ايه راى الناس فى 6 ابريل وفى البرادعى

[MmFFoR]

المشاركة الأصلية كتبت بواسطة akefpop يا باشا متحرقش دمك مع الاشكال دى كلنا عارفين هما مين وعايزين ايه ؟ وكل حاجه اتكشفت خلاص والنت اللى بيستخدموه عشان يحرضوا الناس على الجيش هو نفس النت اللى فضايحهم عليه بقا الجيش هو اللى بيشترى ذمم الضباط الصغيرين ولا 6 ابريل اللى ضحكت على شباب صغيرين اكبر واحد فيهم ملازم اول وجابوهم يوم 8 ابريل لا وايه مسمينهم الضباط الاحرار هههههههههههههههه و اللى سبحان الله كان اول مطلب ليهم برضه ــ مجلس مدنى رئاسى ــ مش عارف دى بقى صدفه ولا حاجه تانيه !!!

اتمنى اني اكون من الاشكال دي

و فعلا الاشكال دي اللي هي 6 ابريل خلت من الاشكال دكهم اللي هي حضرتك و غيرك خلتهم بني ادمين بعد ما كنا بهايم تباع و تشترى من اخس القوم

و ما شاء الله المجلس العسكري ماشي على منهج ارجاعنا كلنا للحظيرة في القريب العاجل

[MmFFoR]

للاسف في كتير فاكرين نفسهم مفتحين


انا سالت 3 اسئلة - اللي يجاوبني ليه جايزة

1- امتى انتخابات مجلس الشعب و الانتخابات الرئاسية؟ علشان تنخرس الالسنة؟ و هل سيتم منع اعضاء الحزن الوطني من المشاركة فيها ام سيشاركوا؟

2- ما هو الرد على مهزلة المعتمرين؟

3- ما هو الرد على قتل 4 جنود مصريين بالكوماندوز الاسرائيلي؟

[Ahmed Anwer]

شوف حضرتك انا هالخصهالك فى جملة قالها مؤرخ
الثورة المصرية تنتهج منهج الثورة الرومانية بدأت بثورة بيضاء وتوسطها حكم الجيش الرومانى وانهيت بحكم نفس رموز النظام البائد

و بأختصار الثورة الرومانية قامت على حكم ديكتاتورى فاسد زى اللى كان عندنا و بدأت بمدينة صغيرة دفاعا عن قس ثم تحولت الى العاصمة بوخارست و زى مصر فكانت ثورة سلمية و عدد القتلى قريب الالف زى مصر
المهم بعد ما نجحوا فى خلع الديكتاتور بتاعهم مع فرق بسيط ان الديكتاتور بتاعهم خذلوا محاكمة على السريع مع حكم اعدام ليه و لزوجته و تم تنفيذه بسرعة غريبة
المهم تم تشكيل ما يسمى جبهة الخلاص الوطنى و ديه كانت عبارة عن قيادات الصف الثانى فى الحزب الشيوعى اللى بينتمى ليه الديكتاتور بتاعهم يعنى هو الحزب الوطنى عندنا و الجبهة ديه تم تشكيلها بناءا على توجيهات و اوامر جنرالات(لواءات)الجيش الرومانى
و العجيب و الطريف و شوف مدى التطابق ان اللى تولى مقاليد الامور هناك هو شخص اسمه إيون إيليسكو و كان عضو فى اللجنة العليا للحزب الشيوعى اللى هو حزب الديكتاتور و خرج فى اخر المظاهرات و الاحتجاجات و بعد ما تم خلع الديكتاتور تولى هو الامور ثم سيطر على وسائل الاعلام و بدأ فى قهر كل المعارضين بتكييل الاتهامات لهم و تفتيتهم و التنكيل بهم و خصوصا من الاحزاب الديموقراطية
و اجرى الانتخابات الرئاسية و فاز بنسبة تقارب ال 85% و هذه الانتخابات كانت يشوبها الكثير من اللغط و الانتقادات
و لكن الشباب الثائر هناك لم يعترض لانه ايقن انهم اقلية فيما عدى بعض الشباب اللى خرجوا فى مظاهرات منددين بأختطاف ثورتهم و عملوا اعتصام محدود
فكان من تفكير هذا الرئيس هو تقليب الشعب على بعضه فقام بدفع عمال المناجم بالنزول الى العاصمة و اشاعة الفوضى و خلف هذا الموضوع عدد من القتلى و قريب الالف جريح فيما عرف بأنه اعنف مسيرة لعمال الناجم
و بعد اكثر من عشرين عاما لم يقتص اهالى الضحايا من قاتليهم و لم يتغير شيئ فى رومانيا حتى قال الرومانيين ان ثورتنا اصبحت اضحوكة العالم
_________________

