نفسي انا افهم دماغي ؟؟؟

[MOSTAFA SALLAM]

http://masrmotors.com/vb/showthread.php?t=3627

[YahiaAshraf]

المشاركة الأصلية كتبت بواسطة dr.wael7yran يا باشا الف شكر على تعبك و على صورك الجميلة دي العربية دي انا كنت مقتنع بيها جامد جدا لغاية لما شفت الريو واقفة جنبها في نفس المعرض السكالا من بره احلى الريو من جوه احلى...الصني على فكرة تقفيلها جوه انضف من السكالا ناس كتير بتقول على الريو دي عربية محترمة..و سواقتها جميلة ما عدا العفشة الناشفة بس انا لما سقت الصني(اللي هي المفروض السكالا) عفشتها ما كانتش حرير يعني كل صحابي اللي اتفرجوا على العربييتين قالولي الريو تكسب موش عارف رأيك انت ايه؟

و الله ما اقدر ش اكلمك بالنسبه للعفشه و كل الكلام اللى قولته لانى مجربتش العربيه انا ركبتها فى معرض بس

[dr.wael7yran]

المشاركة الأصلية كتبت بواسطة MOSTAFA SALLAM نصيحة منى بلاش شفريليه ولا حتى هيونداى العربيات دى منظر و موتور قوى فقط لا غير انما بعد سنتين تلاتة هتلاقى العربية عجزت منك و ضربت بوز فى الأرض و بقا شكالها وحش جدااا خصوصا ان منصور نصااااااااااااب و كذلك غبور كلهم نصابين و مركز الخدمة بتاعهم وحش دة غير السرقة و النهب اللى بينهبوه من وراء العربية بص انت بالسعر دة ممكن تجيب حاجة يبانى زى الأسكالا مثلا و لعلمك هى هى النيسان الصنى بس تقدر تقول عليها معدلة يعنى كل مشاكل الصنى اتحلت فى الأسكالا من ضيق الكنبة الخلفية للعفشة الناشفة الخ . انما نفس الموتور بس عيبها ان شكلها من جوة مش قد كدة و كل اليبانى كدة و لعلمك الأسكالا ملهاش اى علاقة برينو و بتنزل فى دول الخليج باسم نيسان صنى . تانى حاجة ممكن تجبلك واحدة تريوس 2008 كدة بس عربية من الأخر بتجمع بين العربية الهاتش باك و ال 2*4 و السيدان و ناعمة جدااااا . و ممكن تجبلك واحدة لامسر قرش الشكل الجديد تكون 2008 - 2009 او واحدة كورولا 2007 - 2008 و برضه الشكل الجديد و كمان كيا سيراتو 2010 هاى لاين او اوكتافيا A4 2008 بس الأختيارات مفتوحة قدام منك بس انا بفضل الزيرو اللى هى الأسكالا او حتى الصنى العادية مفيش مشاكللأن المستعمل عامل زى البطيخة و ربنا يوفقك فى اختيارك و كل عام و انتم بخير .

يا باشا شكرا على اهتمامك
و السكالا احد الاختيارات القوية اللي في دماغي فعلا

[dr.wael7yran]

