#496
|
||||
|
||||
رد: يا ناس يا عسل الفنكوش وصل
تسلم ايديكم انتوا يا اعضاء يا عسل والفنكوش وصل
|
#497
|
|||
|
|||
رد: يا ناس يا عسل الفنكوش وصل
ده لو ببلاش مركبوش
مفيهوش أي نوع من الراحه ده العجله أريح منه بمراحل ده العنكوش يا عم الحاج |
#498
|
|||
|
|||
يبقي انتا اكيد في مصر
يبقي انتا اكيد في مصر!! حاجات كتير في حياتنا بنشوفها يوميا .. ومنعرفش اننا عندنا الحقوق الحصريه ليها .. بمعني انها مش موجوده في اي مكان تاني غير عندنا .. مثلا .. فين بتلاقي بتاع الانابيب وهو بيرمي الانابيب من العربيه وهي مليانه فوق بعض .. بكل جرأه ... وبلا خوف ؟؟ والافظع ان وسيلته للدعايه لنفسه .. هي الخبط بمفتاح حديدي عليها .. وهي ممتلئه بالغاز السام القابل للانفجار !! يبقي انتا اكيد في مصر!! لما تيجي تشرب كوبايه لبن في الارياف .. حتحس انه لبن غريب .. وتقولهم ده مغشوش ولا ايه ...؟؟ اللبن طعمه مش كده ابدا !! حيقولولك بسخريه انه لسه جاي من البقره طازه !! وحتعرف بعدين انك طول عمرك بتشرب لبن .. اما عباره عن كوكتيل لبن مواشي ماعز علي جاموسي علي بقري فوق بعض او مزود بالماء والنشاء والفورماليين والطباشير والزلال و الصمغ والجيلاتين والغراء !! واشرب يا معلم وادعيلي !! وده ايه يا اخونا !! يبقي انتا اكيد في مصر !! لما يبقي اليوم اللي حتجيب فيه عيش يوم الملحمه الكبري وتلاقي نفسك بتلبس ملابس قديمه خوفا من التمزيق ومعاك سكينه المطبخ لزوم الحرص .. وتقف في طابور طويل جدا .. وكل شويه تلاقي واحد مجرم او مسجل خطر يدخل ايده من غير ميقف في الطابور وياخد اللي عاوزه ويمشي ومحدش يفتح بقه !! وتلاقي واحد عجوز يحاول يمد ايده زيه .. والناس تضربه وتشتمه لحد ميقع قتيل في الارض ... ولما ترجع بيتكم من غير عيش .. وهدومك متقطعه برضو .. يبقي لازم تعرف ان ده .. يبقي انتا اكيد في مصر!! لما تروح اي دائره حكوميه .. عاوز تخلص ورقك ؟؟ هات قهوتي لما تخش سينما .. حندخلوك عافيه لمكانك وهات قهوتي لما تدخل مطعم او قهوه .. وتتلطع مستني طلبك .. وفي الاخر يقولك هات قهوتي .. !! يبقي ياسيدي ده كله طبعا .. يبقي انتا اكيد في مصر !! لما ربنا يحن عليك بعربيه .. وتروح اي مكان .. حتلاقي دايما فيه بلطجي .. عامل نفسه سايس علي الرصيف اللي حتركن فيه بيظهر من العدم .. ويقولك ارجع بظهرك يا استاذ .. حتي لو كنت راكن عشان تشتري حاجه من المحل المواجه وراجع علي طول مفيش رصيف في مصر كلها بدون سايس !! وده بس يا جماعه .. يبقي انتا اكيد في مصر !! لما تشتري دقيق عشان الاكل .. وتلاقي الدقيق فيه ديدان .. وتلاقي الناس كلها بتشتكي .. البلد كلها ياناس بتشتكي .. ويطلع علينا مسؤول .. ويقولنا .. الديدان دي ملهاش ضرر علي صحه الانسان .. !! حتعرف وقتها .. ان الديدان دي .. يبقي انتا اكيد في مصر !! لما تيجي البلديه وتحفر في شارعك وتترك الحفر زي ماهي فجأه.. وياخدوا بعضهم ويمشوا وتقعد الحفر في الشارع شهور وشهور .. والاطفال تقع فيها .. وتخرج منها ريحه المجاري .. لما تشم الريحه دي وانت بتقع في الحفره حتعرف ان ده .. يبقي انتا اكيد في مصر ..!! لما تلاقي نفسك طالب في ابتدائي واعدادي .. والمدرسين في مدرستك بيسبوا الطلبه