عندي مشكلة محيراني

[ahmed1981]

المشاركة الأصلية كتبت بواسطة walidelwahsh اشكرك يا هندسة بس انا فتحت الكبوت فعلا وشغلت التكييف وفعلا سمعت نفس صوت المروحة ماتغيرش ممكن تكون هي اصلا شغالة على السرعة التانية اللي هي اعلى بس ولا ايه

وإحتمال تكون شغالة على السرعة الأولى بس
وفي الحالة دي لو خليناها تشتغل على السرعة التانية مع التكييف هتبرد الموتور أسرع

المشاركة الأصلية كتبت بواسطة walidelwahsh اصل ايه السبب في اني عايز اغير القميص واجيب مروحة بكامل حجم الريداتير حاسس ان لما التكييف شتغل والعربية تسخن المروحة مش بتلحق تبرد المية اللي في الريادتير كلها يعني المية تعدي على الريداتير المفروض وهي تغادرة تكوم بردت انا حاسس انها بتخرج منه للموتور وهي لسة سخنة فتسخنة زيادة مش تبرده ولما الموتور معليهوش حمل الاقي العربية بتبرد لان المروحة بحالتها دي كافية للتبريد

الحقيقة لابد نتأكد الأول من موضوع السرعتين
لأني متأكد إنه لو ظبطنا إن السرعة التانية تبقى مع التكييف مش هتحتاج تعمل تعديل خالص

المشاركة الأصلية كتبت بواسطة walidelwahsh اخويا عنده شاهين 1400 موديل 2006 صوت مروحتها اعلى بكتير من صوت مروحتى يبقى الكلام دا معناة ايه؟!!

طبيعة مروحة الشاهين إن صوتها عالي بجدارة
وهذا طبيعي جداً فيها
ولا يعني هذا انها بايظة

-

طبعا لو فرضنا ان السرعة اللي شغالة دلوقتي هي السرعة الاولى
اعتقد يبقى خلاص حتى لو التانية مش شغالة لوحدها احاول اخليها هي اللي اساسية وتبقى السرعة التانية هي اللي شغالة على طول
اما المشكلة بقى تبقى هي دي السرعة التانية اللي شغالة وتبقى طبعا على حالتها كدا والعيب الموجود مش كافية للتبريد ولازم اعمل التعديل الجزئي دا اني اغير المروحة بواحدة اكبر منها

فية مهندس اللي هو مدير الورشة في التوكيل قاللي معلومة ان التكييف مش نازل اصلا في العربية والتكييف اتركب هنا في مصر بس للاسف اتركب على الريداتير اللي بتاع العربية اللي من غير تكييف
المهم حتى هو عنده عربية اخت بتاعتي قاللي عربيتة فوق 140 او 150 بتسخن جامد عشان كدا
قولتلة انا بتسخن مع التكييف في سرعة من 80 مش اقل من كدا
قاللي ممكن اعملك تعديل بأنة يغير الريداتير بواحد اعرض منه وعليه مروحتين مش واحدة بس عايزيني اكلمة الاربعاء عشان هو اجازة اليومين دول
قلتلة حافكر
وانا بصراحة مش عايز اغير واعدل التعديل الكبير دا
كان نفسي الاقي مروحة اكبر او احد مروحتين على نفس الريداتير الموجود حاليا
منها انى لسة جايبة جديد من شهر واحد وطبعا كدا حاشيلة مش حاستفاد منه
ومنها مابقاش غيرت كتير داخل العربية
مش عارف رايك ايه لو انت مكاني
معلش ماتزهقش منى ومن اسئلتي المملة بس اشكرك وربنا يباركلك

[ahmed1981]

مبدئياً إتفقنا لو قدرنا نشغل السرعة الثانية يبقى تمام

لو منفعش وهنفكر في قصة مروحة أكبر
الموضوع هيكون فيه مجازفة وتكلفة
لأن المروحة مهما كانت سرعتها لو كان لرادياتير غير مناسب فلن تحل المشكلة كلياً

لكن ممكن نجازف ونشوف ممكن ينفع وممكن لأ

عموماً كان الشيخ طارق قال إن المروحة بتاعت الأوبل أسترا 1600 اللي أنا جبتها ب 350 جنيه
قال إنه ممكن يجيبها ب 150 جنيه فقط

لكن طبعاً المهم أولاً نعرف مقاسات تلك المروحة تنفع عندك ولا لأ

أنا هحاول بكرة أشوف مقاساتها

وبرضه إنت حاول تشوف موضوع السرعة التاني


-

المشاركة الأصلية كتبت بواسطة ahmed1981 مبدئياً إتفقنا لو قدرنا نشغل السرعة الثانية يبقى تمام لو منفعش وهنفكر في قصة مروحة أكبر الموضوع هيكون فيه مجازفة وتكلفة لأن المروحة مهما كانت سرعتها لو كان لرادياتير غير مناسب فلن تحل المشكلة كلياً لكن ممكن نجازف ونشوف ممكن ينفع وممكن لأ عموماً كان الشيخ طارق قال إن المروحة بتاعت الأوبل أسترا 1600 اللي أنا جبتها ب 350 جنيه قال إنه ممكن يجيبها ب 150 جنيه فقط لكن طبعاً المهم أولاً نعرف مقاسات تلك المروحة تنفع عندك ولا لأ أنا هحاول بكرة أشوف مقاساتها وبرضه إنت حاول تشوف موضوع السرعة التاني -

ماشي ياباشا
ولك جزيل الشكر
مقاس الريداتير بتاعي كنت كاتبهولك فوق
54 سم* 33 سم

[ahmed1981]

أبعاد المروحة التي ركبتها انا للشاهين هو : 43 سم * 43 سم
لكن بعد تعديل قميصها

لأني قصيت بعض الزوائد والتي على شكل أذرع من جهة واحدة من المروحة
وسأوضح بالصور

المروحة في الصورة التالية
ستجد أنه عبارة عن مربع وخارج من أحد أجنابها زوائد للتثبيت
تلك الزوائد أنا قطعت منها أجزاء حتى أثبتها على قدر رادياتير الشاهين

الخلاصة إن ذلك المربع أبعاده تقريباً 43 سم * 43 سم تقريباً


-
-

-
-


--
--