رسالة الى مبارك

[MIDO-SPICY]

انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم ..

الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا

هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين

ومعرفش قرار الحربيه بامكانية انهم يروحوا غير لما راح عند اقارب ليه فى غمره

وبيتوسل للتليفزيون انه يوصل التحرير دلوقتى ويبلغ الشباب بالقرار دا

فين ناس كتير جدا عايزه تروح وخايفه من امن الدوله

بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل

وقال انهم قالولهم ان بكره جمعه الوداع .. وداع لمين ؟؟؟

وانهى مكالمته وهو فى حالة اعياء من كتر البكاء

بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض

_________________________ _________________________ ____

انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب .........

وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه

دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى

حرب اباده للشباب اللى رفعوا اسم مصر فوق قوى .

حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر

حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل

مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره

دمهم هيروح هدر

مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين

الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم

يارب حافظ علينا وعلى بلدنا وابعد عنا اى شر ..

اللهم اضرب الظالمين بالظالمين واخرجنا منهم سالمين

يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير

وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين

يارب

انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه

[SALAHHAKIM]

السلام عليكم
حضرتك سمحت لي بوضع خطابى للرئيس هنا

بسم الله الرحمن الرحيم

سيادة / رئيس جمهورية مصر العربية - محمد حسني مبارك
اسمح لي سيادتك أن أقول لك مجرد رأي قد يكون صواب أو خطأ لأني لا أستطيع ادراك كل ملابسات الأمور والظروف المحيطة بي أو بمتخذي القرار .
ورأيي ياسيادة الرئيس أن هناك أخطاء كثيرة في التصرف فيما حدث وفيما يحدث ( وكل البشر تخطئ )
اولاً : توقيت التظاهر كان خطئ وكان يجب ان يكون توقيت التظاهر رد فعل على فعل ولا يكون العكس خرج بعض الشباب
ليطالبوا بأسقاط النظام ويطالبون الرئيس بعدم الترشح ومنع التوريث .
بدون ان يكون هناك من يؤكد أنك سوف تترشح سيادتك أو السيد جمال مبارك - كلها كانت تكهنات من الشباب وهذا غريب على الشعب المصري أن يتخذ رد فعل على فعل لم يحدث اصلاً .
وكان الشباب فيما بينهم منقسمون من يريد تقليد دولة تونس الخضراء سابقاً تونس الخرباء حالياً ومنهم من يريد إسقاط النظام بسبب الفساد المنتشر والمتزايد وكان منهم من تم التلاعب به لجهله بالقوانين وعلوم الحرب النفسية وألوان الدعاية وكيفية التعامل معها كل هذا خطأ وتقصير من الاجهزة الامنية التى تتحمل مهمة تثقيف الشعب بما سبق والخطأ الأكبر كان فى أسلوب تعامل الامن والاعلام المصري . وترك الشائعات تنتشر وتسري على ألسنة المواطنين عن اشتراك السيد جمال وعلاء فى أغلب المشاريع المصرية بدون أي سند أو دليل ولكنها كانت اشاعات تصدق نظراً لادراك مطلق الشائعة علوم الحرب .
قد حدث تغير فعلي في أجهزة الدولة وإزالة رموز الفساد وكان هذا
الحسنة الوحيدة لمظاهرة 25 يناير .وأيضاً كان الخطأ الأكبر فى عدم مواجهة الشعب وتحميله جزء من الفساد المنتشر فى المجتمع
فقد تناسى الشعب كيف جعل من السايس البلطجى مهنة واعطائه مالا يستحقه لمجرد استسهال البحث عن مكان انتظار سيارة
لقد نسى الشعب كيف جعل كل أصحاب محطات الوقود يقومون بمساومة العاملين بأجر زهيد مقابل فرض اتاوة مقنعة على المتعاملين مع المحطات فى صورة بقشيش او مسح زجاج . لقد تناسى الشعب انهم الذين اجبروا أغلب أفراد الشرطة على عدم المطالبة بحقهم فى عيشة كريمة بدون رشوى لقد كان الشعب يصر على الخطأ ويطالب بالاصلاح يرشي رجل الشرطة أو الموظف للحصول على خدمة أو منفعة بدون وجه حق . لقد تناسى الشعب أن كل المجالات أصبح بها الفساد بسببهم اولاً ثم بعض نظام الحكم ثانياً
لقد تناسى الشعب دور الاجهزة الامنية في حماية أمن المواطن واختزل كل دورها فى القبض على المواطنين فجراً بدون وجه حق . عندما اغلق قطاع مباحث أمن الدولة بعض المطابع التى تقوم بطبع كتاب الله . وعلى أثر ذلك قام أقارب المتهمين بأثارة الحرب على الجهاز وحتى بعد تجلي الحقيقة فى مطالبة الأزهر الشريف تحري الدقة وأخذ التصاريح اللازمة لطبع كتاب الله .لم يذكر أي من المواطنون ذلك الهدف النبيل ولكن ذكر فقط القاء القبض وغلق المطابع .
