نظره على الأحداث

[MmFFoR]

المشاركة الأصلية كتبت بواسطة د.كمال ياأخ ممفور إلتزم بأدب الحوار وعيب تقول على حد كاذب وتغلط كده

انا مشتمتش لما قلت كاذب
كاذب هي صفة الشخص يقول قول مخالف للحقيقة

عنده دليل يضعه و انا حينها يبقى نعته بما ليس فيه و استحق العقوبة
معندهوش دليل يبقى فعلا شخص كاذب

[akefpop]

المشاركة الأصلية كتبت بواسطة MmFFoR انت شخص كاذب و لو عندك دليل و لو صورة واحدة انشرها يا اما تصمت الفيديوهات انا وضحتها فيها بوضوح الشرطة هي اللي بتشعل النار في الميدان اتقي الله

بالمناسبه انا لسانى طويل اوى برضه وبعرف اشتم فاحترم نفسك بدل ما اطلعهم عليك .. وانا مبزهأش على فكره
ولو عايز دليل اتفضل

http://www.youtube.com/watch?v=e0EmJ...&feature=share

[مادا]

المشاركة الأصلية كتبت بواسطة MmFFoR اقولك الاسباب؟ 1- المجلس وعد بتسليم السلطة لرئيس منتخب و مجلس شعب منتخب قبل 2012 و كذب 2- مصابين الثورة لم يجدوا الاحترام و الرعاية الطبية بينما مبارك يحظى برعاية 7 نجوم 3- لم تتم محاكمة مبارك على مدى 10 اشهر مع انها قضية جنائية الحكم فيها لا يتجاوز ال 6 اشهر 4- ماذا حدث لمحاكمة العادلي؟ 5- اين الامن المنهار اللي كانوا بيغنوا بيها على مدى 10 اشهر من سرقة و نهب للمصريين و كل ما تتكلم يقولك مش انتوا اللي دمرتوا الشرطة و فجأة النهاردة لقينا شرطة مجهزة عدة و عتاد يدخلها حرب مع دول اخرى مش حفظ امن فقط!!! 6- فحص العذرية اللي ذلوا بيه بنات مصر و بعدين وعدوا بالتحقيق و تم حفظ التحقيقات!! 7- الاقتصاد اللي انهار على مدى 10 اشهر!! 8- كرامة المصريين اللي لسة بتهان في كل دول العالم و اداء المجلس صفر!!! لدرجة ان تركيا هي اللي كانت بتجلي المصريين من ليبيا اثناء قتل القذافي ليهم!!! 9- ازمات اقتصادية طاحنة مثل ازمة انابيب البوتاجاز و ازمة البنزين و ازمة الخبز التي الغرض منها عقاب جماعي للشعب المصري!! 10 - التلاعب و المماطلة في كل قضايا الفساد التي يحاكم فيها مسؤولين سابقين اقولك كمان؟ و في الاخر يطلع بكل برود و اسفاف و حقارة و قذارة و بلادة و يقول انتخابات الشعب تتعمل في شهرين و تنعقد بعد شهرين كمان و بعدين نبقى نتكلم على انتخابات رئاسية بعديها بسنتين!!! و ثم ايه الوثيقة الفوق دستورية اللي بيمنح المجلس العسكري صلاحيات تفوق الدولة بكل اجهزتها!! ده تستر على مجرمين و لصوص و هما عندهم استعداد يحرقوا مصر كلها بس ميتفضحوش فضيحة المتطاهر لان الجميع عارفين مدى فساد اعضاء مجلس السمكرية!!

وتفتكر انه ده وقتوا قبل انتخابات مجلس الشعب باسبوع يعنى لما مطلب من مطالب الثورة يبتدى يتحقق وهو انتخابات مجلس الشعب الذى هو بداية لانتخابات الرئاسه يحدث هذا الامر البلد كلها تقوم تانى ويحصل نفس السناريو بتاع 25 يناير .. اقولك انا ومعلش اسمعنى الموال ده حصل للاطاحه بالمجلس العسكرى بعد ما احسوا ان الانتخابات ابتدت تاخذ طريقها وان الاسلاميين من اخوان وسلفيين اينجحوا فيها بنسبة كبيرة ورئاسه الجمهورية اتضيع من ايدى من يرديونه للرئاسه .. لما الشعب يبدء يقول رائه فى انتخابات نزيهه حسوا انه فلان مش حينجح فلازم فلان يجىء بطريقه غير الانتخابات فهمت الموضوع ماشى ازاى كلنا كنا فرحانين بالانتخابات والكل كان اينزل ينتخب وهو حاسس انه اول مرة بيقول رائه ويختار بيحصل كده علشان متخترش ويتفرض عليك بالقوه اللى انت مش اتختاره بالصندوق

[MmFFoR]

المشاركة الأصلية كتبت بواسطة akefpop بالمناسبه انا لسانى طويل اوى برضه وبعرف اشتم فاحترم نفسك بدل ما اطلعهم عليك .. وانا مبزهأش على فكره ولو عايز دليل اتفضل http://www.youtube.com/watch?v=e0EmJ...&feature=share

انا مش شايف ولا محلات بتتنهب او تتحرق ولا عربيات ملاكي بتتحرق و تتكسر
نت جايب شباب واقفين على عربية امن مركزي و رافعين علم مصر

شكرا على الدليل

[nktis]

فعلا مشكله المصريين الان هي نقص القاده الذين يوحدون الصف والكلمه ....
والواضح ان فيه مكائد لعدم حدوث او تاجيل الانتخابات...
وارجو ان يتم الحوار بلا اي تقاذف بيننا فالموضوع لا يجب ان ياخذه احد علي محمل شخصي؟؟؟ ....احنا بنتكلم في صالح هذا البلد....واختلاف القول لا يفسد للو قضيه...