#6
|
||||
|
||||
رد: صورة محزنة جدا
يا جماعة بتتكلموا ف أيه
بصرف النظر عن الصورة متفبركة ولا غير معبرة أحنا ف الموضوع فيه ناس فعلا بتاكل من الزبالة والله شفتهم بعينى أنزلوا للمدن الصغيرة وشوفوا أحوال الفئة الفقيرة المعدمة عاملة ازاى!! أنا بشوف ناس وكمان فى الريف حالتهم ضنك ومش لاقيين 00هل تعلمون أن هناك ناس للآن بتفطر وتتعشى بعيش بتاو وملح!! وفيه ناس بتعامل معاهم مبيلاقوش حق الدوا مع أنه مبيزدش عن عشرين جنيه ده غير أن الكشف مجانا للمحتاجين بيت مفيهوش عشرين جنية فى القرن الحادى والعشرين!! فيه ناس عمال يومية يوم آه وعشرة لأ وبيشحتوا لاحول ولا قوة الا بالله التعديل الأخير تم بواسطة د0تامر محمد ; 27-09-2009 الساعة 04:46 AM |
#7
|
||||
|
||||
رد: صورة محزنة جدا
لا يا دكتور الموضوع لا يحتمل غض النظر اطلاقا خاصة مع وجود حملة تشويهه ومبالغة فى الفضائيات والاعلام المطبوع والمسموع على جميع الاصعدة وكلها لا تخرج عن المبالغة وتشويهه صورة مصر حضاريا واجتماعيا وسياسيا وو لا لشىء الا نكاية فى ظام سياسى لصالح نظام سياسى اخر وكلها انظمة فاشله بشكل او باخر
محدش يقدر ينكر ان الوضع سىء وللغاية كمان بس فيه فرق بين مناقشتة واستعراضة من باب التحليل والمعالجة وبين عرضة بطريقة غسيلنا الوحش العالم كله عنده ازمة غذاء والعالم كله بيعانى من اسعار السلع الغذائية لكن مصر مازالت من اقل الدول العربية فى قيمة الغذاء وان كانت الدخول ونسبه البطالة مرتفعة المشكلة مش اكل المشكلة فى شغل يجيب اكل من ناحية تانية تفتكر لو المشكلة فى الغذاء حادة بالشكل اللى يخلى ناس تاكل من الزبالة ليه كل الناس ديه ساكتة ده الجوع ده غريزة اساسية ممكن تسلب من الناس حريتهم ويعيشو خانعين لكن لو سلبت لقمتهم كمان لن تأمن غضبتهم ابداً ليه ايام السادات قامت ثورة الجياع والناس هتفت فى الشوارع "كيلو اللحمة بقى بجنية امال الغلابة تعمل ايه " وليه دلوقتى واللحمة ب40 جنية مفيش مظاهرة واحدة ولا فى حلايب حتى فيه غضبات جماهيريه واعتصامات ومظاهرات حقوقية او دينية او سياسية او اضرابات عمال وبتحصل كل يوم وبوتيره متصاعدة ديه حقيقة لكن مفيش اعتصام ولا مظاهرة ناس جعانين ومش لاقيين اكل غير فى الزبالة ! طبعا انا لاحملك يا دكتور اى عتاب فحضرتك ناقل عن جريدة قومية والمفروض بتعبر عن حزب عريق لكن حزب الوفد موديل 2009 غير 2005 خالص لكن المهم من الموضوع اننا مش نقعد نحقر فى نفسنا ونتباكى وبس الاهم اننا نناقش بجديه مشاكلنا ونحط ايدينا على مكامن الخلل وبالتالى نوجد حلول المصريين مش جعانين صدقنى ولا ممكن يجعوا ولا يمكن يسكتو لو جاعو لكن الحقيقة ان غالبية المصريين مسرفين حتى الطبقات المتوسطة والفقيرة وبندفع فى الموبيلات اكتر ما بندفع فى الاكل وفى المناطق الشعبية بيدفعو فى المخدرات اكتر ما بيدفعو فى الاكل وانا وانت بنصرف على عربياتنا اكتر من اللى بنصرفة على اكلنا المشكلة مش اكل صدقنى اكيد زى السودان فيها طفره ونمو اقتصادى فى الشمال ومجاعة وحروب عرقية فى دارفور مصر بشكل نسبى طبعا واى مكان فى العالم فيه وفيه ولازم يبقى فيه تفاوت لكن حتى لو كان فيه ناس باعداد محدودة فى اماكن نائية جداً وصلو للدرجة ديه وده شىء مؤسف جداُ طبعا ويحتاج لوقفة بلاشك لكن مش نص سكان مصر بياكلو من الزبالة
|
#8
|
||||
|
||||
رد: صورة محزنة جدا
كلام أبو نورا سليم مائة بالمائة
لكن هناك نقطة الشعب المصرى تعرض لغسيل مخ على مدار سنوات عديدة وأصبح مسلوب الارادة وشكواه من الاحوال لا تتعدى الاستهجان والاستنكار والسب فقط لم تعد لديه ملكات الثوار وفقد الزأير الجماعى كل يوم الاسعار تغلى ولا اعتراض كل يوم ضريبة جديدة والصمت الرهيب وزير المالية كل يوم بخترع ضريبة وقريبا ضريبة على كل ولد تنجبه أما عن الفقر فهو موجود وبنسبة مدهشة الريف مملوء ولولا التكافل الاجنماعى والصدقة لماتوا جوعا هناك آلاف من الاسر موردها الاساسى 80 جنيه من الشئون الاجتماعية والعائل اما عاجز مريض أو أرملة مسكينة وهناك عمال يومية دخلهم اليومى 30 جنيه فى الاسبوع لانه يعمل أيام معدوده من السنة الجياع فى المناطق العشوائية أكثر من الهم على القلب ولولا تكافل الشعب المصرى والرحمة ووجود المحسنين لرأيت واقع أليم وأيضا لا يقتصر الجوع على لقمة عيش ولكن هناك من لا يجد ملبس ولا وظيفة ولا يستطيع الزواج وهذا أيضا جائع شكر لكل التعليقات |
#9
|
||||
|
||||
رد: صورة محزنة جدا
اتفق معاك يا دكتور فى ان التكافل الاجتماعى وغيابه عن اى بلد حتى ولو كانت بلد غنية بالتأكيد سيشكل كوارث انسانية عديدة
وديه حاجة تؤكد ان المسئوليه جماعية مش على الحكومة وبس |
|
|