أدب الرحلات

[احمد بدر1978]

المشاركة الأصلية كتبت بواسطة فاطومه المصريه اطالب بتثبيت الموضوع بالقسم واعطاءة افضل موضوع بالقسم الاجتماعى

وانا كمان بضم صوتى لصوتك التسبيت التسبيت

[خالدخليفة]

المشاركة الأصلية كتبت بواسطة احمد بدر1978 عن تجربة بجد اهل الشرقية ناس اهل كرم بس اوعك تتريق على موضوع القطر دة دول ممكن يعتقلوك

فعلا الشراقوة اهل كرم وانا عارف بس دى حقائق تاريخية لاتعيبهم ابدا وهم ناس محترمين فعلا

[احمد بدر1978]

المشاركة الأصلية كتبت بواسطة خالدخليفة المؤتمر الرابع (الفراعنة 1) وأيام البطولة الافريقة 2006 وجعولنا دماغنا بالفراعنة كل م منتخب مصر يكسب مباراة اسمع تعليقات من ماركة الفراعنة عملوها طبعا احنا الفراعنة محدش يقدر على الفراعنة الى اخر هذا الكلام اللى بيتقال من غير وعى وانا بينى وبينكم اتغظت وانتهزت الفرصة مرة مصر بتلعب واصطدت التعليقات دى وقلت بقى بالذمة تقولو على نفسكم فراعنة ده كلام ؟؟؟؟؟ مش فى مثل بيقول يافرعون ايه فرعنك قال ملقيتش حد يلمنى ؟؟؟ واحد من الركاب رد / ايوه طيب يعنى الفرعون ده علامة على الظلم ؟؟؟ واجابة بصوت ضعيف / مفروض كده واشهر فرعون تعرفوه هو فرعون اللى طارد سيدنا موسى طبعا والراجل ده كان رمسيس التانى وانا قلت الكلمة دى والحرب قااااااامت واحد قام زعلااااااااان جدا رمسيس التانى ؟؟؟انتو عايزين تشوهو تاريخنا انتو فاكرين نفسكو ايه رمسيس التانى الراجل العظيم انا /عظيم ليه سكت شوية وقال / كان قائد حربى عظيم انتصر فى معارك كتير وحكم مصر فترة طويلة كان فيها الشعب المصرى شعب غنى وعظيم انا / مين قال كده كتب التاريخ هههههههههه بص ياعم الفراعنة دول كانو اساتذة فى الدعاية حتى تلاحظ ان تمثال الواحد فيهم طوله ييجى 20 متر او اقل شوية بينما طوله الحقيقى لايزيد عن مترين ونص(الفراعنة كانو طوال القامة ومتوسط الطول ايامها كان مترين ) ثم رمسيس ده انتصر فى معركة واحدة ضد الحيثيين اللى اسمها معركة قادش على ماأظن هيا اللى عاملين عليها الدوشة دى كلها وهو اول من ادخل العجلات الحربية الى مصر(مايقابل سلاح المدرعات اليومين دول (الدبابات) وكان راجل ظالم ومفترى زى واحد موجود اليومين دول كرشه مليان وشعبه جعاااااان واثبتت الدراسات التاريخية بما لايدع مجالا للشك ان هو فرعون اللى طارد سيدنا موسى وأيه رأيك بقى ان رمسيس التانى ده كان اكبر حرامى وهامان وزيره اكبر منافق ونصاب دولى وهنا انفجر الراجل من الغيظ رغم انى كنت بتكلم بمنتهى الهدوووووووء وراح حالف بالعظيم انى لو كملت كلام هيضربنى قلت له/ انا مش هخاف منك ولا من اليمين بتاعك بس عيب تحلف يمين زى ده وانا هسكت لانى هثبت لك انى مخى اكبر منك المهم الناس هدوه وقالو له /ازاى تقول كده وغلطوه وبعد كلام كتير قالو معلش يااستاذ نكمل وقت تانى وسكت القطار كله

هههههههههههههههه
انت دارس اية ياعم خالد

المشاركة الأصلية كتبت بواسطة خالدخليفة انا والثلاجة

ههههههههههههههههههههههههه ههههههههههههههههههههههههه هههههههههههه
طيب انا التلاجه عندي بابها مبيقفلش كويس اعمل زيك كدا ولا ايه ههههههههههههههههههههههههه هههههههههههه
فكرتني من 13 سنة كنت بروح مع والدي القاعده عنده في الهايكستب المهم قبل ما ندخل قلي متحاولش تسيب ايدي مهما حصل قولتله ليه قالي اسمع الكلام وانا داخل البوابه لاقيت جيش كلاب بوليسيه وهتك يا نبح عليا وانا من الخوف سيبت ايد ابويا وطلعت جريت ودول فاتحوا علي الرابع ورايا لولا اني كنت بحب تسلق النخل عندنا في البلد بسرعه ربنا رزقني بنخله اودامي ورحت طالع عليها جري زي القرد


