|
#56
28-08-2011, 07:20 AM
|
||||
|
||||
رد: رحلة الى قلب اسرائيل
نرجع تانى لجابى وجاكى وجيلو
انتهى اليوم العصيب وقابلت اخى بعدها ونصحنى ان لا اتدخل بأى شكل وكان هذا قرارى ايضا فى اليوم التالى.... فوجئت بجاكى هو من يقوم بفتح المطعم وعندما استفسرت منة عن مجدى وميلاد كان ردة انهم فى اجازة النهاردة!! صمتى بعدها لم يستمر طويلا خاصا بعد سؤال جاكى لي !! -اية انت زعلان علشانهم؟ وكان ردى... ولية ازعل اذا كانوا فى اجازة؟ اكيد ح يكونوا موجودين بكرة او بعدة ابتسم وقال ويمكن لا!!! وبلاش تقنعنى انك بتحبهم لأن اصلا مافيش مسلم بيحب مسيحى فى مصر ولا مسيحي بيحب مسلم!! كلام جاك كان كالصاعقة على اذنى ليس لشئ الا لأنة كلام غير حقيقى بالمرة من منظورى الخاص على الاقل.. وانا شخصيا لم افكر للحظة واحدة ان هناك فرق بين مصري مسلم واخر مسيحى ولم يكن هذا اخر ما قام جاكى بالبوح به بل استمر فى حديثة وقال لي .. معلوماتى ان المسيحيين مضطهدين فى مصر وان هناك معتقدات فى الشريعة الاسلامية تبيح اموالهم ونسائهم!!!! وقتها وجدت نفسى انفجر غضبا فى وجه جاك ونسيت نصائح اخى ونسيت حتى نفسى وقلت له انت جاهل ومش فاهم حاجة خالص وكلامك كلة كدب وشكلك مش فاهم حاجة اصلا طبعا انا كنت بقول الكلام دة وانا حاسس ان دماغى نملت ومابقتش متحكم فيها نهائى واصبحت مستعد لخناقة بينى وبينة وانتظرت ردة فعلة ولكنى فوجئت مرة اخرى ووجدتة يرجونى ان اهدأ وقام سريعا بأحضار كوب من الماء واخذ يردد مرارا انة لم يكن يقصد ان يعصبنى او يغضبنى وكل ماقالة كلام سمعة من اخريين.. وقتها حسيت انه انسان جبان جدا وتأكد احساس هذا بعد ان طلب منى ان لا اخبر اخية جابى عن هذا الحوار ولا حتى سمير الشغيل المصري اللى معانا لأنة عارف ان سمير بيوصل الكلام لجابى. وبالطبع وبما ان ميلاد ومجدى فى اجازة من المفروض انها مفتوحة اصبحت كل يوم اصتبح بجاكى او سمير.. تغيرت معاملة جاكى تماما بعد خناقتى معاة وبقيت عامل زى اللى ماسك علية ذلة بمعنى انة اصبح يعاملنى بشكل كويس جدا وبرغم ذلك كنت احتاط منة جدا.. اما سمير فكان يتعجب من حسن معاملة جاكى لي..وكان دائما ينتابنى احساس ان سمير لا يريدنى فى العمل وهو ما أكدة لي ميلاد بعد عودتة وقال لي ان سمير كان يفضل ان يحضر احدا عن طريق الكنيسة.. ولكن جابى هو من اصر على احضارى انا..!! وبالمناسبة الكنيسة المصرية هنا تلعب دورا كبيرا فى لم شمل الجالية المصرية المسيحية ودائما توفر لهم فرص عمل ومساعدات اخرى بأشكال مختلفة .. مر حوالى اسبوعان ولم يعد مجدى مرة اخرى الى العمل وكنت اسأل عنة ميلاد فقط... ولكن وفجأة وجدت العلاقة بين ميلاد وسمير على خير مايرام وتصالحا واتفقا ان يتقاسما عدد الساعات التى يعملها مجدى وكانا يتظاهرا انهما حزينان لأن جابى استبعد مجدى او لأنة انقطع عن العمل ... وعندما عرضا الامر على جابى اليهودى.. اخبرهم ان هذا لن يحدث وان مجدى راجع خلال اسبوع وانة قرر ان يجعل مجدى مديرا للمطعم!! وكان هذا القرار بمثابة القنبلة.... ميلاد قال - اة ومالة مدير مدير هو ح يعمل اية يعنى اكتر من اللى بنعملة؟ اما سمير- فقال موجها كلامة لجابى بدون ان ينظر له... طيب لما اللى جاي علية دة يبقى المدير انا بعمل اية هنا؟ وقتها سمعت رد جابى ولم استوعبة حينها قال له... البشر مختلفون..!! لو افترضنا ان في حاجة وقعت من سيدة فى طريق عام!! فى انسان يسرع منحنيا لالتقاط هذة الحاجة من على الارض واعادتها لصاحبتها.. وفى انسان يواصل سيرة و لا يبالي وقتها على هذة السيدة ان تقوم بالانحناء لأسترجاع مافقدتة!! لم اكن وحدى من لم يستوعب سبقنى الاخ سمير وقال لجابى .. - يعنى اية مش فاهم..!! انفجر ميلاد ضاحكا وقال له ولا عمرك ح تفهم بعدها وجه كلامة لجابى قائلا... - شوف يامعلم مجدى مدير سمير مدير حتى لو ح تجيب مدير من برة.. انا عدد ساعاتى زى ماهمه والفلوس اللى بقبضها زي ماهى ماتنقصش... انتهى الحوار وفى اليوم التالى حضر مجدى المدير ولما قلت له مبروك قال لي ...على اية؟ فقلت له .. انك اصبحت المدير هنا!! قال لي .. ااااااااة لا مانا رفضت .. !! -لية ياعم رفضت؟ قال لي .. انا ماعرفش ابقى جاسوس على حد ...عاوزنى اوافق ابقى جاسوس على زمايلى فى الشغل...!!! وفضل يشتم فى جابى وفى جاكى والغريبة انة ماكانش بيشتم فى سمير!! خلال ايام كانت العلاقة بين سمير ومجدى وميلاد افضل منما سبق وهو مايعنى حسب تحليل اخى الاكبر ان مخطط جابي قد فشل وجاء تفسير اخى بعد ان كنت احكى له مايحدث.. ان هذا اليهودى لا يثق فى احدا وان من مصلحتة ان تكون هناك مشاكل دائمة بين من يعملون لدية وحتى لا يتفقوا علية فلابد من الوقيعة بينهم... لا اعرف اذا كان الاخوة المسيحيين يفكرون بنفس الطريقة او انهم قاموا بتحليل الامر على نفس النحو ولكنى ومع الوقت اخذت افهم بعض مايدور حولى..... ومرت الايام ولا جديد مشاكل بسيطة تحل بشكل او بأخر تخللتها بعض المواقف الغريب وفى احدى المرات و بعد انتهائى من العمل فى احدى الايام وجدت جاكى يقول لي -انت خلاص ماشى ولا اية؟ فقلت له.. -لقد انتهيت للتو من عملى..!! فقال لي -طيب استنى شوية اشرب معايا قهوة وفى نفس الوقت جيلو جاى بعد نصف ساعة معاة صاحبتة الجديدة نتعرف عليها سوا..!! فقلت له.. -انا موافق بس القهوة على حسابك.. ضحك وقال .. اة طبعا اكيد مش ح أخذ منك تمنها.. وكان كلامى معاة جاد خاصا انه كانت هناك تعلميات لسمير ومجدى وميلاد انة فى حالة ان يزورهم اى صديق فى العمل عليهم ان يدفعوا حق المشروب الى ح يشربة..!! وكان يقول لهم دائما انة يفضل عدم الزيارات فى اثناء العمل لأنه يدفع لهم ثمن تواجدهم هنا فلايجب ان يضيعوا وقتهم فى شئ اخر غير العمل... بعد حوالى ثلاث اربع ساعة حضر جيلوا ومعة صديقتة الجديدة حسب وصف جاكى وعندما نهضت لأسلم عليهم استقبلنى جيلو قائلا ...حبيبي وحشتنى اوى . شوف مين معايا؟ نظرت للبنت التى معة من اجل الترحاب بها وجدتها هى نفسها البنت الهولندية اللى كانت شغالة فى مطعم البيتزا اللى عزمنى فيه جيلو.....!! يتبع 
|
|
#57
28-08-2011, 10:58 AM
|
|||
|
|||
|
رد: رحلة الى قلب اسرائيل
لالالالالالالالالالالالا
ايه الحلاوة ديه بجد انا حاسس اني مش هقبل ان الموضوع ده ينتهي بالله عليك يا محمد باشا تحكيلنا بالتفاصيل الممل وانا متابع بشغف
|
|
#58
28-08-2011, 03:05 PM
|
|||
|
|||
|
رد: رحلة الى قلب اسرائيل
اسلوب ممتع جدا يا استاذ محمد
و تجربة جميلة و قدرة هايلة على سرد التفاصيل ما شاء الله و موش جديدة عليك انا لسه قاريلك موضوع العربيات جميل جدا... الف شكر على مجهودك...و مستنين الباقي
__________________
Dr.wael el7yran
|
|
#59
28-08-2011, 03:56 PM
|
|||
|
|||
|
رد: رحلة الى قلب اسرائيل
والله الواحد مستمتع باسلوبك يا استاذ محمد
|
|
#60
28-08-2011, 03:59 PM
|
|||
|
|||
رد: رحلة الى قلب اسرائيل
هي اللي حكت في برنامج وده الفيديو قصة في غاية الكوميديا حنان في امستردام التعديل الأخير تم بواسطة romioromio ; 28-08-2011 الساعة 04:11 PM
|
 |
|
|
