#56
|
||||
|
||||
رد: تحذير ( من زيوت زادو Xado ) لوجه الله
بسم الله الرحمن الرحيم
انهاء منى لهذه المشكله سوف اعرض لحضراتكم تفاصيل ما تم اولا : شركة زادوا لها مستورد بمصر وهو شركة البسمله ومقرها دمياط ---------------------------------------------- ثانيا بالنسبه لموضوع سؤ التخزين وديه انا كنت اتكلمت فيها مع استاذ محمود فيها لانه ادعى على الشركة سؤ التخزين وهى ان مخازن شركة زادو كلها تراعى الظروف الامنه لتخزين الزيوت بدون اى اضرار للمنتجات الموجوده بها وانها بعيده تماما عن ضوء الشمس والرطوبه واى عوامل تضر بالمنتجات الموجوده بها ------------------------------------------------------ ثالثا كان برضوا من كلامى مع استاذ محمود ان المشكله ليست فى الزيت ورغم ذلك استغل هذا الكلام واخذ نصف الايه فيه وحرفه تحريف بين وارسله لاستاذ وائل مجدى انى انا بعترف ان المشكله فى الزيت وده واضح فى الصورة الاولى اللى اتخذ فيها نصف الايه وقال انى بقول ان المشكله فى الزيت ---------------------------- الصورة الثانيه من نفس الشات ولكن فيها الايه كامله وليست نصف الايه مثل ما فعلها استاذ محمود وارسلها للاستاذ ابو نورا وفيها بقوله ان مشكلتك من الاول مكنتش مشكلة الزيت طبعا هو ساب كل الكلام اللى فات وارسل مشكلة الزيت فقط وايضا كان من ضمن كلامى انى اعتذرت للاستاذ محمود ووعدته اننا مش هنعطى لاى حد زيت منتهى الصلاحيه مره اخرى ؟؟؟؟ وهذا كلام غير حقيقى نهائيا لانه من الظلم ان اعتذر على شىء غير موجود على الاقل هكون ظلمت نفسى انا ------------------------------------------ رابعا كان من ضمن كلام استاذ محمود معى بيقولى ان عبوة الزيت الواحد ليتر انها منتهية الصلاحيه وعاوزنى اقول كدا وكان ردى عليه ان عبوة الزيت المرسله ليه كانت بتاريخ اخر شهر اغسطس لعام 2010 وكانت غير منتهية الصلاحية وكانت صالحه للاستخدام وقعد يسئلنى هذا السؤال حوالى اربع مرات بطريقه عجيبه كل ما اجاوبه على السؤال هو هو يسئلهونى تانى ؟؟ وكنت بجاوب عليه نفس الاجابه وهى شهاده اتحاسب عليها قدام ربنا الزيت مالوش ذنب فى كل اللى انت عملته -------------------------------- خامسا : كان اخر حاجه اتكلمها معايا انه مش عاوز فلوس ولا حاجه وانه بس عاوز ان الوكيل يعتذر له على اللى حصل فكان ردى عليه انه من الاول لو كان واجه مشكله فى المنتج واتصل بالوكيل وقاله ان والله انا بستخدم المنتج بتاعكوا و واجهتنى مشكله كذا كذا اكيد كان الوكيل ما كنش هيسيبك واكيد كان هيرد لك حقه لان شركة زادوا بتهتم جداااا بارضاء عملائها وانا متأكد مليون فى الميه انه مكنش هيترك استاذ محمود غير لو كان شاف معاه المشكله ورجعله حقه بالكامل بس اللى حصل ان حضرتك اخترت اسهل شىء وهو التشهير بالمنتج و ان حضرتك قولت علينا اننا رباطيه وعصابه وده كلام مرفوض تماما من جانبنا لاننا يعلم ربنا اننا بنتقى الله فى شغلنا جدااا وعمرنا ما كنا عصابه ولا رباطيه زى ما حضرتك قولت علينا فكان رد الاستاذ محمود انه اتسرع فى كدا وانه بعد ما كان قايل انه مش عاوز فلوس ولا حاجه وانه عاوز بس الاعتذار من الوكيل راح قالى وكمان يدينى فلوس الزيت ؟؟؟!!! وانه لو الوكيل اعتذرله واداله فلوس الزيت ساعتها هو كمان هيعتذر عن تسرعه ده وان الوكيل لو معملش كدا يبقى هيشهر بالشركه ديه صورة لما قال انه مش عاوز فلوس ولا حاجه وديه صورة لما قال انه لو الوكيل لو مرجعلوش الفلوس يبقى ساعتها هيحصل تشهير منه ضد الشركة ؟؟!! (على اساس انه لم يحدث تشهير اصلا قبل كده ) ----------------------------------------- سادسا : بما ان المشكله كلها كانت من الاول على الفلوس وخلاص اعتقد ما كنش له لزووم كل الموضوع ده وانه يتم التشهير بالشركه لهذه الدرجه وبما ان الشركه بتحاول ترضى عملائها بكل السبل فاحنا هنعطى لاستاذ محمود تمن الزيت واللى حصل بسببه كل الكلام والشوشرة اللى ماكنش لها لزوم من الاول بما ان الموضوع كله كان موضوع فلوس وخلاص ------------------------------------------------------- وانا ارجوا من الاستاذ ابو نورا يكون هو الوسيط فى موضوع رجوع الفلوس للاستاذ محمود مره اخرى حتى يكون شاهدا علينا نحن الاثنين --------------------------------------------------- واخيرا شركة زادوا من اقدم الشركات المستورده للزيوت السيارات المستورده فى مصر طوال فتره خدمتنا بنراعى دائما استفسارات جميع العملاء مستحيل ان حصل شكوى بالحجم ده قبل ذلك من الشركة والبشر خلقهم الله مختلفين لا يوجد شىء اتفق عليه البشر من الممكن ان لا يتفق الناس على ان منتج حلو او يتفقوا على متنتج انه مش كويس من الممكن نلاقى حد مش عجبه زيت زادو وبيستعمل زيت اخر بس اكيد فيه شخص تانى بيحب زيت زادوا ومش بيستخدم غيره فى عربيته وفى نفس الوقت مش بيحب الزيوت الاخرى ولكن المستحيل اننا نلاقى شكوى ان الزيت يخلى لمبة زيت تنور فى سيارة واحنا بنوعدكم بحل اى صعوبات تواجهكم وعلى اتم الاستتعداد لاستقبال الاستفسارات من حضراتكم و الله الموفق والمستعان سيد بهنساوى موزع شركة زادو بالقاهرة الكبرى
__________________
|
#57
|
||||
|
||||
رد: تحذير ( من زيوت زادو Xado ) لوجه الله
|
#58
|
|||
|
|||
رد: تحذير ( من زيوت زادو Xado ) لوجه الله
عايز اوضح حاجه للاعضاء ان الاستاذ سيد هو اللى قالى ايه طيب اللى ممكن يرضيك وتوسط لحل الموضوع ، وانا والله لولا الاستاذ سيد وقولتله الكلام وافقت بالحل عشانه .