ياااااااااااااااااااااااا ااااه ايام متتنسيش

المشاركة الأصلية كتبت بواسطة خالدخليفة القطار الحربى

ههههههههههههههههههههههههه هههههههههههه
هي العيله ديه ملهاش حل عامل زي قريبك ده اللي خد رصاصه في دماغه وهو قاعد علشان منشف دماغه ومش راضي يدخل جوه البيت اهي طريت من الرصاصه

المشاركة الأصلية كتبت بواسطة خالدخليفة حكايات سريعة 1ـــ كان القطار متوقف فى بنها وبدأ التحرك وبدأت سرعته تزيد ثم فوجئت بعيل معاه خشبة طولها حوالى نص متر وكل اللى مطلع ايده من الشباك يروح ضاربه بيها حظه الزفت متفهمش ليه القطار توقف وكل اللى انضربو نزلو طحنوووووووووووووووه ياخواننا ده عيل لكن كلهم كانت ايديهم بتوجعهم ونزلو خلصوه على جتـتـه ولم ينقذه الا تحرك القطار مرة تانية نصيبه كده والله يستاهل لانه مش متربي وبيحب اذي الناس 2ـــ وكنا فى طنطا وبدأ القطار فى التحرك ايضا ودخل شاب سنه لايزيد عن 22 او 23 سنة بالكتير وبص لركاب القطار وقال / ياحيوانات ياللى فى القطار كلكم حيوانات وانا كنت هرد عليه لكن قلت بدل الانفعال اصبر واتفرج على رد فعل الركاب وكانت ردود فعلا متباينة واحد/ احنا حيوانات ياابن كذا واحد تانى/ اصلك مش متربى تالت / ياتربية و......... رابع / وحياة أ........ لو القطار وقف او شفتك تانى هنزل اربيك انا حفظت شكلك خلاص اما اطرف رد فيهم ده واحد كان قاعد جنبى بعدما فرغ شحنة الغضب فيه وهيا عبارة عن مجموعة شتائم من العيار التقيل ويعاقب عليها قانون العقوبات لو قلناها هنا جلس طول الطريق من طنطا للقاهرة وهو يكرر جملة واحدة موجها كلامه لي / احنا حيوانات احنا احنا حيوانات اللى مش متربى وللخلاص منه تركته حين دخلنا شبرا واتمشيت الى اول القطار وانا بنزل من القطار فى القاهرة فوجئت ب أيد بتتحط على كتفى وبتلفت لقيته بيقول لى / احنا حيوانات احنا ههههههههههههههههههههههههههه هههه انا لو منك كنت قولتله ما تبعد عني بقا يا حيوان هههههههههههههههههههههه 3ــ فى عادة غريبة فى ركاب قطارات الوجه البحرى وخصوصا العادية وهى المشى داخل القطار بعد شبرا الى اول عربية للقطارات الداخلة القاهرة وفى يوم كنت مع واحد من رفقاء الطريق وقال بعد شبرا / حمدا لله على السلامة الله يسلمك تعالى نتمشى لحد اول القطار فقمت معاه وفى اول عربية لقيت واد شكله مسجل خطر وماسك مطوة وبيكلم واحد من الركاب و ماسكه من ياقة القميص ونازل فيه شتيمة ولازم يطلع له فلوس من جيبه والراكب خايف ويقول مش معايا فشتمه وان جيتو للحق انا وبطريقة لاشعورية ضربت الواد على دماغه فاتعدل بسرعة وباسلوب رد الفعل( وسبحان الله) ان واخد بالى وعينى على المطوة لكن ضربنى بأيده ف وشى وزقنى وقعنى على الارض ونط من القطار الغريبة بقى ان الراجل اللى كانت المطوة على رقبته فاق من الصدمة وقام شكرنى ونزل شتيمة فى كل ركاب القطار اللى كانو واقفين يتفرجو عليه الله عليك يا كبير ومعلش تعيش وتاخد غيرها 4 ــ عمك سعودى تاجر عكاكيز جمع عكاز وتلاقيه ربط ربطة كبيــــــرة وبيلف بيها فى القطار وفى يوم قامت خناقة مع عمك سعودى وفوجئت بيه سحب عصاية وهات ياضرب فى اللى بيتخانق معاه لحد م كسرها على دماغه وراح ساحب التانية ونزل ضرب فى الراجل لحد م حوشناه منه بالعافية ولقيته بيقول /اصله غاظنى خلانى كسرتها على دماغه انا /ياعم عصايتك هيا اللى تعبانة مستحملتش ضربتين عمك سعودى م يتغلبش ورد وقال / ده هو اللى فئرى و راسه ناشفة كسرت العصاية هههههههههههههههههههههههه