انا لا أدافع عن أحد ولا انكر التجاوزات وان الفساد كان موجود ولكني اضرب الأمثال للتأكيد ان كلنا كنا من المخطئين وفى حالة تكرار النفس الاخطاء سوف نواجه نفس أنواع الفساد .
لقد تعامل الاعلام والقائمين عليه بنفس المنطق السابق فى عهد السيد الرئيس جمال عبد الناصر عهد تفشى الفساد وانكار الاعلام
والتجاهل ذلك العهد كان الفساد أكبر وأقوى ولكن لم يكن هناك أي من وسائل كشف الحقيقة . التليفزيون المصري والراديو والصحف القومية . وكل ذلك بفضل الوزير عبد القادر حاتم وكل من تعلموا
فن الدعاية والحرب النفسية وتتلمذوا على قراءة مذكرات هتلر ووزير دعايته جبلز فقد وصل الفساد لحد نشر خطة الحرب والدفاع للجيش وطرق الدفاع على صفحات الجرائد من الكاتب محمد هيكل ولم يطالب احد بأعدامه او حتى التحقيق .
لقد أصر السيد الرئيس جمال عبد الناصر على ( تصدير الثورة ) من أبناء الوطن لتكون الخطوط الأولى وليست حتى الثانية أو الداعمة للبلد ولكن لتكون الأولى (اليمن الجزائر والكنغو وليبيا )
ولم يحاسبه أحد بل على العكس كان يوجه له كل الشكر
فى حرب الاستنزاف بعد الهزيمة الساحقة للشعب المصري
خرج بخطاب التنحي ولكن قبل خروجه علينا كان الحزب الاشتراكي جاهز بمتظاهرين للمطالبة بعدم التنحي قبل الانتهاء من الخطاب .
اللواء طيار تحسين زكى قائد قاعدة انشاص اثناء النكسة أمر الطيارين بعمل هجوم مضاد على إسرائيل وبالفعل حدث وبطولات من المقاتلين المصريين وبعض الابطال الذين يمثلون اسطورة فى البطولة المطلقة ( بطل التبة ) فى الاسماعلية . وعندما تم ابلاغ السيد الرئيس جمال عبد الناصر بأفعال البطولات التى من الممكن تعيد رفع الروح المعنوية لشعب منهزم قال جملة غريبة (ميتعملوش أبطال على قفايى ) هل هذا قول رئيس جمهورية
ولم يحاسب والأغرب من هذا الشعبية الرهيبة الباقية حتى الآن
ومعرفة الكثير من انضمام الرئيس جمال عبد الناصر جماعة الاخوان وجماعة حديتو وجماعة اليسارية والجماعة الاشتراكية
والافكار الغريبة ولكن مازال أغلب الشعب يصدق هذا الصوت
كل هذا خير دليل على قوة الحرب النفسية والوان الدعاية ( غسيل )
من نفس المنطلق تعامل الإعلام الحالي معتقداً أنه لا يوجد إعلام مضاد ولا أجهزة أمنية تسعى للتخريبب وإثارة الفتن والقلائل وتعامل بالمنطق القديم مما أدى الى اعتقاد أن المتظاهرين يمثلون الشعب بما فيهم السيد الرئيس حسنى مبارك . ورغم انشغال المواطنين بالدفاع عن الممتلكات إلا أن أغلب الشعب فوجئ بخطاب الرئيس وأغلب الشعب أراد الخروج فى تظاهرات مضادة لإعلان واعلام الجميع ان من هم فى التحرير وان وصل عددهم الى 100 الف لا يمثلون الشعب وحدث بعد الشغب بين من هو مؤيد ومعارض والقول واستفاد الخصوم من ذلك بتوجيه تهم للمعارضين بالخيانة والمؤيدين بالعمالة وتبدأ الحرب الأهلية بين الطرفين .
يا سيادة الرئيس مبارك
أجهزة الأمن فى العالم أجمع مقسمة إلى الأمن الداخلي والأمن الخارجي أو الأمن السلبي والأمن الإيجابي أو المخابرات الوقائية والتفاعلية .
الاخوة المتظاهرين فى التحرير أحدثوا أهم حدث وهو إزاحة أحمد عز المتسبب الاول وازاحوا حكومة رجال الأعمال وسوف تتم المحاكمة .
لقد تناسى المتظاهرون كل مظاهر التنمية وقاموا بالتركيز على مواطن الضعف فى الحكومة والنظام
ولكن أنا المواطن مصري أريد بقاء السيد الرئيس حسنى مبارك فى السلطة وتفعيل الاصلاحات الجديدة
وأُكّد ياسيادة الرئيس فى حالة تركك للحكم سوف أكون أول مطالب بمحاكمة سيادتكم بمحاكمة عسكرية لتخليك عن شعبك ومنصبك وأرضك فى توقيت المعركة وياسيادة الرئيس أنت رجل عسكرى تعلم جيدا ماذا اقصد .
من فضلك لا تتركنا
للبرادعى والسيد بدوى ولالبكرى ولاايمن نور
حتى لا نصبح مثل العراق بسبب اسلحة نووية غير موجودة
وحتى لايستغل المواطن كما يستغل فى الدواء واختفائه
ولا لنصبح فى صراع نفسي حتى مع أنفسنا ومهاجمة الآخرين بدون اى دليل وحب الظهور الغير عادي
ولا يكون فينا طالباً فاشلاً ومزوراً لمؤهل وشهادة دكتوراة ومفصولاً من الحزب الذي كان ينتمي إليه.
تظاهرت وطالبت بزوال رموز الفساد ومحاكمتهم ولكني لم أطالب برحيل الرئيس لا تواً ولا بعد ستة أشهر ولا بعد ألف عام
أعتذر يا سيدي الرئيس عن الأسلوب الذى لايرتقى بالتحدث مع بطل حرب وسلام مثلكم

