقولتش انها هتعطل في المطر مثلا, بس الفكره ليه ماكونش شايف غيرها مع ان السوق فيه في نفس رينج السعر حاجات تضربها في الكماليات والفخامه والثبات, وتقريبا في كل حاجه
ثانيا: جزئية الانتشار دي احنا اللي صنعناها عشان اتعودنا على الاشاعات وبيقوللك وأنا سمعت, لكن حكم منطقي أو علمي مافيش
ثالثا: الكماليات مالهاش علاقه بان الوكيل يصلح أو مايصلحش لأن الحاجات اللي هو شايلها اصلا مش شغاله بالنووي ولا احنا طلبنا موتور هيدروجيني فتّاك مش هيعرف يصلحه...
(ده غير ان عيب قوي نقول ان الوكيل مش هيعرف يعمل حاجه أيا كانت هي ايه)
يعني ايه اللي ممكن يبوظ والتوكيل مايعرفش يعمله في الاتي (ديسكات فرامل ورا, شاشة اللمس, بلوتوث وكروز كنترول في الدريكسيون, مرايات تعتيم أوتو) كل الكلام ده مش هيعطل اصلا عشان يتصلح
بالنسبه للموتور ال GDI اللي هيونداي مش منزلاه هنا في مصر فالوكيل برضه ماجابوش عشان يوفر تمنه من الشركه الام في كوريا وطلب موتور MPI عادي لأنه عارف انه كده كده هيبيع وكده كده الناس هتشتري
في حين ان الموتور ال GDI نازل في كيا هنا في مصر وأكيد وكيل كيا هيعمله الصيانه برضه لا سحر ولا شعوذه
رابعا: ثقافة ان احنا نروح بالعربيه للميكانيكي (ايا كانت) ويفضل يفتي ويحرق ويبوظ فيها دي أظن انها انتهت
العربيات بتنزل ب (جدول صيانه) فيه ايه يتغير وايه يتشيك كل كام ألف كيلو وبالتالي باي باي للميكانيكيه
وانا بصراحه شايف ان اي حد معاه عربيه فوق ال 100 ألف حرام عليه يوديها لميكانيكي إدي العيش لخبازه
المشكله ان الميكانيكيه تلات ارباعهم بيتعلموا في العربيات اللي بتجيهم يعني يبوظ في كام عربيه كدا لحد اما يبقى متمكن
وعموما ما اظنش ان في حد هيدفع 160 ألف جنيه ويستخسر الصيانه
فجزئية ان الوكيل بيجيب اللي بيناسب مصر او خايف على الشعب وقلبه عليهم دي برضه خرافه احنا عملناها وصدقناها زي كل الخزعبلات اللي للأسف احنا بنعملها بايدينا
الوكيل همّه أرباحه وبس في سوق إشاعات وناس بتشتري العربيات بالشكل للأسف

وأخيرا الاختلاف في الرأي لا يفسد للود قضيه وده الكلام اللي انا قلته في الاول وطلبت من اي حد يخالفني في الرأي يقوللي هو ليه شايف انها تستاهل 160 ألف جنيه مش حد يقوللي هي كويسه وخلاص
وسعدت بالنقاش مع حضرتك وان شاء الله ماتكونش آخر مره