#51
|
||||
|
||||
رد: استفسر عن دهان سيارتك !!!!!!!
السلام عليكم
عند تغيير لون السياره غالبا بيقل ثمنها عند البيع والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#52
|
||||
|
||||
رد: استفسر عن دهان سيارتك !!!!!!!
لما يكون اللون بره غير جوه بيكون طعم العربيه مش حلو وتحس ان في حاجه غلط والواحد نفسيته بتقفل منها ولو مصممه يبقي بتتكلف من 1300 الي 1600 حسب حالة العربيه وفي ناس بتغير اللون من بره بس ولما تيجي تبيع تعيد دهان العربيه من الخارج للون الاصلي مره اخري وبالمره بيكون وش نظافه
__________________
استفسر عن دهان سيارتك !!! اللهم لك الحمد كما ينبغي لجلال وجهك وعظيم سلطانك ورشة إيه آي أوتو بينت لسمكرة ودهان السيارات
|
#53
|
|||
|
|||
رد: استفسر عن دهان سيارتك !!!!!!!
استاذ ايمن بعد التحية
انا على فكرة جارك من فيصل للاسف انا مقرأتش الموضوع ده غير دلوقت بعد ما وديت العربية تتجدد سمكرة ودوكو عندى فى فيصل والا كنت جتلك على طول انا عربيتي بيتلز وحرقتها على الصاج ماعدا السقف والبابين والرفارف وهرشها من برة ومن جوة الصنيعي اتفق معايا على مصنعية 1000 جنيه و800 جنيه خامات وهو مصمم يجبهم وهعملها لونين ازرق فى فضي كالتالى الاجناب بالرفارف فضي والكبوت والشنطة والسقف ازرق بطريقتي الخاصة عرفت انه ناوى يعملها سادة علشان يزود مكسبه من توفير الخامات فكنت عايز اعرف من حضرتك اعمل ايه علشان اعملها ميتاليك لونين بالطريقة اللى زكرتها يعنى اشترى خامات ايه وانواعها ايه واسعرها مع الاخز فى الاعتبار انى هعمل الخارج بس ميتاليك وجوة اسود سادة وخطوات الدهان علشان هعملها لونين يعنى بعد ما ادهن اللون الاول ادهن التاني امتى انا اسف هتعبك معايا واشكرك مقدما |
#54
|
||||
|
||||
رد: استفسر عن دهان سيارتك !!!!!!!
استاذي الفاضل اولا اللون الفضي كده كده ميتالك اما اللون الازرق فحضرتك بتختاره اما ميتالك او ساده يعني علي مزاجك انت مش علي مزاج الصنايعي والمفروض قبل ماتروحلو بتبقي مستقر علي الالوان وبالنسبه لقيمة الدهان 1800ج مبلغ الراجل كرمك فيه اوي مع الاخذ في الاعتبار ان العربيه هتترش 3 الوان في 3 مرات مره الدواخل اسود ومره الازرق ومره الفضي وانا لو اخدت من حضرتك المبلغ ده مش هينفع استخدم غير الاوميجا والشائع في السوق ولتر البويه الساده ب 130 جنيه ولتر البويه الميتالك بالورنيش 230 جنيه ده غير البطانه والمعجون معرفش الصنايعي بتاعك عنده فرن ولا لأ ولو معندوش تأجير فرن 3 مرات بحد ادني 70 جنيه في المره وسواء هيرش الاجناب الاول او السطحي مش هتفرق بس لازم يكون سايب 24 ساعه كامله بينهم
__________________
استفسر عن دهان سيارتك !!! اللهم لك الحمد كما ينبغي لجلال وجهك وعظيم سلطانك ورشة إيه آي أوتو بينت لسمكرة ودهان السيارات
|
#55
|
||||
|
||||
رد: استفسر عن دهان سيارتك !!!!!!!
فيه معلومه يا جماعه احب اضيفها انهارده الا وهي :-
في مشكله تواجه الشباب من الجنسين ممن يمتلكون سيارات زيرو ولم يسبق دهانها من قبل واصبح بها بعض الخرابيش والخبطات ويتركونها مشوهه بحجة ان البويه تفضل فبريكا نقولهم طب ماتدهنوا العربيه وبرده هتفضل فابريكا طب ازاي هنا بقي يفرق الصنايعي التعبان من الصنايعي البروفشنال الصنايعي التعبان يعمل ايه بيمعجنلك القطعه كلها مثلا الكابوت كله او الباب كله والخ وبعد كده يبطن العربيه كلها بالفلر وبعد كده يرش البويه وبالتالي لما حضرتك تيجي تبيع العربيه وييجي اللي هيشتريها يروح مخربش حته بآله حاده في ايديه علشان يتأكد انها فابريكا يبص يلاقي ظهر من الخربوش معجون وفلر تحتيها وبالتالي يقولك دي مش قابريكا ومرشوشه وشكلها واخده خبطه جامدهالصنايعي المحترف يعمل ايه ييجي علي المكان اللي فيه خبطه او خربشه ويمعجنه علي قده ويبطن علي اده وبقيت القطعه ماينجيش جنبها غير انه يخدها صنفره خفيفه علشان البويه الجديده تمسك عليهاوبعدين في حالة ان البويه ساده مش ميتالك بيرش القطعه كلها ولو البويه ميتالك يرش الخبطه او الخربشه علي قدها والقطعه كلها يديها ورنيش وبالتالي لما ييجي حد يخربش العربيه يأي اله حاده هيلاقي الصاج ظهر معاه ولا أثر لمعجون ولا بطانه وبالتالي العربيه فابريكا ولم تهان ولم يحدث لها حوادث أدعو لي و لأسرتي بالصحه والستر دنيا و آخره
__________________
استفسر عن دهان سيارتك !!! اللهم لك الحمد كما ينبغي لجلال وجهك وعظيم سلطانك ورشة إيه آي أوتو بينت لسمكرة ودهان السيارات
|
الكلمات الدليلية |
استفسار, فرن, سيارات جديدة, دهان وسمكرة سيارات |
|
|