المشاركة الأصلية كتبت بواسطة MOSTAFA SALLAM [COLOR="Blue"]على فكرة لو حضرتك قارنت بين اللوجان و اى عربية فى فئتها هتلاقى جميع المقارنات فى صالح اللوجان و عاوز اقولك ان حكاية الشكل دى ازواق بس اللوجان كلاسيكية و سيمبل يعنى مش زى بقية عربيات رينو فى شكلها انما لو مش عجباك شكل اللوجان ممكن تجيب سانديرو و هو هى اللوجان الأختلاف فى الشكل الخارجى فقط لا غير و كمان فرصة تلحق اللوجان الباك لاين و دى زيادة عن الفول ابشن العادية ان الكاسيت بتعها MB3 و تارة مالتى فاكشن مكسية بالجلد الطبيعى و فرش جلد مخمل و دى سعرها 72000 جنيه انما لو مش فارقة معاك الحاجات دى ممكن تجديب العادية ب 70 الف جنيه . ثانيا اللوجان عربية اوروبى تقفيل مصنع رينو ( صوماكا ) بالدار البيضاء بالمغرب و غير كدة عالية عن الأرض بطريقة ملحوظة يعنى عاملة زى العربية ال 2*4 بس بعفشة ناعمة جدااا و تشعرك بانفصال تام عن الأرض و كمان مستوى الأمان فيها عالى جداااا و فيها اير باج واحدة للسائق بس حضرتك ممكن تتفرج على اختبار السلامة الأوروبى بتاعها العربية واخدة 3 نجوم من 5 نجوم و الشاسيه بتاعها قوى جداااا يعنى الكبينة جوة متأثرتش بأى حاجة بفضل الشاسيه القوى و لله الحمد . و كمان صاجها من برة اقوى من صاج عربيات اغلى منها ب 20 الف جنيه . كمليات رائعة اضافة اللى كمبيوتر الرحلات اللى بيعمل ب 7 و ظائف و الطارة المتحركة و الكرسى المتحرك اللى تقدر تتحكم فيه بأرتفاع و انخفاض الكرسى و كمان لمبة الفانوس الأمامى متحركة . تكيف تلاجة و من انتاج شركة نيسان لأن نيسان و رينو مشتركة فى العربية . ثبات رائع على السرعات العالية يعنى انا جبت بيها 180 و كانت ثابتة و الحمد لله و المعروف عن اللوجان انها بتجيب 180 بسهولة تامة بس لما بيكون فى رياح شديدة متزودش بيها عن 120- 140 و دة فى اى عربية من الأخر عاوز تعرف ثبات اللوجان محترم ازاى لما تركب عربية زى اليارس و هتقول اللوجان دى ثباتها رائع . فرامل قوية لكن مش ABS بس بتقوم بأداء ال ABS مبتخليش العربية تزحف على الأرض و ممكن تحود يمين و شمال و انت دايس فرامل و بتنفع فى الأوقات الحرجة . صالون العربية واسع جدااا و يتميز بالبساطة مع مواد محترمة و شنطة ما شاء الله ينام فيها فيل 510 لتر ما شاء الله . العربية مصفحة من تحت لحماية الموتور من اى خبطة ولا حاجة . بالنسبة للموتور 1600 و 90 حصان لكن موفر جدااا فى البنزين و مناسب جدااا لوزن و حجم العربية و هو نفسه موتور الميجان 1 . قطع غيار غالية فى التوكيل علشان فرنساوى اصلى و عليهم ضمان لمدة عام و من قلب التوكيل نفسه و لكن منتشرة خارج التوكيل و بسعر قطع غيار الانوس و فى منها التيوانى و التركى و الصينى اللى انت عاوزه و طبعا كل حاجة و على قد تمنها . بالنسبة للتسارع العربية بتجيب من 0 - 100 خلال 11.5 ثانية لكن مش للشد و الغرز هى اينعم بتغرز على 140 و مبتقولش لأ . لكن لو عاوز عربية للشد و العرز هات فيرنا و اتفرج على ثباتها بعد ال 100 عامل ازاى . حضرتك لو اشتريتها مش هتندم و سيبك من اللى يقولك لو جبتها و جيت تبيع لا قدر الله يعنى مش هتجبلك فلوس بالعكس والله العربية سعر اعادة بيعها زى الانوس و الفيرنا و يمكن بقت مطلوبة عن الفيرنا دلوقتى . انا وضحتلك مميزات العربية والله و بكل صراحة و ربنا يعلم و بالنسبة لعيوبها فهى غير جوهرية بالمرة و التوكيل بيحلها و طبعا حضرتك اكيد عارف ان توكيل رينو يعد من اكثر التوكيلات احتراما فى مصر . حاجة اخيرة ملكش دعوة بكلام الناس و روح اتفرج على اللوجان قبل متشتريها و فرج الأسرة عليها و اهم حاجة الراحة النفسية لأنك مش بتغير العربية كل يوم و كل عام و انت بخير و اسف على الأطالة و ربنا يوفقك فى اختيارك و تقبل خالص تحياتى . /COLOR]

اولا شكرا على اهتمامك
و انا لو قررت اوفر في الميزانية فاختياري الاول هيكون اللوجان البلاك لاين
انا شايف انها احسن من اللانوس و الفيرنا و الاسبرانزا
و شكرا على تفكيرك الجميل المنظم

[MOSTAFA SALLAM]

المشاركة الأصلية كتبت بواسطة dr.wael7yran اولا شكرا على اهتمامك و انا لو قررت اوفر في الميزانية فاختياري الاول هيكون اللوجان البلاك لاين انا شايف انها احسن من اللانوس و الفيرنا و الاسبرانزا و شكرا على تفكيرك الجميل المنظم

يا باشا متقولش كدة احنا اخوات و هدفنا نفيد بعض بس معتقدش ان اللوجان هتبقى مناسبة ليك لأنك كنت راكب قبلها عربيات من فئات اخرىو اعلى منها انا بس كنت بوضح للأستاذ اللى محترام بينها و بين الأفيو و كل عام و انت بخير و اى حاجة تانية انا تحت امرك .