|
#571
29-08-2010, 08:40 AM
|
||||
|
||||
رد: أدب الرحلات
خواجة ظريــف
وكنا فى محل فى مطروح ودخل زبون اجنبى وبيتكلم انجليزى وصاحب المحل قال الحقنى ياعم خالد كلمت الزبون وقعدنا نتكلم واخدنا ييجى ساعة لحد م اشترى بأكتر من 500 جنيه واثناء كلامنا كنا بنهزر سوا احيانا ونضحك ونضحك وبعد م خلص ودفع حسابه وكان تعبنى جدا فى الشراء والكارثة انه كان بيفاصل كمان وفى الأخر بعد م خلصنا صاحب المحل كان مبسوط وبيقول / والله انت ابن حلال انا ابيض فى الانجليزى فأنا ضحكت وقلت / وبصراحة الزبون شخصية لذيذة صحيح تعبنى شوية لكنه راجل ظريف وفوجئت بالزبون بيقول بالعربى بس بلهجة خواجاتى / شكرا مستر خالد فانا استغربت وسالته بالعربى / انت بتعرف عربى قال وبنفس اللهجة الخواجاتى / كويس جدا انا من انجلترا وبشتغل فى مصر من 3 سنة (قالها كده) وضحك ضحكة عالية جدا وانا قلت / حرام عليك عذبتنى ياشيخ فضحك وقال / اصلى بعتز بلغتى الاصلية خلانى زعلت بعد م كنت انبسطت معاه بس زعلت على حالنا ده فى ناس تعرف معانى كلمات بالانجليزى ومتعرفش ترجمتها بالعربى وفى ناس تقول كلمتين عربى و 10 انجليزى ومعتبرين ده منتهى الثقافة والتحضر بلا نيلة (على رأى مارى منيب ) 
|
|
#572
29-08-2010, 08:46 AM
|
||||
|
||||
|
رد: أدب الرحلات
كفاية كده تعبت وهروح انام والافكار كتير وعايزة يومين كتابة نكمل بالليل
|
|
#573
29-08-2010, 08:57 AM
|
||||
|
||||
|
رد: أدب الرحلات
تصبح على خير
بس يارب استاذ الفول ميجيش المرة دى ويكتبلنا اكله جديده والواحد صايم واليوم طوووووووويل 
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#575
29-08-2010, 05:57 PM
|
||||
|
||||
|
رد: أدب الرحلات
الشيخ / أحمد
والشيخ احمد انسان طيب محترم مؤدب متدين جدا ونحسبه على خير ولانزكى على الله احدا قابلته اول مرة فى محل فى مطروح السلام عليكم وعليكم السلام اتفضل ياأخى اشكرك اومال فين الاستاذ محمد صاحب المحل والله بييجى متاخر شوية طيب اجى له وقت تانى اتفضل انتظره اشكرك هلف لفة وارجع له وبعد شوية السلام عليكم وعليكم السلام ورحمة الله ازيك ياحاج خالد انت فين جيت سالت عليك قابلت الاخ وقال انك مش موجود أأأه ه ه ه اعرفك بيه الأخ احمد بيشتغل معايا اهلا وسهلا اخوك خالد اهلا بيك وبقيت اروح المحل الاقى صاحب المحل ملاقيهوش احمد يعمل الطلبية ويحاسبنى وفى يوم رن جرس الموبايل سلام عليكم وعليكم السلام مين ياافندم انا احمد مش فاكرنى احمد مين اللى بيشتغل فى محل كذا بمطروح أأأه ه ه اهلا ازيك ياحمام عامل ايه الحمد لله أؤمر ياعم احمد عايز اشتغل معاك انت سبت الشغل مع محمد سبته ومسبتوش يعنى ايه كلمت الاخ محمد يشوف واحد وانا همشى من اول الشهر طيب أدبيا لازم استأذن محمد علشان ميزعلش طبعا طبعا وسألت محمد فقال/ اصل بلدهم مشوارها بعيد ومواصلاتها صعبة من هنا بلدهم ايه كفر داود فين دى ورا مدينة السادات فى طريق شبين الكوم طيب هو كلمنى انه يشتغل معايا فى اى مشكلة او حاجة تحب تقولها لا مفيش حاجة هو انسان طيب وكويس وامين جدا ويخاف على فلوس الناس طيب انت هتبقى زعلان او حاجة لا....