عايز أكد على حاجه يا استاذ سيد ، قولتلك اكتر من مره اعتبر حضرتك ان العيب مش من الزيت وانى عطست ف الزيت راح بوظلي العربيه .. انا كنت عايزك بس تذكر وتأكد الكلام دا احقاقاً للحق . وانت قولتلى بنفسك خد برنت ونزلوا فى المنتديات وانا معملتش كدا . بخصوص الاعتذار دا كان كلامى فى الاول انه الاعتذار فى الاول بس كنت هسكت وكان مفيش حاجه حصلت ، لكن دلوقتى ( بعد اللى حصل ) مبقتش مسأله فلوس ده لو ربع جنيه مش هسيبه ، لكنها مكنتش مسأله فلوس وخلاص والا مكنتش اقنتعت بكلامك ف جزئيه معينه ، حضرتك اكدت ليا فى الفيس على مشكلتى وعلى انى مليش مصلحه وكل اللى طلبته منك انك تيجي هنا وتقول كدا ودا بس اللى كنت عايز اوضحه مش حكايه باخد نص الايه ، الايه كلها موجوده واحب اقولك انت الشخص الوحيد اللى وثقت فيه واتكلمت معاه وعجبتنى لما ذكرت الحقيقه ف الشات بس الوم عليك انك مدخلتش قولت كدا فى المنتدى وقولتلى نزل برنت احسن . وعموما انا باكد لك انى ولا شهرت ولا حاجه ، ده انا كتبت موضوع فى منتدي .. وقولتلك انا ولا بحب الشوشره ولا بحب الحوارات ولا ليا اصلا فى الكلام دا بس هي جت كدا وبكلامك ده اكدت ما حدث بدل ما بيجي موزعين يقولوا انى كداب وان كل الكلام دا محصلش ولا يضيع حق وراءه مطالب ، واشكرك مره تانى واشكر استاذ وائل واوفق على توسطه لحل يرضى جميع الاطراف التعديل الأخير تم بواسطة doda2007 ; 05-06-2015 الساعة 02:52 PM |
#59
|
|||
|
|||
رد: تحذير ( من زيوت زادو Xado ) لوجه الله
من فضلكوا كونت عاوز أعرف أى معلومات عن زبت ولفر اللى بيقولوا عليه ألمانى كويس و لا رأيكوا إيه
|
#60
|
|||
|
|||
رد: تحذير ( من زيوت زادو Xado ) لوجه الله
موش عاوز أقول أسماء زيوت أحسن الناس تقول ده تاجر ولا حاجة أنا مجرب وندمت فمن الآخر خليك فى شل بس حاول تجيبو من حد مضمون أنا جيبتو من توكيل هيونداى وكان زى الفل 10 / 10 والحمد لله الهزهزة راحت والصوت بقى ناعم جدا وأى خدمة |
الكلمات الدليلية |
تحذير, زادو, زيت, زيت محرك, زيت زادو, xado |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
يالله على غزارة المعلومات | fares tany | استراحة مصر موتورز | 1 | 23-12-2013 10:45 AM |
71 خصـلـة تكفر وتذهب الذنوب و الخطايا بـإذن الله - حصري - | فتحون | فى رحــاب شهر رمضان | 0 | 20-11-2013 10:50 PM |
فكره حلوه جدااا تخليك متدفعش ولا جنية لصيانات سيارتك نهائيا وتستخدمها استخدام مجانى | sayed2077 | منتدى السيارات العام | 22 | 16-01-2013 07:28 PM |
كلام الإئمة في النهي عن الخروج علي الحاكم الظالم(ولو كان الدين بالراي لكان اسفل الخف أولي بالمسح من أعلاه) | وائل محمد | ثورة الحرية 25 يناير | 13 | 07-05-2012 05:02 AM |
القواعد الذهبيةفي أدب الخلاف | بدر بسيونى | فى رحــاب شهر رمضان | 2 | 11-12-2009 01:47 AM |