معايا 12000 فقلت اشترى عربية

[zing0]

انا متشكر ليكم ياجماعة جدا على ردودكم والموضوع يا استاذ ahmed_eng2001 مش انى لقيت معايا فلوس فقلت اشترى عربية لا انا فعلا الاول كان فى اتوبس تبع الشغل بييجى ياخدنا ويرجعنا تانى مكنتش بحمل هم المواصلات بس الوقتى نزل قرار بترشيد الاستهلاك واتلغى الاتوبس فبنروح على حسابنا دا غير البهدلة اللى فى المواصلات فربنا يسر بجمعية كنت عاملها ب 12000 جنيه فقلت لو استنوا هيتصرفوا كالعادة فقلت اشترى عربية تمشينى لحد ما ربنا ييسر بفلوس تانية ابيع اللى معايا واكمل واشترى احسن منها وكدا مش عارف ليه ياستاذ Marlborooo مش بستريح لل 127 لانها كانت مع واحد اعرفه وطلعت عين اللى خلفووه لحد ما باعها وخسر فيها 3000 جنيه غير المصاريف اللى صرفها عليها والله يا استاذ محمد حسن هشوف وبعدين اقرر وبعدين انا مش عاوز عربية ابدأ بعمل عمرة للموتور علطول كدا انا عاوز امشى بيها علطول المهم عندى اساسياتها تكون كويسة وسليمة وميهمنيش اى كماليات المهم بتدور وبتمشى وبس والف شكر للاعضاء اللى زى العسل

هأقولك على المفيد
الـ 12000 لازم هيجيبوا حاجه سبعينات أو ثمانينات, يعنى مستهلكه, الحالة الأفضل هيا الفرق, و دى يا إما فى 127 يا 125 اللى عارضها الأستاذ محمد, بس العمرة هتدوخك لإنك لسه جديد على الصنايعية غير إنها هتحتاج حوالى 3000 تانى على ثمنها
الـ 127 هتلاقيها بـ 8000 و الحالة الممتازة بـ 12000 بس المهم حد بيفهم يكشف لك عليها و تكون واثق فيه (مايكونش ليه مصلحه و لا صنايعى, لو حد من أصحابك أو أقاربك يكون أفضل)
ممكن تشترى بيها 128 (حالة متوسطة) أو فولكس بيتلز (الخنفساء) أو لادا أوكا (بلاشها أحسن) .... بس زى مقولتلك الـ 127 أفضل حاجه فى الرينج ده.
لو قدرت تزود المبلغ شوية و تعدى الـ 15000 الإختيارات هتكون أوسع

[mr_astra]

127
ـــــــــــــــــــــــــ

[خالد مرسى]

استخير ربنا الاول وهو هيريحك ويارب يعينك على العربية اللى هتجبها

[محمد حسن عبد الرحمن]

أساسيات العربية سليمة اوى ومن حيث ان تركب وتمشى هتركب وتمشى وبالنسبة للموتور انا وأعوذ بالله من قول انا مشيت بعربيتى وموتورها مفوت لمدة سنتين كاملتين لغاية ما ربنا كرمنى وعملت العمرة.
ومن منطلق تانى حضرتك اسرتك كام فرد وكبار ولا جسمهم صغير مشويرك اسفلت ولا مدقات وطرق غير ممهدة لو كده يبقى الادا والـ124 والزستافا والـ 125 والكلام ده حيستعمل معاك عربيات حمارة شقا فى المدقات والأوزان اما لو طرق ممهدة ومعبدة وافراد اسرتك عدد صغير يبقى خليك فى 127و 128.
وربنا يوفقك للأحسن.

أخوك محمد

[ahmed344]

المشاركة الأصلية كتبت بواسطة zing0 هأقولك على المفيد الـ 12000 لازم هيجيبوا حاجه سبعينات أو ثمانينات, يعنى مستهلكه, الحالة الأفضل هيا الفرق, و دى يا إما فى 127 يا 125 اللى عارضها الأستاذ محمد, بس العمرة هتدوخك لإنك لسه جديد على الصنايعية غير إنها هتحتاج حوالى 3000 تانى على ثمنها الـ 127 هتلاقيها بـ 8000 و الحالة الممتازة بـ 12000 بس المهم حد بيفهم يكشف لك عليها و تكون واثق فيه (مايكونش ليه مصلحه و لا صنايعى, لو حد من أصحابك أو أقاربك يكون أفضل) ممكن تشترى بيها 128 (حالة متوسطة) أو فولكس بيتلز (الخنفساء) أو لادا أوكا (بلاشها أحسن) .... بس زى مقولتلك الـ 127 أفضل حاجه فى الرينج ده. لو قدرت تزود المبلغ شوية و تعدى الـ 15000 الإختيارات هتكون أوسع

المشاركة الأصلية كتبت بواسطة zing0 127

المشاركة الأصلية كتبت بواسطة zing0 استخير ربنا الاول وهو هيريحك ويارب يعينك على العربية اللى هتجبها

المشاركة الأصلية كتبت بواسطة zing0 أساسيات العربية سليمة اوى ومن حيث ان تركب وتمشى هتركب وتمشى وبالنسبة للموتور انا وأعوذ بالله من قول انا مشيت بعربيتى وموتورها مفوت لمدة سنتين كاملتين لغاية ما ربنا كرمنى وعملت العمرة. ومن منطلق تانى حضرتك اسرتك كام فرد وكبار ولا جسمهم صغير مشويرك اسفلت ولا مدقات وطرق غير ممهدة لو كده يبقى الادا والـ124 والزستافا والـ 125 والكلام ده حيستعمل معاك عربيات حمارة شقا فى المدقات والأوزان اما لو طرق ممهدة ومعبدة وافراد اسرتك عدد صغير يبقى خليك فى 127و 128. وربنا يوفقك للأحسن.

ياجماعة الخير انا خلاص الحمد لله اشتريت عربية فيات 128موديل 77 عربية الشعب الغلبان و ب 11000 الف ومن ناحية انى اركب وامشى ركبت ومشيت ولا اخدت حتى صنايعى ولا يحزنون بس اخدت ابن اختى معايا ليه فى العربيات كدا على خفيف صاحبها كان عارضها ب 13500 بس بعد كلام ومداولات خلصناها على 11000 المهم بئا بعد يومين واحد قاللى روح لميكانيكى يغيرلك طقم البوجيهات وسير الكاتينة ويشدلك الدبرياج ويشوف الجنوط اللى قدام بتسخن ليه فروحت للميكانيكى طبعا هو فضل يقوللى مقولتليش ليه اشوفهالك قبل ما تجيبها وكدا المهم فكها قالى ترس التقسيم اللى فيها بتاع شاهين روح هتللى بتاع الفيت عشان نعرف نقسم المهم انه عقدنى منها وقالى قول لصاحبها ان الموتور لازم ينزل علشان عامود الكرنك فيه لئه بيروح وييجى بسيط قوى وانه لازم يروح مخرطة ودا اللى بيسخن الجنوط وانه مش هيعرف يظبط الدبرياج وطبعا ولا انا فاهم اى حاجة من اللى بيقوله دا المهم انى جبتها وخلاص بس لو فعلا المكنة بايظة هتتكلف عليا كاام لو هظبطها او حتى هركبها جديدة ؟؟؟ الميكانيكى عقدنى من العربية قبل ما حتى افرح بيها