تقرير عن النيوسيراتو أثناء و بعد صيانة الآلف !

[mrx970]

تسلم ايدك يا دكتور

[مورو]

اسف يا دكتور يظهر انى سببت لك ازعاج كبير

[atgps]

المشاركة الأصلية كتبت بواسطة dr.ahmed lotfy معلش يا دكتور فيه ناس بتبقي محتاره اوي و محتاجه حد يقولها تروح فين او حتي رأي نهائي وانا كنت من الناس لحد وقت قريب ... يا جماعه الدكتور قال رأيه الشخصي ... والتقييم النهائي ده بختلف من واحد للتاني يعني انا مثلا راكب سكودا A5 2007 ولما ركبت الالنترا قولت عليها زباله(لكن هيا عربيه معقوله و كويسه) لكن لو واحد تاني كان راكب مثلا شاهين حيقول عليها ممتازه .. انا شايف انها بتختلف من واحد للتاني وده رأيي ... يعني منفعش أقول دي عربيه ممتازه اوي او وحشه اوي لان فيه حد ممكن يقرأ كلامي و يتخذ قراره عليه ودي مسئوليه . الافضل اني اقول العيوب و المميزات اللي انا شوفتها و كل واحد يقرر ان كانت دي مناسبه ليه او لأ ... زي الدكتور ماعمل كده انا اسف علي الاطاله و اسف لو كلامي ازعج اي عضو ده رأيي فقط .. بس حسيت ان الموضوع ده عامل ازمه و خصوصا مع الدكتور

شكرا يا دكتور، والله أنا كنت عايز أرد بنفس الكلام والحمدالله انت قلت كل اللى فى نفسى، جزاك الله خيرا

[m_o_sakr]

المشاركة الأصلية كتبت بواسطة khaled al sharif .... بس والله عندي سؤال أنا شفت سيارات كيا الشكمان بتعها خارج من الإكصدام الخلفي ومدي شكل جميل وعربيات لا هو فيه فرق .. ولا سيارات الوكيل بتنزل كده والخليجي كده

العربيات ال sx فقط هى الى فيها الشكمان الى تقصده

[dr.ahmed lotfy]

انا حسيت اني لازم أقول الكلام ده لأني مريت بنفس الوضع وعارف الحيره اللي الواحد بيكون فيها

وفي نفس الوقت حسيت ان كفايه عليك اعادة كتابة الاجابه كل يم تقريبا

الاخوه الاعضاء اعذروا الدكتور و الناس اللي بتكتب تقارير لانه بتسأل نفس السؤال من كل عضو و بيرد نفس الرد كل مره ممكن تكون اول مره بتسأل بس فيه غيرك كتير سألوا والعضو صاحب التقرير يرد كل مره بنفس الاجابه وبعد مده صاحب التقرير بيزهق من كتر تكرار الاجابه ... فأرجو ان احنا نعذر بعض وده في الاول و لاخر عمل تطوعي

واسف لو كان كلامي ازعج اي عضو و انا مقصدتش بكلامي شخص محدد