بخصوص السياره جاك بى 15

[silentman84]

المشاركة الأصلية كتبت بواسطة سيف الدين سعيد هييييييييييييييييييييهههه ههههههه . مبرووووووووووووووووك يا عم سايلنت . أخيرا ...... يعنى اخيرا يا عم عبدالله حاتكون جاكاوى ان شاء الله ؟؟؟؟ يا باشا ربنا يكرمك فيها ويسعد ايامك بيها ويكفيك شر العين والطريق ويكفيها . وبشرنى ان شاء الله اول ما تستلم . وانا لما انزل اسكندريه ان شاء الله النزله الجايه حايسعدنى ويشرفنى انى اتعرف عليك . ونلتقى ببعضنا . ومره تانيه الف مليون مبروك ياباشا .

الله يبارك فيك استاذ سيف ....ربنا يسهل كده الامور وييسرها وحكون جكاوى على طول وانت والله من الناس اللى حبتها فى المنتدى الجميل ده اللى كله اخويه وصداقه وروح الناس هنا حلوه بجد .....تنور اسكندريه ياباشا ده انا اللى حيكون ليا الشرف انى اتعرف عليك ونتلاقى فى الخير انشاء الله

[سيف الدين سعيد]

المشاركة الأصلية كتبت بواسطة silentman84 فعلا .....وابو الفتوح هو اللى واكل الجو دلوقتى بس سمعت ان خدمه الصيانه مش كويسه وقطع غيار ساعات بتبقى مش موجوده وحاجات من اللى قلبك يحبها...... يارب يطور توكيله وخدمه الصيانه نحيه الاحسن وكمان وكيل جاك يحاول مايكونش زى اى توكيل هنا مش كويس

بص يا عبد الله بك . احنا دا الكلام اللى دايما بنقوله . ان المشكله مش فى شخص واحد او توكيل واحد انما لو دخلت اى غرفه من غرف ماركات السيارات المختلفه هنا فى المنتدى حاتلاقى ان الكل بلا استثناء بيشتكى من الوكيل . والخدمه . ولو سألت اى واحد عن العربيه اللى معاه حايشكر فيها . يبقى المشكله ناتجه من العامل البشرى . احنا اللى بنستورد . واحنا اللى بنعمل التوكيل . واحنا اللى همنا الأكبر هو الربح والسرقه باى شكل . واحنا اللى بنعك فى تصليح السياره لما تدخل مركز الخدمه . كل دى عوامل بتخلى سمعة السياره وحشه . وبرضو نفس الكلام ينطبق بصوره او بأخرى على اى سلعه او منتج آخر . والصين حاليا غازيه اوروبا وامريكا وهزت أرض الصناعه والإقتصاد تحت ارجل الدول الصناعيه العظمى . وأعتقد ان برضو من العيوب اللى فينا اننا بننظر للصوره من منظور واحد وبنغمض عنينا عن باقى الصوره . يعنى شايفين ان الصين كخه وانها ماعندهاش حاجه كويسه . لدرجة اننا بنعتقد ان كوريا اللى لسه نازله السوق عندنا من اقل من 15 سنه بس . بنعتقد ان لها تاريخ عريق فى صناعة السيارات . وبنقارن بيه .
وآسف اذا كنت طولت عليك يا باشا . بس بجد انا سعيد جدا انى اتعرفت بأخ عزيز . وصدق المثل لما قال : ما محبه الا بعد عداوه . بس احنا عمرنا ماكان بيننا عداوه اصلا . ومليون مبروك مره تانيه .

[silentman84]

المشاركة الأصلية كتبت بواسطة سيف الدين سعيد بص يا عبد الله بك . احنا دا الكلام اللى دايما بنقوله . ان المشكله مش فى شخص واحد او توكيل واحد انما لو دخلت اى غرفه من غرف ماركات السيارات المختلفه هنا فى المنتدى حاتلاقى ان الكل بلا استثناء بيشتكى من الوكيل . والخدمه . ولو سألت اى واحد عن العربيه اللى معاه حايشكر فيها . يبقى المشكله ناتجه من العامل البشرى . احنا اللى بنستورد . واحنا اللى بنعمل التوكيل . واحنا اللى همنا الأكبر هو الربح والسرقه باى شكل . واحنا اللى بنعك فى تصليح السياره لما تدخل مركز الخدمه . كل دى عوامل بتخلى سمعة السياره وحشه . وبرضو نفس الكلام ينطبق بصوره او بأخرى على اى سلعه او منتج آخر . والصين حاليا غازيه اوروبا وامريكا وهزت أرض الصناعه والإقتصاد تحت ارجل الدول الصناعيه العظمى . وأعتقد ان برضو من العيوب اللى فينا اننا بننظر للصوره من منظور واحد وبنغمض عنينا عن باقى الصوره . يعنى شايفين ان الصين كخه وانها ماعندهاش حاجه كويسه . لدرجة اننا بنعتقد ان كوريا اللى لسه نازله السوق عندنا من اقل من 15 سنه بس . بنعتقد ان لها تاريخ عريق فى صناعة السيارات . وبنقارن بيه . وآسف اذا كنت طولت عليك يا باشا . بس بجد انا سعيد جدا انى اتعرفت بأخ عزيز . وصدق المثل لما قال : ما محبه الا بعد عداوه . بس احنا عمرنا ماكان بيننا عداوه اصلا . ومليون مبروك مره تانيه .

