عربية تقيلة ولا خفيفة؟؟؟ طبعا الخفيفة أحسن

[svneleven]

المشاركة الأصلية كتبت بواسطة mr_astra انا موافق على كل كلمة اتقالت فى الموضوع وجربت عربية هاتش باك صينى وسافرت بيها 140 اتزان غير عادى وانا اتعقد ان وزن العربية لا يتعدى 800 كجم

فعلا أنا بردو عندي جيتز و مع انها صغيره و هاتش لكن ثبات فظيع في الملفات ووزنها حوالي 1000 كجم.

[موسى 1234]

المشاركة الأصلية كتبت بواسطة borio1704 أنا لاحظت أنك راكب عربية 4×4، والكلام اللي انت بتقوله فعلا حقيقي، بس ده له سبب، إن العربيات الـ4×4 مبنية على شاسيه، وهو ده اللي بيخللي العربية قوية وتتحمل، زيها زي عربيات النقل والميكروباص، إنما العربيات الصغيرة أو سيارات الركوب بشكل عام مبنية على هيكل أحادي (علب) وده بيبقى أخف في الوزن بس أضعف طبعا، وممكن يتعمل فيه أماكن ضعيفة عن قصد لامتصاص الصدمات في الحوادث بحيث ما توصلش للركاب بشكل قوي، وده يمكن اللي بيخللينا نشوف الحوادث المتوسطة ممكن تدمر العربية بس في سبيل إن اللي جواها مايموتش بس مش هو ده اللي كان قصدي عليه أنا كنت عايز أقول إن تصميم السيارة له عامل مهم قوي في ثباتها وبالذات نسبة ارتفاعها إلى عرضها اللي بيأثر بشكل مباشر على مركز الثقل فيها، بص على الصور (معلش الصور أنا عاملها بنفسي)، ولاحظ الفرق في مركز الثقل، الموضوع ده مهم جدا ملف مرفق 11829 ملف مرفق 11830 لإن ارتفاع مركز الثقل بيخلي العربية تميل في الملفات ، وده ممكن يخلي العربية تقلب بسهولة ولسه حكمل بعدين....

مش مممكن ياباشمهندس هو انا كل ما اقرا لك مشاركة لازم اضيف شكرا
الله يبارك لك

[ma8rabye]

المشاركة الأصلية كتبت بواسطة borio1704 إيه ده؟؟؟ هو باين قوي كده؟؟؟ عايز أقوللك إن حبي للسيارات هو اللي خلاني أدخل هندسة المهم.... المشكلة في ثبات العربيات هي التحكم في الوزن، ومشاكل ثبات العربيات ما بتبانش إلا لما بنغير اتجاهنا، في الملفات أو في الغرز، أصل طول ما احنا ماشيين في خط مستقيم.. كل العربيات تقريبا معندهاش مشكلة في الثبات. المعروف إن الكتلة ما بتميلش إنها تغير حالتها (إيه الكلام الصعب ده؟؟) يعني لو الكتلة واقفة لازم يبقى فيه قوة تحركها، ولو هي متحركة لازم يبقى فيه قوة توقفها، مش بس كده، ده لازم يبقى فيه قوة عشان تغير اتجاهها الموضوع ده بنحسه واحنا راكبين العربية، لما بنفرمل أجسامنا بتحدف لقدام عشان أجسامنا بتبقى عايزة تكمل بنفس السرعة اللي كنا ماشيين بيها، ولما بندخل ملف أجسامنا بتحدف لبرة الملف، عشان أجسامنا بتبقى عايزة تكمل في نفس الاتجاه اللي كنا ماشيين فيه. الكلام ده بيسموه "عزم القصور الذاتي" طب دي أجسامنا، أمال العربية ما بتعملش كده ليه؟؟ في الحقيقة العربيات (وأي جسم متحرك) زينا بالضبط (دي حقيقة فيزيائية) وده بيبان في درجة ميل العربية عند الفرامل أو في الملفات، ودرجة الميل دي بتزيد بدرجة كبيرة أوي مع زيادة السرعة، ويا سلام بقى لو الوزن تقيل...صباح الحوادث... (مش عايز أجيب معادلات عشان دمي ما يبقاش تقيل)... شوف الصورة دي كده: ملف مرفق 11903 طب ده إيه علاقته بالكلام اللي اتقال قبل كده؟؟ ارتقاع مركز الثقل عامل مؤثر جدا في موضوع درجة ميل السيارة، وعشان أوضح أكتر: جرب تمسك شاكوش من آخر العصاية الخشب بتاعته (بيعيد عن الراس الحديد) وحركه يمين وشمال، وبعدين امسكه تاني بس من عند الراس وحركه يمين وشمال..... في الأول حتحس إن السيطرة عليه صعبة وإيدك لازم تمسكه كويس... وفي المرة التانية حتلاقي الموضوع سهل قوي هي دي باختصار المشكلة كلها، المسافة بين مركز الثقل (راس الشاكوش) عن الأرض (إيدك) بتعمل عزم كبير محتاج قوة كبيرة عشان تسيطر على الوزن ده. ولو وصلت زاوية ميل مركز الثقل لدرجة معينة (بيسموها نقطة الانقلاب) العربية بتقلب علطول. شوف الصور دي: ملف مرفق 11904 ملف مرفق 11905 ملف مرفق 11906 ملف مرفق 11907 يبقى دلوقتي قدامنا حل من اتنين - يا إما نحاول ننزل بمركز الثقل في العربية لتحت - يا إما نزود القوة إللي بتسيطر على مركز الثقل عشان ما يوصلش لنقطة الانقلاب كفاية كده عشان ما أنا حاسس إن التركيز قل وحنكمل بعدين.....

