|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
||||
|
||||
حقلب عربيتى الكليو 2004 الى اوتوماتيك ايه رايكم
بسم الله الرحمن الرحيم
و عيد سعيد على كل المصريين و على كل المسلميين ان شاء الله انا حقلب عربيتى الكليو 2004 1.2 المانويل اوتوماتيك ايه رايكم .؟ يا عم انت مجنون حتقلب ايه بس روح اتقلب بالعربيه احسن او اقولك بعها و جيب اوتوماتيك ولا اقولك امسح الموضوع احسن دا تعديل من الفضاء الخارجى ولا اقولك ...... اه نيجى للمهم بيتهيئلى دا حيكون رد معظم الساده الاعضاء فى المنتدى طب حتقولى ليه كدا حرام عليك دا المانويل احسن و ممتع فى السواقه و اسرع و افضل؟ حقولك للاسف بسبب ضعف رجلى الشمال جدا نتيجه لتراكم وزنى الثقيل و بعض العوامل القدريه زى ضعف الركبه و عظم المفصل و الام فظيعه لاتمكنى من استخدام الدبرياج بصوره جيده فى القياده حتى ان كنت حعمل حادث و ربنا سترها و لحقت نفسى برجلى اليمين طيب ما تبيعها احسن و كمل على ثمنها و جيب حاجه احسن من ماركه رينو المقرفه دى دى قطع الغيار غاليه و العربيه كلها فبر و الذى منه الى الناس بتشوفه او بيعها و كمل على ثمنها و جيب وحدها زيها اوتوماتيك ؟ لا مش هغير ماركه رينو ان شاء الله طول ما انا عايش و بجيب عربيه لاسباب لان يشعر بها الا من قاد اى سياره تابعه لرينو و سياره اخرى و استقر على رينو طيب انا مش عايز ابيعها لانى عارف كل صغيره و كبيره فى العربيه عندى و هى مفهاش الهوا دلوقتى الحمد الله و تعبت علشان اعمل كده و مش مستعد ابيعها او اقعد افك الغاز عربيه تانيه مستعمله تانى و ممكن ابيعها و اكمل و اجيب واحده اوتماتيك موديل 2005 و دا اضعف الايمان ل ميزانيه تعديل السياره تخطى المبلغ الى فى دماغى نخش بقا فى المفيد اولا نا حقلب العربيه اوتو و طبعا دا يتطلب تغيير حاجات كتير زى الفتيس و الكمبيوتر و الضفيره و القواعد و سربنتينه تبريد الفتيس و الخ حوالى 13 حاجه كنت قرتهم فى موضوع و طبعا بتختلف باختلاف ماركه السياره ثانيا : اتصلت بواحد فى الحرفيين بدون ذكر اسماء قلتله على الحكايه صدمنى و قال ان الاوتوماتيك مفيش منه غير 1400 سى سى (طبعا هو مفيش غير سى سى واحد ) و لازم حتغير المتور بفتيسه قلتله امين انا متورى عامل 128000 كيلو ممتاز و مفهوش الهوا لسه منضفه و مظبطه و عامله و بقا مزيكا قالى تمام قلتله خلاص امين ارمى سعرك ؟؟ قالى حبدل نص امامى بشتملاته بالنص بتاعك انا قبت حلو قوى دا يبقى شغل على نضيف اشيل و اركب قلتله ها كام ان شاء الله ؟ قالى 20000 الف جنيه قلتيه كام 2000 جنيه قالى لا 20000 الف قلتله دا انا مشترى العربيه بى 37000 الف و كمان انت حسبت حاجتى بكام قالى دا انا كده كارمك و الله علشان ظروفك انا قفلت معاه و كلى زهول الناس دى بتجيب الكونتنر من بره برخص التراب فيه انصاص عربيات نوفى ( الاجانب ارمى و هات جديد كل سنه خبيبى ) و الربح بتاعهم بيبقى 200 % يا جدعان انا و احد قريبى عايش فى كندا اشترى بنصف مرتبه اول شهر فورد استعمال سنتين جديده زى الى خارجه من المعرض ثمنها بالمصرى لا يتعدى 80 الف جنيه و الكليو موديل 2005 اوتماتيك فى انجلترا بتتباع بى 2100 يوريو يا بشر يعنى لو اليوريو بى 10 جنيه يعنى 21000 الف جنيه يا عم قول 30000 الف و العربيه بتيبقى نوفى مش متهانه زى هنا المهم دلوقتى لو حد يعرف حد كويس فى الحرفيين يخلص الموضوع دا يا ريت يقولى و طبعا الفنان المسئول عن الموضوع هو عم حمدى ان شاء الله
__________________
|
#2
|
||||
|
||||
رد: حقلب عربيتى الكليو 2004 الى اوتوماتيك ايه رايكم
دلوقتى المتور تقريبا بنسبه 80% حيتغير لان الاوتوماتيك 1400 سى سى اوتوماتيك
و بعد بحث مطول المتور اسمه اهو RENAULT CLIO engine - K4JB711
__________________
|
|
|