ههههههههههههههههههههههههه هههههههههههههه


ده اكيد اللي كان بيضرب بالعصايه ده صعيدي راسه نشفه كسرت العصايا

المشاركة الأصلية كتبت بواسطة خالدخليفة المؤتمر الأول ( من أعجب ماسمعت )

ههههههههههههههههههههههههه هههههههه

احمد ربنا انك لسه بتكلمنا لحد دلوقتي تعيش وتاخد غيرها يا ابو عموا

المشاركة الأصلية كتبت بواسطة خالدخليفة المؤتمر الثانى (قيمة مصر)

الله عليك يا عم خالد والله موسوعه
انا حاسس انك بقيت مكرس وقتك كله للموضوع ده ولاطع امي في الشمس بسببه

المشاركة الأصلية كتبت بواسطة خالدخليفة ارجو من اخواننا تحرى الدقة فى الكلام لانى لما بقول حكاية او موقف حصل معايا لكى يتعلم منه الاخرين واخوانى هنا وانا لاازيد على الحكايات ابدا بل بالعكس......... انتقص منها حتى لاتؤثر على سياق الموضوع وقصة أحمد كروزير خير دليل والراجل حى يرزق ويشهد على ذلك وحتى هو نفسه كتب تعليق انى محكيتش حاجات كتير حصلت

حبيب قلبي والله يا ابو عموا انا ابصملك بالعشرة

المشاركة الأصلية كتبت بواسطة خالدخليفة ياحبيبى انت اخويا الصغير وانا بحبكم كلكم بجد فى الله ولينا قعدة مرة نعزمكو فيها على شاى او عصير قصب حسب ظروف الحياة ههههههههههههههه

انا جاهز يا كبير في اي وقت وفي اي مكان بس اهم حاجه يكون العصير فريش

المشاركة الأصلية كتبت بواسطة خالدخليفة المؤتمر الثالث (قمم محافظة الشرقية)

ههههههههههههههههههههههههه هههههه
كان زمانك دلوقتي محصل الواد بتاع الشرطة العسكرية اللي قريبك الظابط رماه من القطر وهو ماشي هههههههههههههههههههههههه

المشاركة الأصلية كتبت بواسطة خالدخليفة بالمناسبة حكاية ان الشراقوة عزمو القطار دى بالبحث والتحرى اتضح انها صحيحة والكلام ده كان ايام الانجليز لما كانو بيمدو خطوط السكة الحديد هناك والناس افتكرت انه بياكل زيه زى البهايم لامؤاخذة اومال هيمشى ازاى اكيد جواه روح والروح لازم لها اكل ولكن المهندسين الانجليز فهموهم ان ده بيمشى بالبترول اللى طالع من الارض والشراقوة انفسهم بينكرو هذه الواقعة بل والبعض منهم بيحرفها وبيألف قصة تانية وهى ان الجو كان حر جدا وصيام لانه كان وقت شهر رمضان والقطار تعطل بمدينة منيا القمح وقت المغرب فالشراقوة من شدة كرمهم جابو لركاب القطار اكل وأكلوهم والناس قالت عليهم انهم عزمو القطار ولكنهم عزمو ركاب القطار طبعا هذا كلام ممكن يتقال فى حواديت ابلة فضيلة لان من امتى الشعب المصرى الكريم بيتريق على ناس عزمت ناس غريبة صايمين وامتى؟؟؟ فى منتصف القرن 18 يعنى النخوة والشهامة والكرم كانو موجودين يعنى عزومة ركاب القطار على افطار رمضان شىء طبيعى مش غريب ورأيى المتواضع الحكاية الأصلية لاتعيب الشراقوة لانهم مش عارفين وطبيعى انهم تصرفو بكرم المصريين وثانيا الحكاية دى عملها الملك عبد العزيز أل سعود نفسه مؤسس المملكة العربية السعودية وهتستعجبو لما تعرفو الحكاية دى السعوديين اللى بيتمنظرو علينا وبيعايرونا بفقرنا اول عربية دخلت الاراضى السعودية كانت هدية من الملك فاروق ملك مصر وقتها لملك السعودية عبد العزيز أل سعود وبطبيعة الحال السعوديين جابو لها أكل علشان تاكل والمصريين اللى رايحة معاهم العربية فهموهم انى دى بتاكل البترول اللى موجود فى السعودية بكثرة وكان سائق هذه السيارة مصرى يأخذ راتبه من الحكومة المصرية ومع ذلك اقلية اللى يعرفو الحكاية دى ومحدش اتريق على السعوديين ولكنه الشعب المصرى ملك النكتة والتريقة

