اكيد بعد كلمة المشير وتحقيق كافة المطالب يجب فض المظاهرات

[f3lix]

العضو المحترم مادا
كلمة واحدة بس هقولهالك
هل انت نزلت التحرير فعلا ؟؟
اراهنك قدام كل الاعضاء المحترمين هنا انك لو نزلت التحرير تقعد نص ساعة هناك تساعد الناس انك هتغير رأيك والكلام اللي انت بتقوله ده
اتقو الله مفيش حد قابض هينزل علشان عينه تروح او يضحي بروحه علشان غيره
انا 2 من اصحابي قدام عيوني ضاعت عينهم بسبب البلي اللي بيتضرب من الامن الزفت المركزي
لو انت مكاني كنت هتقعد في بيتكو وتقول الكلمتين دول؟
انت مش حاسس بالكارثة الانسانية اللي بتحصل هناك

[atgps]

يعنى ايه استفتاء على بقاء المشير!!!
طيب فرض نتيجة الاستفتاء بلا؟؟؟؟ ايه الحل
الحل ليس استفتاء ولكن اختيار للشعب
هل تريد المشير؟
هل تريد مجلس رئاسى مدنى؟
ده اللى مفروض يتعمل مش نعم ام لا ... نفس النظام القديم للمخلوع
ياجماعة ده ليبيا عندهم مجلس رئاسى وعندهم دستور جديد، من حوالى اسبوعين شفت واحد ليبى يحمل كتيب مكتوب عليه الدستور الليبى وعليه العلم الليبى الجديد، واحنا بقالنا أكثر من 10 شهور مش عارفين نعمل حاجه وبنرجع للخلف، شكلنا كده مستنيين اليمن وسوريا.

[alymonir]

طبعا حبايب العادلي و صفوت اللاشريف مزقططين جدا

اللهم عليك بالمنافقين أجمعين

[د.كمال]

ياريت الناس تسمع وتفهم يامادا ......لكن المؤامره على البلد أكبر منهم
اللهم أهدى قومى فإنهم لايعلمون

[ahmed_eng2001]

المشاركة الأصلية كتبت بواسطة مادا اخى والله انا ماليش مصلحه ان المجلس يكمل ولا يمشى انا شايف بلدى بيحصل فيها فتنه وانا مصمم اسميها فتنه لان عندما يتقاتل المسلمون فاكيد لازم تبقى فتنه ناس بتموت . حرائق تعطيل مصالح بلطجيه انشقاق فى البلد وكله مخون التانى الحل الوحيد علشان تخلص الفتنة دى ان الناس اللى فى الميدان يروحوا . وبعدين جاء الفرج والمشير قال المطالب اللى الثوار كانوا عاوزنها حدد وقت لانتقال السلطه وايعمل حكومه تانية فيها كل الصلاحيات . الواحد قال احمد الله الفتنه اتخلص والناس اتروح ... الناس مش عجباه الكلام ومصصممه تكمل الفتنه واللى يكلمهم علشان يهدوا شويه ييتقال عليه فل وخائن طيب اخرتها اايه للى ييحصل ده حرام والله العظيم حرام فتنه كل اللى مشترك فيها ايتحاسب امام ربنا .

السلام عليكم
موضوع ان فيه مسلمين بيتقاتلوا ده مش موضوع جديد , الموضوع ده حصل اكتر من مرة فى التاريخ الاسلامى , طيب حضرتك ليه مش مطبق الاية الى بتقول اذا اقتتلت فئتان من المسلمين فقاتلوا التى تبغى , و ياريت حضرتك ما تقولش ان الطرفين بيبغوا .... فيه طرف واضح جدا انه بيبغى و الطرف التانى مش عارف يرد ... شوف حضرتك مين الى كان بيخرق الهدنة المزعومة الى الناس حاولت تعملها اكتر من مرة دون جدوى ,