تجربتى مع الفيرنا فى اسبوعين!!!!!!!!!!!

[محمد صالح - المحامى]

المشاركة الأصلية كتبت بواسطة borio1704 الثبات يعتبر رفاهية وليست شيئا أساسيا، لأن السيارة غير مصممة للمشي بالسرعات العالية فوق الـ200، كما أنها مصممة للاستخدام اليومي داخل المدينة، وعلى الطرق السريعة محددة السرعة والتي لا تتجاوز 150 كم/س في أقصى الأحوال طبعا الكلام ده مش هيعجبك... بس لو حضرتك عايز ثبات لحد 200 كم وأكتر ... ممكن تجيب عربية ألماني المصممة للمشي على الطرق الألمانية السريعة مفتوحة السرعة، وادفع فوق الـ70 ألف بتوع الفيرنا 140 ألف كمان. مفيش عربية في الدنيا تديك كل حاجة انت عايزها... الكمال لله وحده لو مصر انك تركب فيرنا... غير الجنوط الـ13 وركب جنوط 14 أو 15 بوصة... واتفرج على الثبات يا معلم. ...

نصيحة :: اوعى تلعب فى مقاسات الجنوط هتبهدلك العفشة
بالنسبة لموضوع الثبات هو دة فعلا عيب الفيرنا العادية . وكان ممكن تزود الفين جنية او اكثر حاجة بسيطة وهات فيرنا " فيفا " ثباتها جميل والى بيحبوا الجرى بيشكروا فيها

[dragking]

المشاركة الأصلية كتبت بواسطة d,mhmd brbry ايه ياكبير مالك محموء ليه كده؟؟؟!! انا قلت دى تجربة شخصية مش حكم عالعربية وبعدين ثبات العربية مش اكسسوار او رفاهية فى السيارة يعنى مش لازم تبقى سباق عشان تبقى ثابتة وكمان الشنطة ضيقة جدا جدا بالنسبة لقريناتها فى نفس الفئة

باشا
انا مش محموء ولا حاجه ههههههههه
انا كسرت بالفيرنا ال200 وعادي وده يرجع ازاي تسيطر على العربية وتوقفها مش تجيب بيها كام
وبالنسبة للشنطة فهي فعلا اوسع من مثيلتها ويأكد على الكلام ده باقي اعضاء المنتدي
وياريت توضح لنا حضرتك بتقارنها بأيه علشان نفهم معنى مثيلتها
وعموما الف مبروك وربنا يبارك لك فيها

[d,mhmd brbry]

عيبك انك عصبى
بص شنطة اللوجان ادها مرة ونص لو ما كانش مرتين وحتى شنطة اللانوس برضه اوسع
ما انا ممكن اجيب بيها 200 عادى بس مش مطمن يا فرحتى

[borio1704]

المشاركة الأصلية كتبت بواسطة m_ss2 نصيحة :: اوعى تلعب فى مقاسات الجنوط هتبهدلك العفشة بالنسبة لموضوع الثبات هو دة فعلا عيب الفيرنا العادية . وكان ممكن تزود الفين جنية او اكثر حاجة بسيطة وهات فيرنا " فيفا " ثباتها جميل والى بيحبوا الجرى بيشكروا فيها

مع احترامي لحضرتك... بس كلامك مش مبني على أساس علمي... لا في الكلام على العفشة .. ولا في الكلام عن الفيفا

الفيرنا والفيرنا فيفا عربية واحدة... مفيش فرق فيهم إلا إن الفيرنا فيفا موتورها 1500... يعني أضعف شوية من موتور الفيرنا المصري...
إذا كنت شايف إن الفيرنا ثباتها ضعيف عشان موتورها قوي... يبقى تعريف الثبات أصلا غير واضح بالنسبة لحضرتك


أما بالنسبة للعفشة... فتغيير الجنوط مش حيأثر على العفشة غير في إن المساعدين عمرهم ممكن يبقى أقصر شوية صغيرين ... والفرق غير محسوس على فكرة.

اللي ممكن يأثر على العربية فعلا هو لما تعرض الكاوتش... لإن مقاومة احتكاك الكاوتش مع الأرض هتبقى أعلى... وده ممكن يأثر على الاسكاترا ووصلات الدركسيون في العجل الأمامي



...