مشكلة فى شيروكى 98

[vicovico8]

السادة الافاضل....بعد التحية ...رجاء المساعدة فى حل لمشكلة غريبة صادفتنى ولا اجد لها حل....انا معايا جيب شيروكى ليمتد 98 بقالها 3 سنوات ..والحق يقال لم يصدرما يغضبنى منها ابدا طوال تلك السنوات...رغم سفرياتى العديدة بها..المشكلة بدأت معى عندما دخلت احدى محطات البنزين عندنا فى اسكندرية من حوالى شهر وغلط العامل ووضع بنزين 80 (علما بأن السيارة دى انا مشتريها عاملة 17 الف كم وكانت مرفوعه10 سنوات ولم تذق طعم اى بنزين سوى 92) ولم انتبه لذلك الا وانا بحاسب وطبعا زعقت وعملت وخرج مدير المحطة واعتذر مرة وقالى دى غلطتك انت مرة اخرى...المهم مشيت من هناك وروحت على الميكانيكى بتاعى وقولت له ماحدث...ضحك وقالى عادى مافيش مشكلة بأستثناء انها حتصقف وسرعتها حتقل شوية لكن الى حصل غير كده تماما ..دخلت الجراج وبعدها بيومين حاولت ادورها ابدا...ده غير المدافع والاصوات الغريبة اثناء الدوارة اتصلت بالميكانيكى وطلعناها زق من الجراج لغاية ورشته..وبليل اتصل بى وروحت قالى حاجة غريبة مامعناه ان المشكلة دى من البنزين 80 اللى انا حطيته وانه مكتوب على غطاء التنك من الداخل تحذير بعدم وضع هذا البنتزينولا يوضع يها الا 90 او 92 المهم اخدت العربية ومشيت بيها واتفرج على الشابورة السوداء اللى طالعة من الشكمان لدرجة ان سواق مشروع وقف جنبى وقالى انت ممون سولار ولا ايه..؟المهم رجعت للميكانيكى تانى بأعجوبة وسيبتها عنده..اتصل بى تانى يوم وقاللى حنغير طقم الا نجكشن كله...قلت له غير....اتصل بعدها وقالى حنغير البوجيهات قولت له غير...تانى يوم اتصل حنغير فلتر البنزين قلت له غير..المهم بعدها بتلات ايام قالى تعالى استلم العربيه...روحت وانا خايف وغير متفائل رغم ثقتى الشديده فبه....واستلمتها وحمدت ربنا ودفعت مالم ادفعه من قبل فى اى عربية( معايا كيا واوبل فيكترا اتسرقت من ثلاث شهور)..طبعا هما نظفوا التانك ومونت 92 لكن بعدها باسبوع رجعينا تانى لنفس الوضع واسوأ,,,مدافع وهباب اسود وباك فاير ورعشة واخر قرف وطبعا رجعت له تانى وقام بالكشف بالكمبيوتر وقالى حساس الكرنك ...وغيرناه تانى يوم ومشيت تمام لمده اربع ايام ورجعنا تانى...فكرت اروح التوكيل وفعلا اخدتها الصبح بدرى وروحت التوكيل الظهر...من كتر الوقفات الى وقفتها والسرعة 40 كم وعاوز بنزينة تمشى ورايا...المهم فى التوكيل عارفينها وكانوا عاملين جنرال تشيك عليها لما اشتريتها كشفوا عليها وقالوا لى المشكلة تافهة جدا علما بانى لم احكى لهم عما حدث....المشكلة فى حاجة اسمها الايدول....وعاوز يتغير...سيبتها يومين وروحت استلمتهاورجعت بيها ماشى 160-120 وحمدت ربنا ...امبارح نزلت الجراج قلت اسخنها عشان وعدتهم فى البيت نروح شرم..وفوجئت وانبهرت بالاصوات والهباب الى طالع منها بس المرة دى دارت واتفرج على الشبورة السوداء اللى عملاها والتقطيع...سيبتها فى الجراج وقلت لهم غطوها وصوتوا.....وركبت الكيا التى لم تخذلنى ابدا (او لسه ماخذلتنيش) لو اى حد من حضراتكم عنده حل ..كلى اذان صاغية............واسف على الاطالة......بس انا جوايا غل يولع روما بحالها