|
كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
|
أدوات الموضوع |
#6
|
|||
|
|||
رد: مارش ولا بطارية ؟؟؟؟
بصراحه لازم أسمعها بنفسى علشان أقدر أحدد المشكله
بس كده الكلام إتغير البطاريه ما لهاش علاقه لو كانت الدواره سريعه وشكرا |
#7
|
|||
|
|||
رد: مارش ولا بطارية ؟؟؟؟
أخي العزيز طيب ممكن سؤال .... لو المارش فيه حاجة يبقى المشاكل والحاجات الغريبة ده تحصل كل يوم لالا ؟؟؟؟ لأني قلت على المشاكل ده في التوكيل قالولي لو المارش فيه مشكلة هايفضل قارفك كل يوم ويعملك مشاكل يومياً .... فصح كده ولالأ ؟؟؟ لأن العربية ساعات بتقعد اسبوع بتدور كويس وتيجي مرة تروح عاملة الدنيئة في مرة واحدة زي انه اسمع صوت بحة من غير ما اللعربية تدور زي ترس البندكس بتاع عربيات البيجو 504 ومرة تحس انها مش هاتدور وبعد كده بتدور ومرة حكاية البحة ده ومرة عشان خاطر بكون خايف ساعات بأحس ان المفتاح بيلف دايرة اوسع في الكونتاكت قبل ما يلقط وزي ما قلت لحضرتك بتعملها مرة واحدة وبعدين ترجع تدور كويس .
أعذرني اخي الكريم لأني ما بأصدق الاقي حد فاهم أستشيره وياريت ما تزهقش مني . شكراً |
#8
|
|||
|
|||
رد: مارش ولا بطارية ؟؟؟؟
ماهو ده اللى عاوز أسمعه هوه المارش بيدور سريع
والترس مابيعشقشى يعنى بيفوت على الفاضى لو كان كده يبقى الترس بتاع المارش أو ترس الفلام وترس الفلام ده الإحتمال الأسوء عموما للتأكد من العيب لو كان الموضوع تفويت فعلا لازم المارش يتفك بره ويتكشف عليه وفيه قدام ترس المارش بين الترس والجلبه اللى قدام فيه قطعه إسمها طبق ودى جواها تيله علشان تفضل فى مكانها لا تطلع قدام ولا ترجع للخلف دى لازم تتأكد منها إنها مظبوطه لأنها لو مش مظبوطه بتخلى مشوار ترس المارش مش مظبوط وده يسبب المشكله دى فيه حاجه مهمه جدا لازم تتأكد من أن مامير رباط المارش مربوطه كويس لأنها ممكن تكون هى المشكلها تكون مش مربوطه تمام الحاجه الأخيره هى لو فكيت المارش لازم تبص على ترس الفلام من فتحه المارش وتلف المتور لفه كامله بحيث تتأكد إن كله تمام عموما لو كل الملاحظات دى تأكدت منها يبقى المشكله من ترس المارش يجب تغييره فورا ويفضل يتعمل فى التوكيل والمفروض ماتدفعشى فلوس عليه وممكن لو شديت عليهم شويه وصممت تغير المارش بالكامل على حسابهم بس لا زم تتعامل معاهم بشده وتهددهم بحمايه المستهلك علشان تخوفهم عموما هذا الكلام بعد التأكد إن ده تفويت ترس علشان موضوع بحه ده اللى مش مخلينى متأكد بس إنته قولت بعد كده زى صوت ترس البندكس وده هوه اللى خلانى شكيت فى التفويت عموما أولا لازم التأكد من مسامير رباط المارش ده سبب أساسى فى التفويت وخشانه الدواره وشكرا |
|
|