2009 فيرنا بتكركر

[mohelkordy]

يا جماعة يا بشموهندسين انا معاية فيرنا 2009 1600ccالعربية اولا صوتها عالى جدا وهى دايرة بدون انى امشى بيها وهى واقفة لدرجة انى بحس انها اكسيل ويا سلام بقة لما اجى اطلع بلعربية احس انها بتمشى غصب عنها المشكلة انى اول لما بطلع بيها وابدا اخش على الغيار الثانى تبقى ذى الفل نيجى بقة لو انا مشغل التكيف احس ان العربية مشدودة مش بتجرى وصوت المتور يعالى اوى لدرجة ان على الاولانى وانا مشغل التكيف العربية بتكرر جامد واسمع صوت فى الكبوت وعلى فكرة بردو انا بحت بنزين92 ومغير فلاتر وبوجيهات وسيور وروحت للميكانيكى وقالى مفيش حاجة وروحت مركز صيانة معتمد وقالى مفيش حاجة انا ذهقت ارحمونى ودلونى بقة على الصح بعد اذنكو يا فرناوية وانا بثق اساسا فى كلام الاخوة

[mr_astra]

اول احتمال ان يكون البنزين مغشوش
تانى احتمال ان البوجيهات الجديدة مضروبة وانا اشك اوى فى الاحتمال دة لان تقدر تقول دلوقتى ان ما فيش طقم بوجيهات مش مضروب
تالت احتمال لو لسة مركب سير كاتينة مع الصيانة اللى حضرتك قلت عليها لازم نراجع على تركيبة هل مظبوط ولا لأ
ولو مغيرتش زيت بقالك فترة يا ريت تغيرة
وخلى بالك لحسن العربية تكون سخنة

[mohelkordy]

شكرا على الاهتمام:018A1D~ 146:

[محمد عزو]

العربية دى بتلت يعنى شغال ب 3 بوجيهات بس مش مهم ال اشترتهم جداد هات انضف حاجة من حد يكون كويس وحاول تخلص البزين دة لان ممكن يكون عليه نسبة ميه هيبرجل الموتور ويحرق طرمبه البنزين ... ربنا يكرمك ان شاء الله تحيااااااااااتى

[حسام البورسعيدى]

احتمال ان العربية تكون متلته .. وده هيكون بسبب حاجه من 3 :

اما بوجيه فاصل .. او سلك بوجيه وحش .. او رشاش فاصل ..

لو عاوز تعرف هى متلته ولا لا .. فك الوش الفبر بتاع الموتور .. ودور العربية وفك كابلات البوجيهات بالترتيب .. لو شلت كابل ومحصلش برجله فى الموتور يبقى هو ده اللى فاصل ...

لو مش متلته .. اتاكد الاول ان العربية فيها زيت ومش بينقص .. .. وانا شاكك ان الموتور فيه مشكله ويا رب يكون ظنى خاطئ .. بس اوحالى بكده صوت الموتور العالى اللى سببه اكيد ضغط الزيت .. قيس الزيت والمكنه بارده .. وجرب اللى قلتلك عليه وعرفنى ايه الكلام ..



متابع معاك ....