العفشه
انا اشتريت العربيه موديل 2013 فى شهر يناير وعملت صيانه الالف فى شهر مارس ربطو العفشه وغيرو الزيت وصيانه الخمسه فى شهر سبتمبر والتوكيل المحترم (فرست كار ) قالى كل 3 شهور لازم تجيب العربيه عشان نربط العفشه وخدو منى فى صيانه الخمسه 140 جنيه تربيط عفشه وعشان انا مبستخدمش العربيه كتير لسه معدتش العشر الاف بس عديت 3 شهور من اخر صيانه فقلت خلاص اروح لميكانيكى يربطلى العفشه بدل مدفع كتير فى التوكيل سالت على ميكانيكى لاقيت واحد كويس بيشتغل فى التوكيل (جسر السويس)الصبح وبيفتح الورشه بالليل رحتلو وقالتلو ربطلى العفشه واذ المفاجئه لاقيته بيقولى انا اول واحد يربطلك العفشه طبعا حسيت انه بيضحك عليا عشان يبين نفسه انه كويس لاحد مثبتلى كلامه وفتح كبوت العربيه وقالى فى خمس مسامير بصموله 4 مقاس واحد والخامس اكبرهم فى النصف المسامير ديه بتمسك المساعدين الامامين بالعربيه (اى حد يفتخ الكبوت حيلاقيهم تحت علبه الفيوزات والناحيه التانيه زيهم) المصنع عامل عليهم زى بويه فلو حد دب فيهم مفك البويه حتروح او حتفرق طبعا هو لفهم قدامى ولفو معاه وكانهم كانو مفكوكين ومن سعتها وانا والحمد لله حاسس ان العربيه مسكت نفسها ونعمت وربنا يسامح التوكيل الى حيسوء سمعه العربيه
|