اول خطاب لمبارك بعد التنحى ( على قناة العربيه)

[مهند سالم]

المشاركة الأصلية كتبت بواسطة attef1 يا اخ ميدو هو لو رئيسنا السابق هرب على بلد تانى مما يدل على انه خسيس وجبان يبقى الشعب اللى فضل هو حاكمه 30 سنه شكله ايه ؟؟!!!!

عارف ما هربش ليه:
كان عنده أمل إن أعوانه هيسيطروا على الوضع ويرجعوه محمولا على الأعناق للتكريم.
كان عنده أمل إن جمال ممكن يرجع تاني يرشح نفسه للرئاسة بعد نجاح الثورة المضادة.
كان عنده أمل إن التعتيم على الأموال وتهريبها لن يتم كشفه.
كان عنده أمل في بكرة، وطبعا من حقه يحلم، لكن للأسف الشعب المصري هيحول حلمه لكابوس بإذن الله.

[MIDO-SPICY]

المشاركة الأصلية كتبت بواسطة مهند سالم عارف ما هربش ليه: كان عنده أمل إن أعوانه هيسيطروا على الوضع ويرجعوه محمولا على الأعناق للتكريم. كان عنده أمل إن جمال ممكن يرجع تاني يرشح نفسه للرئاسة بعد نجاح الثورة المضادة. كان عنده أمل إن التعتيم على الأموال وتهريبها لن يتم كشفه. كان عنده أمل في بكرة، وطبعا من حقه يحلم، لكن للأسف الشعب المصري هيحول حلمه لكابوس بإذن الله.

وانا اسف يا مهند لما اقول اننا اللى اديناله الحلم دا
لما فضلنا 30 سنه بناخد فوق دماغنا وساكتين
لما كيلو اللحمه وصل 100 ج ومش لاقيينها
لما الانتخابات كانت بتتزور كل مره وانتخابات مجلس الشعب وصل اعضاءها لـ 99 % من الحزب الوطنى

للاسف احنا اللى خليناه يحلم وبكتيــــــــــــــــــــ ــــــــــــــــر كمان

[samirayad]

المشاركة الأصلية كتبت بواسطة attef1 سبحان الله الناس عايزه اعدام بالاهواء كده من غير محاكمات ولا اى حاجه هو المفروض كمان الواحد ميدافعش عن نفسه هو المفروض يسجد وهو بيتكلم دا كان فى ايديه يخرج بنفس الطياره اللى ودته شرم لاى مكان تانى فى العالم الا انه ادى درس فى الوطنيه للحكام والشعوب العربيه وحفظ كرامة البلد ادام العالم ومع ذلك فيه "غل" غريب جدا يعنى بالمنطق راجل كبييييير فى السن ومريض ومطرود من الحكم ايه اللى يقعده فى مصر المخروبة ؟؟؟؟؟؟؟؟ لاهو هايرجع للحكم ولا ينفع وبمحاكمته مش هايرجع اللى راح عجبت لك يا زمن

مش موضوع غل

كما تدعى

الموضوع

موضوع حقوق غلابه وناس نايمه فى العشش

وناس بتشرب مياه مخلوطه بالمجارى

وناس مش لاقيه فتات العيش

ويجب عليك وعلى كل مصرى

النظر لأحوال من هو دونه

مش الواحد يبص لنفسه ويسيب غيره

مش لاقى حاجه

____________

أمال إسمنا مسلمين وموحدين إزاى ...............؟

[MmFFoR]

والله الراجل بيقول كلام موزون
في ايه يا جدعان ما تسيبوا العدالة تاخد مجراها!!!
واللا انتوا عاجبكوا حال البلد!
البلد مبقاش فيها بيتزا!!!

[فادى]

المشاركة الأصلية كتبت بواسطة samirayad مش موضوع غل كما تدعى الموضوع موضوع حقوق غلابه وناس نايمه فى العشش وناس بتشرب مياه مخلوطه بالمجارى وناس مش لاقيه فتات العيش ويجب عليك وعلى كل مصرى النظر لأحوال من هو دونه مش الواحد يبص لنفسه ويسيب غيره مش لاقى حاجه ____________ أمال إسمنا مسلمين وموحدين إزاى ...............؟

بلاش الحجة دى بالذات,
لا أعتقد ان حضرتك تعانى من اى من هذا.
و بعدين كل بلاد الدنيا فيها فقراء حتى أغنى البلاد, السعودية فيها فقراء, أمريكا فيها فقراء يمكن احوالهم اسوأ من مصر.
دى سنة الحياة, و ربنا وزع الارزاق و فى ذلك حكمة لا يعلمها الا هو سبحانه و تعالى.
يا , لا تنجرف مع هذه المزاعم,
فالثورة أصبح بها للأسف رائحة شيوعية و اشتراكية بغيضة قد تعود بمصر عقودا الى الوراء.