بالام والاب !! لما تلاقي نفسك بتتمد في الطابور بسبب انك هرشت خدك وانت واقف لما تلاقي المدرس بيقرفك في المدرسه ويكرهك فيها عشان تاخد درس ولما تكبر وتروح كليه تلاقي الاستاذ بتاع الماده بيتعامل معاك انت وزمايلك زي البلطجي وقاطع الطريق . . وعشان اتأخرت مره يخليك تعيد السنه مره واتنين .. واللي ميشتريش كتابه ينقل نفسه جامعه الارياف احسنله .. ولو نسيت وسيبت الموبيل مفتوح غلط ورن .. وقالك هات الكارنيه بتاعك .. وقتها حتعرف ان ده .. يبقي انتا اكيد في مصر !! لما تخرج وتشتغل في مكان .. وتلاقي مديرك بياخد كل حقوقه الوظيفيه .. وبيحرمك من كل حقوقك وكأنك أله معدنيه .. ياخد اجازته ويستمتع بيها .. ويحرمك انت منها .. لما ينقلك من مكان لمكان .. ويخلي ايامك وحياتك كلها حجيم ويمارس عليك امراضه النفسيه .. ولا يخاف الله فيك ابدا .. وتدعي عليه ليل ونهار وانت قاعد بتدعي حتفتكر ان ده يبقي انتا اكيد في مصر لما تلاقي واحد جاي من الارياف .. فلاح او صعيدي وتلاقيه عمال ينش شمال ويمين النصابيين اللي اتلموا عليه وتلاقيه اخر اليوم رغم كل التحذيرات .. واقف في القسم بيبكي وعامل محضر نصب .. وتروح تطبطب عليه وتقوله : يبقي انتا اكيد في مصر !! لما تبقي ماشي في الشارع وتلاقي كمين شرطه فترتعش كأنك لقيت قطاع طرق .. لما تلاقي ظابط بيكلمك .. فتلاقي لسانك رجع 70 سنه لورا .. وتلاقي البشويه والبهويه رجعت .. وتلاقي نفسك وانت شخص محترم او شيخ فاضل ... تأخذ اول قـــفا في حياتك !! ويتم سحلك وضربك بدون اي سبب قانوني .. حتلاقي وقتها يافطه واحد ماسكها مكتوب عليها .. يبقي انتا اكيد في مصر !! لما يبقي كل اسره فيها واحد او اتنين فيهم مرض خطير وتلاقي نفسك وانت شاب عامل عمليه تغير شئ في جسمك وتلاقي المرضي في التأمين الصحي قاعدين علي السلالم والممرضات بيسبوا المرضي ويعتدوا عليهم .. ولما تشتكي للمدير ينط فوقك ويتعارك معاك هو كمان!! وقتها وحقنه البنج بتخش عضلك حتقول : يبقي انتا اكيد في مصر !! لما تلاقي تعليم بلا دين .. ومناهج اتفه من العجين .. واطفال بتسب الدين .. وشباب مشروع مجرمين .. واطفال عبط ومجانين .. ومنتجات كلها من الصين .. ومرتبات تخلي العيشه طين .. وفاكهه وطماطم بملايين .. وبنات علي حل شعرهم سرحانين .. وانتخابات بيحميها المزوريين .. وحوادث متعرفش منين ولا منين .. وشاب علي كل ناصيه يعرض عليك بضاعته فاكرك من الحشاشين .. وتلاقي النيل حيتقفل من ناحيه الاثيوبيين .. وبرامج 0900 كلها نصب وقمار .. بتمص دم المغفليين .. وقتها بس حتعرف وتقول بأعلي صوتك .. يبقي انتا اكيد في مصر !! وكفايا لحد كدا علشان تعبت ومش قادر اكمل منقول للامانه مع بعض التعديلات |
#499
|
|||
|
|||
رد: يبقي انتا اكيد في مصر
كل ده عشان تعرف انك في مصر
ما تسأل أي حد ماشي جنبك و هو يقولك انت فين علطول و بلاش المواضيع دي هتودي نفسك في داهيه |
#500
|
||||
|
||||
رد: يبقي انتا اكيد في مصر
شكرا ياعم احمد علي الاحباط المستمر ربنا يخليك لينا وتحبطنا كمان وكمان انت وحكومتنا الذكيه
|
الكلمات الدليلية |
مصر, السمكه المكسيكية, القاهره, اتوبيسات, اعلانات, اقتصاد, strawberries, غسيل الاموال, water clean, فراولة |
|
|