الله اكبر عليك فينك من زمان

[borio1704]

UP

UP

UP

[aymanemen]

السلام عليكم
تسلم إيدك ودماغك يا هندسة ...... بس فيه حاجه عايز أستوعبها أكتر
أنت قلت :
إحنا كنا اتكلمنا قبل كده على نظام التعليق وإنه يشيل وزن العربية ويحافظ على ثبات وضعيتها... طيب وزنه هو أخباره إيه؟؟؟ يعني وزن نظام التعليق نفسه مهم ولا لأ؟؟؟؟

في الحقيقة كل ما كان أجزاء نظام التعليق خفيفة كل ما كان ليها القدرة إنها تمسك في الطريق أحسن، لإنها بتبقى خفيفة فالسست بتحرك العجل بسهولة وتخليه دايما ملامس للأرض بكل تفاصيلها، وزن أجزاء التعليق دي بيسموها "الكتلة غير المحمولة" أو "Unsprung Mass"، العربيات الجديدة بيبقى فيها مقصات ألومنيوم عشان السبب ده، ومن أحسن الطرق عشان نقلل الوزن ده هي تركيب جنوط ألومنيوم (كثافة الألومنيوم = ⅓ كثافة الحديد).



مش واخد بالي ؟؟؟؟؟ كنت متصور أن العجل لو أثقل فوزنه العالي يساعده على الالتصاق بالأرض أفضل ..... يعني إزاي السوست بتحرك العجل الخفيف أفضل ؟؟؟؟ كنت فاهم أن العجل بيتحرك صعوداً وهبوطاً أثناء حركة السيارة بناءاً على تضاريس الطريق على أن تقوم السوست بامتصاص هذه الحركة ومنع وصولها للركاب ..... يعني المفروض أن قوة ضغط السوست على العجل يكون لها علاقة فقط بوزن الجزء المحمول العلوي مع كمية الطاقة التي تخزن في السوست بناءاً على تصميمه والمواد المصنع منها .... وبالتالي فالكتلة ( الغير محمولة ) الخاصة بالعجل المفترض ألا تؤثر على قوة السوست الضاغطة عليها ... وكنت أظن لذلك أن زيادة هذه الكتلة الغير محمولة والموجودة على الأرض مباشرة تؤدي لاستقرار أفضل للعجل على الأرض !!!!! ومع معلومات حضرتك دي يبقى عندي لخبطة كبيرة في الموضوع ...............
معلش يا هندسة ... أرجو ما أكنش زهقتك بس والله عايز أفهم الموضوع بوضوح
ألف شكر مقدماً وجزاك الله عنا خيراً