يا من يركب الصينى كيف ترى نفسك ؟ ... و كيف يراك الناس ؟

[bedoo100]

السلام عليكم
بعد كل ما قرأته عن وجهات نظركم في السيارات الصينيه عموما أردت أن اضيف نقطه هامه جدا و هي ان السبب الوحيد لانتشار اي منتج صيني في بلدنا الحبيبه هي سعره القليل بغض النظر عن باقي مميزاته بمعني مثلا لو ان السياره 516 كان سعرها 50000 فقط اعتقد كانت ستصبح السياره الاولي في مصر حتي و لوكانت بثلاثة ابواب فقط و و نفس الحال بالنسبه للسياره 113 اعتقد لو كان ثمنها 40000 كانت ستنافس بلا منازع لان مشتري هذه السيارات يعلم جيدا انه مقابل قلة السعر اكيد هناك قلة جوده ارتضي بها نظرا لضيق ذات اليد وهو علي استعداد بتحمل تكلفة الصيانه التي قطعا سيزيد عددها عن السيارات الاعلي سعرا و الاكثر جوده
و لاحظوا فكر الكوريين عند طرح اول السيارات الكوريه في العالم و في مصر كان السعر اقل من سعر السيارات اليابانيه بحوالي 25 % : 30% لدفع المشتري الي مخاطرة الشراء لتوفير مبلغ اكبر من المال و مثال علي ذلك عند طرح الكيا برايد في مصر كان ثمنها علي ما اذكر 24000 جنيه عام 94 و ده كان سعر قليل وقتها مقارنة بالتيوتا و اللانسر و حتي بالنسبه لللادا و الشاهين
وتحقق هذا الكلام بقوه مع طرح الانوس عام 98 عندما كانت ب 39000 جنيه و كانت الشاهين نفس العام ب 39900 و اللادا ب 36000 بينما كانت اللانسر ب 55000 و الكورولا ب 61000 و البيجو 405 ب 75000 و لهذا انتشرت اللانوس و البرايد لقلة السعر و ايضا لتوافر قطع الغيار ايضا باسعار رخيصه جدا و لاهتمام التوكيل باكتساب عملاء جدد لتوسيع قاعدة العملاء و بناء سمعه و كيان داخل مجتمع السيارات فكان التوكيل قمه في الانضباط و الحرفيه لدرجة الاعلان عن المشكله الشهيره في طلمبة البنزين الخاصه باللانوس ودعوة المالكين لتغييرها فورا .... حتي لقد قاموا بتغييرها في سيارتي دون الشكوي مني من اي عيب في نظام الضخ او دورة الوقود
اما الفكر الصيني الحالي القائم علي منافسة سيارات ذات اسم و سمعه و مكانه حتي مع وجود مشاكل قلت او كثرت لهذه الماركات بنفس السعر مع تعزيز السياره بباقه اكبر من الكماليات فاسمحوا لي بان انعته بالفكر التسويقي الفاشل و طمع اصحاب التوكيلات و طيبة و براءة شعبنا الكريم
* ملحوظه : مثال لاختلاف جودة السيارات :
مقارنه لحساب العمر الافتراضي لمساعد سياره بناءا علي الدراسات التصنيعيه و الظروف التشغيليه و حتي التجارب الواقعيه :
السيارات اليابانيه مثل الهوندا سيفيك حوالي 150000 كم
السيارات الكوريه مثل الكيا سيفيا او الانوس حوالي 90000 كم
السيارت الصينيه حوالي 50000 كم
(ارقام تقريبيه حتي ولو تغيرت هذه النتائج مع العديد من الافراد لتغير ظروف التشغيل)

*ملحوظه اخري:
تسعير السيارات في بلدنا الحبيبه لا يخضع فعلا لاي قواعد او نهج تسويقيه سليمه و انما يخضع لشكل السياره و اقبال المشترين عليها و السمعه السابقه لماركة السياره و ده من اهم مساؤي السوق المصري بالاضافه الي ارتفاع الجمارك و ضريبة المبيعات و الرجاء النظر بشكل موضوعي لاسعار السيارات في دوله شقيقه مثل المملكه العربيه السعوديه التي يتضاعف فيها دخل الفرد عدة مرات عن مثيله المصري ورغما عن هذا يجد السيارات عنده هناك برخص التراب و يتمكن من تغيير سياره كل عام بينما المواطن المصري يتمكن من تغيير سيارته كل 20 عام و يكون قد احدث طفره في حياته و حياة اولاده
ولو اعطيت تسعيري لبعض انواع السيارات اعتقد انه من المفترض الا تزيد:
الجيتا عن 110000 *الاوكتافيا و الاوبل عن 100000
الهوندا سيفيك و الكورولا عن 95000 * اللانسر الشارك و المازدا 3 90000
الللانسر البومه و الالنترا عن 75000 * الاوبترا و الماتريكس و الصني و الياريس 70000
الاسبيرانزا تيجو 65000 * الهيونداي نيو اكسنت 60000
اللانوس و الفيرنا و الافيو وm11 عن 55000 * الاسبيرانزا 516 وfrv عن 50000
وبل و نحن نستحق اسعار افضل من هذه لكي نزيد عن الدول الشقيقه بنسبه بسيطه لا لكي نحلم بان نتساوي معهم ونفسي اسمع عن واحد سعودي اشتغل في مصر و اشتري سياره من هنا و اخذها معاه للسعوديه و دفععلها الجمرك هناك .....
و لكن لا حياة لمن تنادي
و شكرا و جزاكم الله كل خير

[hazem fahim]

المشكله مش في التصنيع المشكله فب الجوده وقدره التحمل تجربتي مع الميكروباص الصيني بتقول ان الصيني لا يصلح للعمل الشاق او حتي العمل العادي حتب لو ببلاش وده مش راي دي تجربتي يعني ده راي العربيه نفسها وشكرا

[ابن فنان]

روقوا ياجماعه وحدوا الله

[ابو جودة]

الى بيخاف ما يشتريش

[senior mody]

على فكرة الصينى عربية جميلة جدا جدا انا من بورسعيد وفاهم كلامك و فاهم الناس فى بورسعيد بتقول ايه على العربيات الصينى بس انا فى حاجة عايز اقولها المشكلة فى قطع غيرها هل لقدر الله لو حصل فيها حاجة انت ممكن تلاقى قطعة الغيار دى ؟؟ انا قلت قبل كده فى مواضيع انى ميكانيكى و اشتغلت فى العربيات الصينى يا جماعة العربية مش وحشة و اللى يقول كده يبقى بياخد على كلام الناس و بس المشكلة كلها انك لو وقفت على قطعة غيار انك تنزل تجيبها من مصر او تعدلها اى قطعة غيار غيرها بس قريبة منها و لو مفيش بنطر ان احنا ننزل مصر نجيب قطعة الغيار دى و هو ده عيب العربيات قطع غيار مش اكتر.
** تحياتى ليك يا باشا على موضوعك الجميل **