|
برليانس Brilliance بريليانس Brilliance من الشركات الصينية الجديدة التى حققت نجاحاً كبيراً فى فترة صغيره نتجية تعاونها مع الشركة البافارية وتقديمها لموديلات بجودة متميزة وتصميمات حديثة اوروبية الطابع BS6 -BS4 - BC3 - FRV - سبليندور |
|
أدوات الموضوع |
#1
|
|||
|
|||
استلمت بريليانس v5
الحمد لله
استلمت اليوم 17 يونيو 2014 عربيتى الجديده v5 هاى لاين موديل 2015 : أولا المواصفات : * تكييف - باور ألكتروميكانيكال - سنتر - بصمه - زجاج فاميه - فتحه سقف - اوديو كنترول - وحدات رفع - ووحدا فتح الزجاج - جنوط سبور 17 بوصه - راديو cd - USB - AUX - ليدات اماميه - غمازات بالمرايات - مرايات كهرباء - فتيس اوتوماتيك خمس سرعات - موتور 1600 سى سى. ثانيا الاستلام : * العربية بيجى معاها جنط 17 احتياطى - عده كوريك ومفتاح فك صامولة العجل- مثلث عاكس - ولاعة سجاير - 2 مفتاح بصمه - كتالوج - كتيب الصيانة و الضمان . ثالثا إنطباعى : * والله انا كنت لحد إمبارح هغير رأييى بس الحمد لله ربنا أكرمنى و استلمت العربية النهارده من اوتو سمير ريان لون أسود - بسعر 157000 جنيه - العربية كانتجايه متربه جدا بس لمااتغسلت عندهم بقت حاجه تانية شكلها رائع القاعده فيها مريحه جدا كرسى السائق بيتظبط فى كل اتجاه - الجلوس العالى بيحسسك انك متمكن من العربية ( انا معايا حاليا كيا كارينز 2010 ) - فرق شاسع فى خامات التابلوه بين الكارنز و ال v5 حاجه فخيمه جدا - انا استلمت العربية عاملة 37 كيلو - ومشيت بيها حوالى 70 كيلو لحد العاشر من رمضان - العربيه هاديه جدا جدا جدا عزل الصوت و الحرارة ممتاز جدا جدا - مش هتسمع غير صوت الهوا لما يكون شديد اوى وهوه بيخبط فى المراية وده بسبب حجمها الكبير وده ميزه انك تبقا كاشف الدنيا وراك و جنبك وعيب لما يكون فيه هوا شديد - انا عن نفسى بحمد ربنا على اختيارى للعربية اللى انا حسيت انى راكب سيارة المانية و الله بدون مبالغه. رابعا المزايا و العيوب : * انا حاليا مقدرش احكم بانصاف لانى ممشتش غير حوالى 70 كيلو ان شاء الله مع صيانة الالفين هعمل تقرير عن المزايا و العيوب. يارب اكون اضفت لماعلوماتكم حاجه جديده ومفيده وشكرا للمنتدى العظيم اللى خلانى الاقى تقارير كتير اعرف من خلالها اختار عربيه مندمش عليها. |
#2
|
رد: استلمت بريليانس v5
مبروك عليك العربيه وربنا يديك خيرها ويكفيك شرها ويبارك لك فيها
بس إحنا عاوزين تقرير مصور وبالألوان كمان
__________________
م . نبيل عبد الرحمن مصر موتورز الإسكندرية
|
#3
|
||||
|
||||
رد: استلمت بريليانس v5
بارك الله لك فى سيارتك ورزقت كل خيرها وكفيت كل شر إن شاء الله
__________________
|
#4
|
||||
|
||||
رد: استلمت بريليانس v5
الف مبروكككككككككك
|
#5
|
|||
|
|||
رد: استلمت بريليانس v5
الله يبارك فيكم
ان شاء الله بكره هعمل تقرير مصور عنها بعد اما ارجع من الشغل |
|
|