يارجالة, جبتلكوا صور لولا, عربيتى.

[sad-bird]

المشاركة الأصلية كتبت بواسطة Injection ربنا يكرمك ياباشا زى ماكرم جابر, فكرة الماسورة جامدة فعلا, أسمها cold air intake ومعمولة علشان تدخل هوا ساقع للموتور بدل متاخد هوا سخن من الحوض, وبما أن الشكل مش فارق معايا, فا قلت أقضيها صرف صحى, وفرقت جامد فى السحب. الأكصدام شكله كده علشان العبد لله فكه ورشه بنفسه, و أساسا اللى مركبه كان مركبه بمسامير, فهو يعتبر الى حد ما ضايع الى أن أعمله عند سمكرى أو حد بتاع فيبر. وأساتذة التعديل فى المنتدى كتير, ونور بيجو واحد منهم, بس فيه أعضاء كتير دماغهم فى المجال ده, وربنا يقدرهم وأشوف منهم اللى راكب أودى rs4 واللى راكب m3 واللى راكب أيفو واللى راكب هيونداى كوبيه وكل واحد عارف نفسه. والحمد لله أنا عارف أنا عايز أعمل أيه وأعدل فى أيه وأجيبه منين وأزاى, بس فلوسى ياباشا ضايعة على الشرب (بيبسى وعصاير) وهبل كتير(سماعات مالهاش لازمة, أمبليفاير صينى وتجارب تانية فاشلة) وهكذا بس الحمد لله تجاربى الفاشلة علمتنى كتيييييير, والواحد بيحاول يساعد أهه أن محدش يقع فى نفس خطأه. تصدق بأيه ياباشا لو قلتلك أن أول أمبارح عجلة نامت منى وأنا ماشى, وغيرتها بأستبن عامل زى بتاع التكوسة مالوش شكل ولا ملامح, ده غير أنى كنت طلعت بيه على رصيف قبل كده, وشكله عامل زى دائرة وجزء منها خط مستقيم ولما بلف الدركسيون وأنا واقف باسمع صوته بيحك فى الأرض. ولسه كنت بجرى بالعربية النهاردة على طريق المطار على 140 وباخد ملفاته على 110وخفت أزود لتيجى بقعة ميه تحتيه أروح أنا فى الباى باى. أنا أعرف ميكانيكى دايو كويس جدا, وهروحله قريب بأذن الله يظبطلى حاجات كتييييير, أنما شكلها بصراحة عاجبنى كده, وممكن أردها عروسة قبل الفحص وكده. عايزين نشوف عربية حضرتك بقى, الصور اللى فوق صور موبايل مخدتش منى أى مجهود, يلا بقى عايزين نتعقد شوية.

للأسف مفيش عربية اصلا
كان فيه 504 بس راحت لحالها بقى
ههههههههههههههه
دلوقتي يا اما تذاكر يا تجيب عربية
الاتنين مينفعوش مع بعض ابداااااااااااااااااااااا ا
الا بقى لو قاعد على خزنة بنك

[sad-bird]

لكن النية برضة على 504 بس هتتتشد شدة تمام ان شاء الله
لاني مبحبش الورق بتاع اليومين دول اللي بتقولوا عليه عربيات حديثة
ههههههههههههههههههههههه

[Injection]

المشاركة الأصلية كتبت بواسطة sad-bird لكن النية برضة على 504 بس هتتتشد شدة تمام ان شاء الله لاني مبحبش الورق بتاع اليومين دول اللي بتقولوا عليه عربيات حديثة ههههههههههههههههههههههه

يارب ياباشا, ده نور بيجو هيفرح بيك قوى, وتسقط المكنة الMI16 اللى هو مسقطها وتسوق الطيارة بتاعتك براحتك.

[sad-bird]

المشاركة الأصلية كتبت بواسطة Injection يارب ياباشا, ده نور بيجو هيفرح بيك قوى, وتسقط المكنة الMI16 اللى هو مسقطها وتسوق الطيارة بتاعتك براحتك.

يااااااارب

ربنا يفرجها بس ونخلص على خير

[ahmedhamed2007]

حلوه قوى ومبروك عليك