استفتاء : هل توافق علي عدم عرض اي مواضيع سياسية في المنتدي

[walidelmorsi]

اللجنه فعلا موجوده يا استاذ وليد بس فعلا المشاكل كترت بسبب المواضيع ديه وربنا يهدي النفوس

شكرا للتوضيح .

[احمد على 1999]

الصراحة الكلام بتاع ابو نورا كان نفسى اقوله
بس هو قاله و زيادة
فعلا بالرغم من اختلاف الاراء بس انا بستفاد لما اعرف الاخر بيفكر ازاى
و ممكن فى اخر اليوم كل عضو لما يقعد قعده صدق بينه و بين نفسه يتفهم الاخر

المشاركة الأصلية كتبت بواسطة نبيل عبدالرحمن لا أوافق على غلق هذه الموضوعات التى تخص السياسة فإن الخلافات فى هذه المواضيع لا يفسد للود قضية أما المواضيع الدينية فيجب غلق المناقشات التى تتناول المقارنه بين الأديان وإختلافات العقائد

كدا بردك يا استاذ نبيل ده انا قولت حضرتك اول واحد هتقف جنبي ماشي يا استاذ نبيل انا نفسي بس اشوف عداد نعم متقدم شوية لحسن شكلي كدا هضرب في الاخر

المشاركة الأصلية كتبت بواسطة yasser4 بعد التحيه كما هى عادتك corsair / M متألق دئماً وصاحب إقتراحات تحوز إعجابى ، أنا متفق معك شكلاً و موضوعاً ومعاك قلباً وقالباً على غلق هذه المواضيع أو أى موضوع يزعلك لك كل تحيه وإحترام

الله يعزك يا استاذ ياسر علي الكلام الجميل ده اخجلتم تواضعنا ربنا ما يجيب زعل ابدا وربنا ما يحرمنا من كلامك الجميل ده وتقبل تحياتي

المشاركة الأصلية كتبت بواسطة د.هبه77 لا طبعا ارفض وقف المواضيع الدينية او السياسية قل ان صلاتي ونسكي ومحياي ومماتي لله رب العالمين الحاجة التانية عشان محدش يغلط ممكن نعمل حاجه ظريفة جدا لو اي عضو هيضيف رد يظهر له جملة (بواسطة اعداد المنتدي ) وما يلفظ من قول الا لديه رقيب عتيد او ممكن في منتدي ثورة 25 يناير المؤمن علي المؤمن حرام يعني تذكير قبل ما اي حد يكتب عشان ميغلطش

يا ريت والله يمكن تجيب نتيجة ونرتاح

المشاركة الأصلية كتبت بواسطة tonsy1979 لا طبعا لان السيارات ليها علاقة بالسياسة كل شئ يا كورسير باشا ليه علاقة بالسياسة حتى الدين ليه علاقة بالسياسة بس السياسة النظيفة التى عودنا عليها الاسلام والاديان السماوية فانا لست مع من يقول لاعلاقة للدين بالسياسة فسيدنا محمد صلى الله عليه وسلم كان يستخدم السياسة فى الدعوة للاسلام وحتى فى معاملة الاعداء وسيدنا عيسى عليه السلام ايضا كان مدرسة سياسية ويتضح هذا فى تعاليم الدين المسيحى فيا السياسة والدين ملهومش ذنب العيب فينا وفى ثقافتنا المتخلفة اللى مخلية معظم الناس مبتعرفش تتناقش او تتحاور وعند الاختلاف فى الراى يتحول النقاش الى السباب حتى لو تم الاختلاف فى السيارات برده هيشتموا بعض فانا ضد اننا نخبى راسنا زى النعامة لازم نواجه الامر ونتعود جميعا نبقى محترمين فى النقاش حتى لو مش طايقين صاحب الراى المعارض طالما الحوار فى اطار الادب والاحترام وهنا بقى يجى دور ادارة المنتدى فى طرد ومعاقبة اى عضو يخرج عن القواعد.. واظن جميعنا متفق على هذا .. ولك ياصديقى خالص تحياتى

الله عليك يا تونسي باشا كلام جميل جدا ولا غبار عليه بس للاسف لازم نقلب نعامه طالما الناس هتزعل من بعض ومش هيتقبلوا وجهة نظر الاخر وهيبقي في تهكمات وايحائات احنا مش راضيين عنها

المشاركة الأصلية كتبت بواسطة احمد بدر1978 بالتوفيق (فى المشمش)

شكلك قاعد وسط فدانين يوسفي وبتكتب الموضوع

المشاركة الأصلية كتبت بواسطة احمد على 1999 الصراحة الكلام بتاع ابو نورا كان نفسى اقوله بس هو قاله و زيادة فعلا بالرغم من اختلاف الاراء بس انا بستفاد لما اعرف الاخر بيفكر ازاى و ممكن فى اخر اليوم كل عضو لما يقعد قعده صدق بينه و بين نفسه يتفهم الاخر

ماشي يا عم احمد اما اجيلك اسكندرية بس

[غريبو99]

مواضيع سياسية متتمنعش من المنتدى
ممكن المواضيع الدينية لأن دلوقتى كلة بيفتى فى الدين على مزاجة
وشكرا