ايه راى الناس فى 6 ابريل وفى البرادعى

[attef1]

طيب يا جماعة بالهداوه ... المسألة مش مستاهله التخبيط ده كله
احنا فى الاساس نتبادل الخبرات والاراء
ولو النقاش هيؤدى الى صدام يبقى ملوش لازمه .. الكل يحب مصر لكن الحب درجات مختلفة ومنه ما قتل
تحياتى للجميع

[akefpop]

المشاركة الأصلية كتبت بواسطة mmffor للاسف في كتير فاكرين نفسهم مفتحين انا سالت 3 اسئلة - اللي يجاوبني ليه جايزة 1- امتى انتخابات مجلس الشعب و الانتخابات الرئاسية؟ علشان تنخرس الالسنة؟ و هل سيتم منع اعضاء الحزن الوطني من المشاركة فيها ام سيشاركوا؟ 2- ما هو الرد على مهزلة المعتمرين؟ 3- ما هو الرد على قتل 4 جنود مصريين بالكوماندوز الاسرائيلي؟

لا عندك حق اصل مفيش اى تغيير حصل فعلا !! مبارك متنحاش والحكومه كلها مش فالسجن ومجلس الشعب متحلش ومبارك مش بيتحاكم واللى كان موجود فالقفص ده الدوبلير بتاعه والمجالس المحليه متحلتش بحكم محكمه ومبقاش عندك اكتر من 30 حزب ولا حصل استفتاء العالم كله شهد بنزاهته شارك فيه 18 مليون مصرى ورؤساء الصحف القوميه متغيروش والعادلى ماخادش 12 سنه سجن !!! اقولك انا فاضل ايه ؟
فاضل ان الجيش يقع عشان تبقى كووووووووول حاجه فالبلد وقعت
وطبعا اللى غرضه الوقيعه بين الشعب والجيش مش هيجيبهالك على بلاطه .. لا طبعا يبتدى معاك ويقولك اصل المشير حاجه والمجلس العسكرى حاجه تانيه ... ودلوقتى اصل المجلس حاجه والجيش حاجه .. وبعد كده الجيش حاجه والشعب حاجه ... واضربوا فبعض ... اكبر خدمه لاسرائيل تدمير مصر بايدى مصريين دون اطلاق رصاصه واحده ...
المجلس العسكرى يا بيه يا محترم لولاه كان مبارك قدر يخترق الجيش ويعين جمال رئيس اركان وعلاء وزير دفاع وكان زمانك زى سوريا اللى قائد الجيش بتاعها اخو بشار الاسد ولا زى ليبيا اللى عامله ميليشيات وعلى راس كل ميليشيا ولد من ولاده ... ولا انت عايز تفهمنى ان مبارك كان يقدر ومعملهاش !!!

[مادا]

فعلا انا عاوز اقفل الموضوع ده لانها كده شكلها حتبقى فتيه كما قال رسول الله صلى الله عليه وسلم .. ستكون فتنه فيها يبصق الرجل على وجه اخيه .. وانا مش عاوزها توصل لكده احنا كلنا وطنين وبحب مصر بس كل واحد ليه فكر مختلف عن التانى وياريت نعدى الفتنه دى على خير ((ويارب كل من اراد بمصرشرآ اجعل كيده فى نحره))

[تامر ديزل]