ياباشا الله يبارك فيك وانا كمان سعيد بمعرفه اخ كريم بيحب يساعد كل الناس وياسيدى ربنا مايجيب عداوه ابدا وربنا يديم معرفتنا ببعض على طول ........فعلا الصين من البلاد الجامده ....احتلت العالم اقتصاديا......اما عن التوكيلات ومراكز الصيانه السيئه مفروض نبقى يد واحده ونراسل الشركه الام فى الصين ونبلغها اول بأول عن اللى بيحصل عشان هيا يهمها سمعتها تكون كويسه فى اى حته وخصوصا مصر واى شركه حتلاقى وكيلها فى مصر بيسىء إليها من خلال صيانه السياره وده بالنسبه للجاك و الاسبرانزا والجيلى والشيرى وكل السيارات عمتاً تسحب منه التوكيل فورا والتجار على قفه من يشيل لانى ساعتها محدش حيشترى عربيه معينه مش عشان هيا سيئه ولكن من سوء خدمه مابعد البيع والصيانه وقطع الغيار......وانا اسف طولت عليك

[سيف الدين سعيد]

المشاركة الأصلية كتبت بواسطة silentman84 ياباشا الله يبارك فيك وانا كمان سعيد بمعرفه اخ كريم بيحب يساعد كل الناس وياسيدى ربنا مايجيب عداوه ابدا وربنا يديم معرفتنا ببعض على طول ........فعلا الصين من البلاد الجامده ....احتلت العالم اقتصاديا......اما عن التوكيلات ومراكز الصيانه السيئه مفروض نبقى يد واحده ونراسل الشركه الام فى الصين ونبلغها اول بأول عن اللى بيحصل عشان هيا يهمها سمعتها تكون كويسه فى اى حته وخصوصا مصر واى شركه حتلاقى وكيلها فى مصر بيسىء إليها من خلال صيانه السياره وده بالنسبه للجاك و الاسبرانزا والجيلى والشيرى وكل السيارات عمتاً تسحب منه التوكيل فورا والتجار على قفه من يشيل لانى ساعتها محدش حيشترى عربيه معينه مش عشان هيا سيئه ولكن من سوء خدمه مابعد البيع والصيانه وقطع الغيار......وانا اسف طولت عليك

يا حبيبى انت ماطولتش ولا حاجه اصلا . وانا باكون سعيد جدا بالحديث اليك .
مشكلة التوكيلات انها زيها زى باقى حال البلد . الناس كل همها تاخد اللى فى جيوب غيرها . وعموما أول ما بيتفتح سوق السيارات وقطع الغيار فى خارج التوكيل فبيتغير الوضع شويه وبتصبح العمليه معقوله بعض الشيئ ودا اللى حاصل حاليا مع أبو الفتوح . وانه بدأ يظبط سياسته . بس دا لا يمنع ان كل حرف حضرتك قلته مظبوط طبعا وان واحد زى غبور لما تتسحب منه هيونداى أكيد ابو الفتوح لازم ياخد درس من كده . وعشان كده بيحاول يلم نفسه بسرعه .
عموما يا باشا من فضلت تبشرنا اول ما تستلم عربيتك . عشان اخواتك كلهم يفرحوا معاك ويباركولك .

[silentman84]

المشاركة الأصلية كتبت بواسطة سيف الدين سعيد يا حبيبى انت ماطولتش ولا حاجه اصلا . وانا باكون سعيد جدا بالحديث اليك . مشكلة التوكيلات انها زيها زى باقى حال البلد . الناس كل همها تاخد اللى فى جيوب غيرها . وعموما أول ما بيتفتح سوق السيارات وقطع الغيار فى خارج التوكيل فبيتغير الوضع شويه وبتصبح العمليه معقوله بعض الشيئ ودا اللى حاصل حاليا مع أبو الفتوح . وانه بدأ يظبط سياسته . بس دا لا يمنع ان كل حرف حضرتك قلته مظبوط طبعا وان واحد زى غبور لما تتسحب منه هيونداى أكيد ابو الفتوح لازم ياخد درس من كده . وعشان كده بيحاول يلم نفسه بسرعه . عموما يا باشا من فضلت تبشرنا اول ما تستلم عربيتك . عشان اخواتك كلهم يفرحوا معاك ويباركولك .

إن شاء الله العربيه تنتشر زى الاسبرانزا m11 وتبقى اكتر منها كمان ويبقلها مستوردين وتجار لقطع غيارها وربنا يكيفينا ويكفيك ويكفى اعضاء المنتدى شر الطريق ويحفظنا جميعا ومانروحش التوكيل ........وإن شاء الله خير بإذن الله .....انا روحت اتفرجت عليها فى المعرض بس مش عارف هو ممكن يكون فى العربيه ديفوه !؟مثلا لما جيت افتح درج التابلوه مالقيتش النور بتاعه منور ولما سألت مسؤل المبيعات قالى مش عارف على العموم إن شاء الله ربنا ييسر الامور واخلص الاوراق المطلوبه للتقسيط المباشر وكنت عايز اعرف نظام تأمين اسلامى تكافلى ودايما منور المنتدى يأستاذ سيف وربنا مايحرمنى منك ولا من امثالك