الله عليك يا عمهم استاذ ورئيس قسم

[خالدخليفة]

المؤتمر الخامس(الفراعنة 2)
بعدها بكام يوم ماشى على رصيف 1 بمحطة القاهرة ولقيت واحد بينادينى
انت ياعم يابتاع الفراعنة
ياعم ياللى زعلان من الفراعنة
حسيت انه يقصدنى بصيت لقيته واحد من اللى كانو جنبى
اهلا بيك
اهلا يابنى معلش متزعلش من زميلنا ده طيب اوى بس فاهم غلط وانفعل وهو فاهم غلط واحنا كلمناه بعد م انت نزلت وغلطناه وبينى وبينك كل يوم نبص عليك علشان تكمل لنا موضوع الفراعنة
ههههههههه ماشى
فقال تعــالى الشلة كلها موجودة
وفعلا روحت (ذهبت) لقيت نفس الركاب تقريبا( غالبا الموظفين والطلبة بيتناوبو على قطار او قطارين رايح ا و جاى كل يوم)
المهم جلست وفوجئت بالقطار كله آذان صاغية
كمل يااستاذ حكاية فرعون
ماشى نبتدى باسم الله الرحمن الرحيم
فرعون موسى اللى طارد سيدنا موسى هو رمسيس التانى كما اثبتت الابحاث المعملية والعلمية فعلا وبنسبة تصل اكتر من 85% كمان
والفراعنة كانو غاويين دعاية لانفسهم ورمسيس ده بالذات كان ابو الدعاية
مع ان هناك من اعظم منه زى توت عنخ آمون واللى منعرفش عنه غير انه اله الشمس لكن كان قائد عسكرى واعى وفاهم ومحنك رغم انه مات ومكانش وصل 30 سنة
وهو انتصر فى معركة واحدة كل الدوشة دى على معركة واحدة
بينما سيدنا خالد بن الوليد لم يهزم فى اى معركة لاكافرا ولامسلما وكان يبكى بكاءا حارا لانه ليس حاملا لكتاب الله(مش حافظ القرآن)
ولما جه يموت قال جملته المشهورة(الجملة طويلة اوى) اللى آخرها فلانامت اعين الجبناء بيتهم نفسه بالجبن لانه هيموت على سريره كما البعير
شوف الفرق
بين واحد انتصر فى معركة عامل عليها هوسة ورسم على المعابد وارسم ياجدع وانحت ياجدع
وواحد تانى زعلان انه مماتش شهيد
وبعدين هل من المعقول اننا نتفاخر بناس معندهومش دين وكان لايعبدو الله رغم ان الرسل والانبياء ارسلو اليهم زى سيدنا موسى
وعندهم مليون اله
الاله رع والاله هع (انا قلتها كده مش مكتوبة غلط)
ايه ده
واله الشمس واله الحر واله البرد
بقى ده كلام دى ناس نتفاخر بيها
وهل من المعقول ان واحد( كرشه مليان وشعبه جعان )زى اللى بالى بالك
ونتفاخر بيه
ورمسيس التانى ده اكبر حرامى قالها عينى عينك
لما قال
الأية فى القرآن الكريم
(ياقوم اليس لى ملك مصر وهذه الأنهار تجرى من تحتى)
هيا مصر دى بتاعة ابوه وهل هو يملكها فعلا
(محدش يقول يقصد انه ملك مصر لانه كان بيعتبر نفسه اله مش ملك وكانو بيعبدوه المصريين)
ثم يقول لهامان
والأيه فى القرآن
(ياهامان ابنى لى صرحا لعلى ابلغ الأسباب / أسباب السموات فأطلع الى اله موسى )
وهاما ن قال له حاضر ياريس وابتدا فعلا فى بناء هذا القصر
بقى ده كلام ؟؟؟؟؟؟؟؟
نمجد فى واحد بيقول لوزيره ابنى لى قصرعاااااااالى اطلع اشوف بيه ربنا بتاع سيدنا موسى
ياخوانننا احنا مش فراعنة تاريخ الفراعنة كقوة عظمى اقتصاديا على دماغى من فوق لكنهم بعد سيدنا يوسف هبلو واستهبلو واغترو بأنفسهم وبقى لهم كمية الهة كبيرة
وده كله الصحافة قاصدة تشيعه علشان تنسيك تاريخك كمسلم
وأول مرة افاجأ ان بنها جات بسرعة
واستأذنتهم ونزلت
لكن ده اول مؤتمر بجد كان نفسى القطار يتعطل فيه لان فايدة الناس اهم من اى شغل