محتار اوى و مش عارف احدد

[amdd]

المشاركة الأصلية كتبت بواسطة jojojojojo بص حضرتك انا هديك رايي والله بكل امانه وحكيلك علي موقفين حصلوا قدامي بص حضرتك انا اولا املك نيسان صني اتوماتيك 2012 بقالها معايا 5 شهور طبعا انا بحمد ربنا ان وفقني في اختيار العربيه ديه اولا وده الاهم صاجها مش ورق وصلب جدا وبيستحمل اي حكه او خبطه مش زي العربيات الورق الجديده تاني حاجه الموتور ماشاء الله جبار 118 حصان مصدقش الناس اللي بتعيب في العربيه من غير متجربها وعلي راي المثل اسال مجرب بس طبعا هي ليها برضه عيبين بس هما ضيق الجنبه الخلفيه وشكلها القديم اللي متغيرش من زمان والعربيه عاليه جدا علي الارض وركب فيها مش خمسه عشرين مش هتقول لا وادخل قسم النيسان وهتلاقي مواضيع كتيره جدا علي العربيه هتفيدك جدا في الاختيار بس ارجوك متخدش النصيحه الا من الذين يملكون العربيه اما بخصوص الاكسنت ار بي انا واحد صاحبي معاه العربيه وعمل حادثه بيها وطبعا كان جيبها من غير اير باج عشان غبور بينزل مها فئات من غير اير باج المهم ان الحادثه كانت بسيطه وعلي سرعات منخفضه جدا و للاسف العربيه طلعت من الحادثه مفيهاش حته سليمه والغريب ان العربيه الربع نقل اللي كانت سبب في الحادثه محصلهاش اي حاجه وصاحبي ده كان مأمن ع العربيه ولما راح عملوا مقايسه لقا العربيه هتتكلف حوالي 80 الف فطبعا التامين بيخدها منه وبيعطي له مبلغ التامين المتفق انا بس بحكيلك الحكايه ديه عشان تعرف ان العربيه مش بشكلها المهم تكون اعتماديه وتستحمل اما بخصوص الاوبترا فانا مليش تجريه ليها ومقدرش افيدك فيها ده كان رايي وياريت اكون اقدرت افيدك والله الموفق

الكلام ده 10/10 بالنسبة للنيسان
انا كمان معايا نيسان صنى 2005 اوتوماتيك شاريها مستعملة من 5 شهور ..العربية تقريبا مفيهاش حته إلا واتلعب فيها (اه بجد) بس اركب العربية وسوق حاجه تانية خالص فعلا ثبات على السرعات عفشة قويه وعفيه ومفيهاش مفاجأت موتور جامد 118 حصان عالية عن الارض بس من عيوبها ضيق فى الكنبة الخلفيه نسبى والشكل القديم بس هى بالنسبالى عادى لانى بميل للشكل الكلاسيكى شويه استهلاك بنزين عالى نسبيا بس يمكن علشان هى اوتوماتيك..عندك مثالين دلوقتى صنى 2012 جديدة زى ما قال الاخ الكريم و2005 مستعمله معايا ومتفقين فى كل حاجه غير انى بسمع ان فى الموديلات من 2009 ولغاية 2012 فيها تحسن كبير بالنسبة لاستهلاك البنزين.
اما بالنسبة للاكسنت ار بى معرفش عنها اى حاجه ولا سوقتها غير انى اعرف من صديق انها واسعة فى الكنبه وباورها ناعم جدا لانه تقريبا كهربا مش زيت وعالية عن الارض

[egy4arb]

ياحج جديد اية اليومين دول

دا انا عايز اجيب لانوس ب 40000 و مرعوب لاتتسرق

استنى لما الدنيا تتظبط

100 الف مش قليلة

[jojojojojo]

المشاركة الأصلية كتبت بواسطة egy4arb ياحج جديد اية اليومين دول دا انا عايز اجيب لانوس ب 40000 و مرعوب لاتتسرق استنى لما الدنيا تتظبط 100 الف مش قليلة

انا معاك في الراي فعلا الايام ديه السرقات العربيات كتير جدا وفعلا انا من راي العضو انك تستني شويه عقبال ما الرئيس الجديد يجي والحياه تظبط شويه وجايز يخفضوا الجمارك كمان وتبقي مصلحتين مش واحده وربنا يوفقك