تقرير مصور عن السيات 133

[سيف الدين سعيد]

المشاركة الأصلية كتبت بواسطة مهند النجار مع اني ما بفضلش الصيني

أعتقد يا مهند ان الصينى أفضل من زأزوءه بتاعتك . على الأقل أوسع شويه . ولونها ميتاليك . وبتتصنف على انها عربيه .

[سيف الدين سعيد]

المشاركة الأصلية كتبت بواسطة مهند النجار ما بفضلوش بس بحبه وعلي فكرة انا مافيش عربية شغالة و قايمة بالواجب و اكرهها

معاك كل الحق يا مهند بيك . والقناعه كنز لا يفنى . ربنا يعطيك الأفضل دائما ويكفيك شر الطريق والحسد .

[m_elhdeny]

احنا كده دخلنا فى الاعراض

[سيف الدين سعيد]

المشاركة الأصلية كتبت بواسطة hazem_khidr و الله يا استاذ سيف انا عن نفسي مش بحب اي حاجه من اوربا الشرقيه بعتبرها متخلفه و كمان اي افتكاسه في العهد الناصري جمال عبد الناصر قعد يقول اول سياره مصريه و ...الخ الخ و في الاخر برضه متجمعه و متقفله في مصر غير ان جسمها غير متين و شكلها و سواقتها مش كويسين

ياباشا احنا مابنتكلمش هنا عن بى ام دبليو أو حتى فولكس . وكمان وقتها كانت الصناعه منصبه على نقاط صناعيه محدده فى العالم ويمكن لو كان المشروع دا استمر من وقتها وكنا عملنا زى الصين ما بتعمل حاليا . يمكن كنا بقينا لنا شأن حاليا . أما مشكلة افتكاسات عبد الناصر فاحنا ياما سمعنا كلام ................... وبس .
بس انا رأيى ان فيه دول كتير بتقوم على التجميع فى البدايه وبعدين تدخل التصنيع بعد كده . واحنا نفسنا كمثال ممكن تتوفر لنا آليات التصنيع بسهوله لأننا قطعنا شوط طويل فى تجميع السيارات وعندنا المصانع .فى شركة النصر . وكمان فى اللادا . . وغيرهم من السيارات الحديثه .
وعندنا فكر مصرى متمثل فى السياره نانو ايجبت . كتصميم وهندسه . فليه ما نستغلش مصانع شركة النصر وخطوط انتاجها وهى بالمناسبه مصانع هائله ومساحتها رهيبه فى حلوان . ونبدأ فى التصنيع الفعلى لأول تصميم مصرى كما يقال . مع مراعاة التطوير المستمر للموديلات بحيث تواكب العصر وان اضطررنا الى استيراد بعض التكنولوجيا من الخارج لإخراج سياره مناسبه وتستحق ان يطلق عليها صناعه مصريه .

[سيف الدين سعيد]

المشاركة الأصلية كتبت بواسطة m_elhdeny احنا كده دخلنا فى الاعراض

لأ لأ لأ . ياعم ماتوقعناش فى الغلط . انا بس حبيت اوضح لأحبيبى مهند نقطه صغيره .
وعلى فكره انا كان عندى زمان عربيه تشبه لزأزوءه كتير . ولازلت بأعشق ذكراها حتى الآن . دى كانت أول بختى وأول حب ليا .