صلاح حكيم
مواطن مصري
تعليم حكومي مجاني
مستخدم مواصلات وطرق عامة
كنت أعاني من الفساد والرشاوى ( وكلمة هي دي مصر )

مصادر المعلومات
كتاب الآن أتكلم
كفاحي
مذبحة الأبرياء
علوم الحرب النفسية
حروب الإعلام
اجهزة التخابر فى العالم الحديث
الصحف المعارضة والقومية

[mhamdy75]

المشاركة الأصلية كتبت بواسطة lol64 الشباب اللى كان موجود يوم 25 يناير هما دول الابطال وبعد كده انصاف المتعلمين والجهله وكلاب الاحزاب اللى رافضين حتى يتحاوروا او يقبلوا انتقال سلمى فى سبتمبر حقنا لدماء مصر لكن طبعا فى نظرهم تغور مصر ودم ابناءها دى فرصه عمر الخونه انهم يركبوا السلطه لان لو استنوا لسبتمبر مش هاينولوا اى حاجه ولا حتى .................. بعد كل التنازلات والاصلاحات وتقبل مطالب الشعب من حسنى مبارك ورضوخه لكل المطالب وعدم ترشيح نفسه وتغيير الوزاره اللى يرفض يبقى خاين خاين خاين واظن واضح مين الخاين

ربنا يستر علينا كلنا

و مافيش أى حاجه إتغيرت

ولا فى نية للتغيير

[MIDO-SPICY]

المشاركة الأصلية كتبت بواسطة SALAHHAKIM السلام عليكم حضرتك سمحت لي بوضع خطابى للرئيس هنا

طبعا تنور
وشكرا لمشاركتك الايجابيه دى

[محمود زيزوو]

مبارك مبارك مبارك لفترة رئاسة وبعد كدة صدقونى ربنا يسترها على مصر