منقوووووول


بدل ما نقعد نطارد في الناس اللي مفيش في ايديهم حاجة يعملوها

نركز أحسن في الثورة و البلد اللي بتضيع

[مادا]

المشاركة الأصلية كتبت بواسطة Ahmed Anwer التخوين دي مش لغة عندي أولا ،، و بعدين لما حضرتك بتعز العسكر أوي كده مش منطقي إنك تحاول تنضم لحركة مدنية ثورية زي 6 أبريل

انا كنت عاوز انضم لحركه 6 ابريل لما كنت عارف انها حركه وطنيه لما كنت عارف انهم ابطال من ابطال الثوره لما كان الثوار بيقولوا الجيش والشعب ايد واحده ومكنتش لسه 6ابريل خونت الجيش و اكبر غلط عملتها6ابريل انها وضعت نفسها ضد الجيش يعنى قسمت الناس نصفين لاما معايا لاما مع الجيش ودى غلط جدآ اخر جاحه كنت اتصورها ان الشعب المصرى يخون الجيش المصرى ويبقى ضده وكله علشان خاطر 6ابريل ... فعلا 6 ابريل نجحت ولاول مره فى تاريخ مصر ان يبقى الشعب المصرى ضد للجيش المصرى وياخساره على مصر

[akefpop]

المشاركة الأصلية كتبت بواسطة mmffor اتمنى اني اكون من الاشكال دي و فعلا الاشكال دي اللي هي 6 ابريل خلت من الاشكال دكهم اللي هي حضرتك و غيرك خلتهم بني ادمين بعد ما كنا بهايم تباع و تشترى من اخس القوم و ما شاء الله المجلس العسكري ماشي على منهج ارجاعنا كلنا للحظيرة في القريب العاجل

اللى بيشكك فالثوره يا استاذ هو من يدعى ان ناس زى 6 ابريل ذات التمويل الاجنبى هم اللى حركوا الثوره وهم من دعوا للثوره على خلاف الحقيقه طبعا ... المصيبه ان النهارده كل واحد عايز يبان بطل وثورجى على حساب الشعب المصرى ويدعى ان ليه الفضل فى قيام الثوره .. لا يا ساده لا احد له الفضل فى قيام الثوره لا البرادعى ولا الاخوان ولا 6 ابريل ولا غيرهم .. الثوره دى ثورة الشعب المصرى كله من اصغر طفل اتولد يوم 25 لاكبر شيخ كان راقد فمستشفى يومها .. الاغلبيه الصامته دى او زى ما البعض بيحب يسميها حزب الكنبه هى اللى نجحت الثوره اكتر من اللى كانوا قاعدين فالتحرير ومش معنى ان اى واحد كان قاعد قدام بيته بيحميه وقت الثورة ومقدرش ينزل التحرير وكان بيحمى بيتك واهلك وانت قاعد فالميدان انك تيجى النهارده وتقوله انت منزلتش الميدان يبقى مش من حقك انك تتكلم ولا تشارك فاى حاجه لان الشخص ده لو كان ليه راى تانى مختلف عنك ونزل الشارع يعبر عنه كان زمان مبارك موجود لحد دلوقتى وكان زمانا كلنا النهارده مشرفين فالسجون
6 ابريل اللى كانوا قافلين التحرير شهر بحاله فاكرين نفسهم ان الثوره دى بتاعتهم وان من حقهم هم وبس اللى ياخدوا القرارات عشان كده بتسمع مصطلحات عجيبه اللى يقولك القرار من الميدان وناس توزع بيانات على ال 1000 بنى ادم اللى موجودين فالتحرير على ان هم بس الثوار وعايزين يعملوا انتخابات ما بينهم عشان يختاروا الحكومه وينتخبوا مجلس رئاسى وفاكرين نفسهم معاهم ختم الوطنيه .. اللى يعجبهم يبقى ثورجى ووطنى ومن الاحرار حتى ولو كان قبل كده بيسبح بحمد النظام ... واللى مش عاجبهم يبقى عميل وفلول ومن النظام السابق
محنا اصلنا خلصنا من مبارك والحزب الوطنى عشان نلاقى البرادعى و6 ابريل يطلعوا يقولوا البلد بتاعتنا .. اصلها عزبة اللى خلفوكم هى .. كل واحد يطلع يقول دى بتاعتى .. ويتحرق ام الشعب المصرى كله