|
حوادث السيارات مواضيع حوادث السيارات للإستفادة منها و محاولة تجنبها |
|
أدوات الموضوع |
#1
|
|||
|
|||
فى حاجه مش طبيعية بتحصلى اليومين دول !!!
السلام عليكم
معلش الموضوع ممكن يكون غريب شويه بس أنا بأعتبركم أسرتى الكبيرة و لاااااااازم أفضفض شويه - ماشى عالأوتوستراد و داخل على مطب و كل العربيات بتهدى و الطريق زحمة و كله ماشى عالأول أو بداية الثانى بالكتير, و الآقى عربية نقل بدون نمر و لا ليها لون حتى (كلها صدأ) و هوب كسر عليا و شغال يخبط فى جنب الشنطة 3 خبطات فعصت الجنب كله, و أنا أزمر و أشاور و ده و لا هنا, يا دوب الطريق فتح شويه لاقيت الباشا مبرشم و ماشى يرقص بالعربية و فى الآخر أخد يوتيرن و هو باصص الناحية الثانية !!! معلش قدر الله و ما شاء فعل يومين بالضبط و برضة عالأوتوستراد و عديت مطب و العربية لسه عالمور, و الأقى العربية إللى قدامى وقفت فجأه, آجى أدوس فرامل, مفيش فرامل و هوب, لبست فيه و الراجل بعد خناق و هيصه أخد 100 جنية بالعافيه, و أنا طلع الكبوت بره و شداد و زرجينه و هيصه, ده غير موال الفرامل !!!! طيب النهارده بقى قولت بلاش أوتوستراد خلينا كورنيش أحسن حتى لو المسافه أطول, و قبل يوتيرن شمال بأعدى منه على طول و الاقينى مدّى إشارة يمين (مش عارف إزاى) و كنت هألبس فى عربية جايه من ورايا. و أخيراً بأركن فى مكان وااااااااسع جداً جنب حيطه, و متابع المرايات و راجع براحه أوى, و الآقى الشنطة دخلت فى الحيطه !!!!!! لأ بجد كده فى حاجه غلط طبعاً راجع البيت نفسيتى زفت و عاوز أركن العربية و لا أبيعها حتى. ما أنا فجأه بقيت مبعرفش أسوق و لا الشارع معاكسنى و لا إيه إللى بيحصل؟
__________________
|
#2
|
||||
|
||||
رد: فى حاجه مش طبيعية بتحصلى اليومين دول !!!
معلش حصلت معايا مرتين
والنتيجة كان مزاجى مش مظبوط وكان فية حاجة مضيقانى وكان جسمى وعقلى مرهقين جدا وكنت عاوز ارتاح وابعد عن السواقة بتاع يومين لو تقدر اعملها وطمنى |
#3
|
||||
|
||||
رد: فى حاجه مش طبيعية بتحصلى اليومين دول !!!
عادى جدا و لا اى اندهاشة
جرب اقرى الموضوع دا و اعمله ........... انا مجربه 12 سنة فى عربيتين و النتيجة مرضية جدا و الحمد لله http://www.masrmotors.com/vb/showthread.php?t=23240
__________________
سبحانك لا علم لنا الا ما علمتنا |
#4
|
||||
|
||||
رد: فى حاجه مش طبيعية بتحصلى اليومين دول !!!
قدر الله وماشاء فعل
|
#5
|
||||
|
||||
رد: فى حاجه مش طبيعية بتحصلى اليومين دول !!!
الله يكون فى عونك
فى الغالب ... و الله اعلم ... حضرتك بتكون تعبان او مش مركز موضوع الباشمهندس احمد على للأذكار رائع ربنا يعينك
__________________
|
|
|