المشاركة الأصلية كتبت بواسطة akefpop المصيبه ان النهارده كل واحد عايز يبان بطل وثورجى على حساب الشعب المصرى ويدعى ان ليه الفضل فى قيام الثوره .. لا يا ساده لا احد له الفضل فى قيام الثوره لا البرادعى ولا الاخوان ولا 6 ابريل ولا غيرهم .. الثوره دى ثورة الشعب المصرى كله من اصغر طفل اتولد يوم 25 لاكبر شيخ كان راقد فمستشفى يومها .. الاغلبيه الصامته دى او زى ما البعض بيحب يسميها حزب الكنبه هى اللى نجحت الثوره اكتر من اللى كانوا قاعدين فالتحرير ومش معنى ان اى واحد كان قاعد قدام بيته بيحميه وقت الثورة ومقدرش ينزل التحرير وكان بيحمى بيتك واهلك وانت قاعد فالميدان انك تيجى النهارده وتقوله انت منزلتش الميدان يبقى مش من حقك انك تتكلم ولا تشارك فاى حاجه لان الشخص ده لو كان ليه راى تانى مختلف عنك ونزل الشارع يعبر عنه كان زمان مبارك موجود لحد دلوقتى وكان زمانا كلنا النهارده مشرفين فالسجون 6 ابريل اللى كانوا قافلين التحرير شهر بحاله فاكرين نفسهم ان الثوره دى بتاعتهم وان من حقهم هم وبس اللى ياخدوا القرارات عشان كده بتسمع مصطلحات عجيبه اللى يقولك القرار من الميدان وناس توزع بيانات على ال 1000 بنى ادم اللى موجودين فالتحرير على ان هم بس الثوار وعايزين يعملوا انتخابات ما بينهم عشان يختاروا الحكومه وينتخبوا مجلس رئاسى وفاكرين نفسهم معاهم ختم الوطنيه .. اللى يعجبهم يبقى ثورجى ووطنى ومن الاحرار حتى ولو كان قبل كده بيسبح بحمد النظام ... واللى مش عاجبهم يبقى عميل وفلول ومن النظام السابق

كلامك تمام الثورة ملك لكل الشعب ونتائجها وان كانت متواضعه ملك لكل الشعب بردوا
ولكن
فيه قوى مصلحتها تمنع الشعب يقول كلمته
وبصراحة الاتنين شغالين ف الموضوع ده كل واحد من ناحيه المجلس و اللي بيسموا نفسهم لبراليين
الاتنين مصممين يخلوا المسافه بين الشعب وصناديق الانتخابات ابعد ما يمكن
لان نتيجة الانتخابات حاليا اكيد مش هتكون في مصلحة من يسمون لبراليين واي نتيجه للانتخابات هيكون معناها بردوا انتهاء حكم المجلس
ولكن نرجع نقول من تاني دفع الضرر مقدم على جلب المصلحة
وتشويه المجلس دلوقتي فيه ضرر اكبر من المنفعه اللي هاتيجي لو سقط
احنا نستنى لشهر نوفمبر اللي هوا ميعاد الانتخابات متعملتش انتخابات نشوف ساعتها ايه اللي ممكن نعمله ونشوف مين السبب ف التاجيل ونحاسبه
وساعتها لا هيكون للمجلس وانصاره حجه اذا كان المجلس هوا السبب ولا للمعارضين للمجلس حجه اذا هما اللي طلبوا تأجيل الانتخابات علشان لسه مش جاهزين

[مادا]

المشاركة الأصلية كتبت بواسطة akefpop;507949[SIZE=6 عصابة البرادعى كانت عايزه تاخد مكان عصابة مبارك والجيش هو اللى منع المخطط ده وده اللى يفسر ازدياد الهجوم على الجيش كلما قرب موعد الانتخابات لان الناس دى متاكده مليون فالميه انها لو دخلت الانتخابات مش هتنجح عشان كده عايزين يستولوا على السلطه باى طريقه تانيه تماما كما قال اللواء الفنجرى فى خطابه الشهير واللى فضحهم فيه [/SIZE]

هو ده المخطط اللى كنت عاوز اوصلوا ليكم لما كتبت موضوعى ان 6 ابريل واخده اوامر بتسخين الشعب على الجش لسقوط المجلس العسكرى حتى يستطعوا عمل مجلس مدنى تابع لهم يشرف على الانتخابات القادمة ليمكنوا البرادعى ان يكون رئيسآ قادمآ لمصرلانهم مش متاكدين لو اتعملت انتخابات نزيهه ان يكسبها البرادعى والحمد لله ان انتوا عرفتوا مقصدى