خالص دى رغبته هو وكلمت احمد انا عايز اعرف البيت عندكو فقال ماشى اجى لك ازاى (مكانش ربنا انعم عليا بعربية لسه) تركب من الترجمان اتوبيس السادات وتنزل هناك تركب عربية لكفر داود وانا هستناك عند محطة البنزين بعد الكوبرى ووصلت فى المعاد ووجدته منتظرنى ودخلنا البيت بيت ريفى بسيط خاااالص وناس طيبين جدا ومكلف نفسه عزومة وشغلانة والحقيقة انا انكسفت لان واضح انهم ماديا فقراء جدا وواضح ان العزومة متكلفة يابنى انا قاصد اجى لك متأخر قرب المغرب علشان اهرب من موضوع الغدا ده ازاى و ..دى تيجى؟؟ واتكلمنا كتير واتفقنا نتقابل على كافتيريا محطة القطار بطنطا تيسيرا عليه بدل م ييجى القاهرة وكافتيريا محطة القطار كانت من اختيارى انا لان مفيهاش شيشة واتقابلنا وشرحت له خط السير وخريطة الوجه البحرى كلها ومواصلات الوجه البحرىوسلمته العينات وقوائم الاسعار وبعد ييجى 3 ساعات من المناقشات و الشرح والاسئلة قال / توكلنا على الله على بركة الله يابطل وربنا يكرمك وشد حيلك الله يخليك يااستاذ خالد ومشينا وبعدها بيومين اتصل بيا انا اسف مش هقدر اشتغل خير ابدا ظروف حصلت وعندى حاجات اهم وانت مكنتش عارف الأهم ده قبل م تضيع وقتنا مشواركفر داود (120 كيلو من القاهرة)ومشوار طنطا (86 كيلو من القاهرة) معلش ماشى ياعم احمد وقابلته واخدت العينات والحاجة ومشيت ومرت الأيام ونسيت احمد وبعدها بحوالى شهر اتصلت بيا واحدة ست السلام عليكم يابنى اهلا بيكى مين ياافندم انا ام محمد محمد مين ياافندم محمد صاحب محل كذا فى مطروح ( أللى كان بيشتغل عنده الشيخ / احمد) أأاا ه ه اهلا يامدام وازى محمد محمد فى السجن ليه خير فاكر الشيخ /احمد اللى كان بيشتغل معاه بتاع كفر داود ايوه ماله مسكوه على حدود مصر مع السودان فى منطقة حلايب وشلاتين وكان معاه مدفع رشاش وكارنيه مزور لكلية الحقوق يانهار ابيض ليه ده كله كان رايح للجهاد مع اخواننا فى دارفور طيب م يسافر السودان ومن هناك يتصرف اهو اللى حصل وعلاقة محمد ايه بالكلام ده مهوالشيخ / احمد لما مسكته المباحث سأ لوه كنت بتشتغل مع مين فقال على كل اللى اشتغل معاهم ولموهم كلهم وانا بلعت ريقى وسرحت منها شوية وحمدت ربنا انه نسينى مهو اشتغل يومين تقريبا وقلت سبحان الله وعسى ان تكرهوا شيئا وهو خير لكم / صدق الله العظيم كنت زعلان جدا منه انه ضيع يومين منى فى شرح وتفاصيل وكيفية معاملة الزباين وغيره وبعدين استقال بعد يومين عمل والحمد لله فعلا انه نسى انه يجيب سيرتى لانه واضح انه جاب تاريخ حياته من اول كرباجين وسمعت صوت فى الموبايل سامعنى يااستاذ خالد سامعنى اه معلش يامدام سرحت شوية انا اسف مفيش حاجة يابنى عايزة منك شوية بضاعة عينى يامدام تحت امرك ابعتلى ........... وطلبت طلبيتها وطبعا صليت ركعتين شكرا لله على انه نسينى خالص مهو مغامراتنا العادية كوم واللعب مع الكبار كوم تانى استر يارب من الكبـــــار
|
 |
|
|
