ايهما افضل هيونداي اكسل ام دايو لانوس من ناحية المتانة و العملية و البيع

[Ahmed AlGamal]

انا عايز اشتري عربية مستعملة نضيفة و قدامي دايو لانوس 2001 على 41 الف

بس انا كان في دماغي اجيب هيونداي اكسل لان الكل بيشكر فيها

اي العربيتين اكثر متانة و عملية و افضل في سعر اعادة البيع

حاجة تاني : انا بتعلم السواقة لسه و ان شاء الله ناوي ابيع العربية اللي هشتريها ده بعد سنة او 6 شهور اكون اتمكنت في السواقة وبعدين اجيب حاجة زيرو ....... بوضع هذه الملحوظة في الاعتبار : هل الافضلية هتقى للاكسل ولا اللانوس ... من حيث التانة و سعر اعادة البيع؟

[star2008]

مساء الفل خليك فى الانوس حلوة وقطع الغايار تمام من نحية الماتور والعفشة يعنى فى المعقول وحتتعلم بسرعة وخبط بيها لحد لما تركب كل النفسك فية والف مبروك وربنا يكفيك شرها ومش تتسرع

[journalistamr]

لانوس افضل

[حمادة ونور]

انا هقولك على حاجة احسن من كل ده طالما انتا لسة جديد فى السواقة يبقى تجيب عربية لادا ويفضل تكون لادا 1300 او 1600 لان العربيات دى زى ماتكون مصنوعة من الطوب والزلط يعنى هتخبط بيها براحتك وحتى لو خبطت مصاريفها مش مكلفة وقطع غيارها متوفرة جداااا عن الاكسل واللانوس لان قطع غيارهم غالية اما الادا فقطع غيارها رخيصة ويستحسن تكون لادا مستعمل مش جديد علشان متزعلش عليها لما تتخبط بس احب اقولك على حاجة العيب الوحيد اللى فى لادا هيا ان الدركسيون بتاعها تقيل يعنى ممكن العربية تخدمك وبدل ما تروح الجيم علشان تربى عضلات الدركسيون هو اللى هيربيلك العضلات وممكن تبقى احسن من رونى كولمان