|
بروتون PROTON شركة بروتون هي الصانع الماليزى الوطني للسيارات. يعود إنشاء الشركة لعام 1983 بناءًا على توجيهات مباشرة من رئيس الوزراء الماليزى آنذاك، د. مهاتير محمد. شركة بروتون القابضة، هي الشركة المسيطرة على بروتون للسيارات. |
|
أدوات الموضوع |
#1
|
||||
|
||||
عملاء بروتون يتقدمون بشكوى ضد "عز العرب
بسم الله الرحمن الرحيم
تقدم مجموعة من عملاء شركة (بروتون) بمصر بشكوى لكل من السفارة الماليزية بالقاهرة، جهاز حماية المستهلك، مدير عام بروتون ماليزيا، والملحق الثقافى التجاري الماليزي ضد "عز العرب" وكيل الشركة بمصر. طالب العملاء في شكواهم بضرورة قيام الشركة بتوفير قطع الغيار بشكل مستمر، وتسعير خدمات ما بعد البيع بشكل عادل. طالب نحو 530 عضوا عبر مجموعة "معا ضد غلاء قطع غيار سيارات بروتون في توكيل عز العرب"، بضرورة تدخل الشركة الأم بماليزيا، والجهات الأخرى، لتوفير قطع الغيار بالتوكيل. أكد العملاء أنهم ينتظرون في بعض الأحيان فترة طويلة تصل لشهر ونصف حتى يتمكنوا من الحصول على قطع الغيار الخاصة بهم. تضمنت الشكوى أيضا الاشارة لارتفاع سعر "مصنعيات الصيانة"، التى تصل إلى 8 ساعات لصيانة 120 ألف كيلو، وتصل سعر الساعة إلى 130 جنيه فى بعض الاحيان، فضلا عن ارتفاع أسعار قطع الغيارالمبالغ فيها –وفقًا لشكواهم. منقول مبارك القناوى
__________________
جميع المواضيع منقولة للأمانة لا تجادل احمق فانه ينَزلك لمستواه ثم يغلبك بالخبرة |
#2
|
||||
|
||||
رد: عملاء بروتون يتقدمون بشكوى ضد "عز العرب
السلام عليكم
وبعد انشاء الصفحة قام التوكيل بأستقبال وفد من اعضاء الصفحة (وكنت منهم) وكانت مقابلة ودية جدا وتحسب لعز العرب . مثال عن توكيل اخر شهير جداًتم سرقة سيارات اصحابها وقامو بوقفة احتجاجية امام التوكيل فما كان من التوكيل انه اداهم الطناش ونزل اعلان في الجرائد ان اغلب حوادث السرقة تدل علي انتشار المنتج الخرافي الذي يقوموا ببيعه وتم مناقشة سياسة التسويق للسيارة وخصوصاً ان عز العرب يقدم تقريباً 6 اعلانات في السنة كلها . واجاب مسئولي التسويق بـ حصة مصر من سيارات بروتون 2000 الي 2500 سيارة في السنة وعلي الدوام هناك حجز وقائمة انتظار وتصل في بعض الاحيان ان يضحي العميل بالون مفضلة . وهل يمكن زيادة حصة مصر من سيارات بروتون ؟ اجابوا بأنهم طالبوا بزيادة الحصة الي 4000 ال5000 ولكن بروتون تدرس الموضوع مع العلم ان سيارات بروتون التي تدخل مصر تكون مدعومة من الحكومة الماليزية بمعني اخر ان بروتون ساجا من المفترض ان تباع ب79 الف بدل 67 الف وتم طلب خفض ساعات العمل على صيانة السيارة وتم طلب خفض اسعار قطع الغيار وتم طلب وجود مخزون زائد من قطع الغيار لعدم انتظار قطعة غيار لمدة تصل في بعد الاحيان الي اسبوع واثنين وكان هناك بعض الشكاوى السخيفة مثل واحد ادخل عربية وبيشتكي من وجود ريجة في الطنابير فقام التوكيل بتغير الطنابير وابلغو العميل انة تم الاصلاح لكن لم يبلغوة انة تم تغير الطنابير لان السيارة مازالت بالضمان لكن العميل كاد يبكي لعدم ابلاغة بتغير الطنابير مع العلم انة مدفعش ولامليم واستجاب التوكيل لبعض الطلبات ومنها خفض كبير في قطع الغيار ولكن من قاموا بأرسال الشكوى يريدون المزيد مثال الجين تو تيل امامي ماليزي 198 تيل امامي مصري 150 تيل خلفي ماليزي 192 تيل خلفي مصري 130 مقص امامي 445 مساعد 425 زجاج امامي 946 مثال من اشهر الماركات الاسياوية والتي يزيد سعر السيارة عن سعر الجين تو 25 الف جنيه تيل امامي 480 زجاج امامي 3000 نعم ثلاث الاف جنيه مثال اخر للسيارة التي امتلكها وهي الساجا تيل امامي 429 وده غالي وتم ايجاد بديل وهو شيفرولية افيو ب195 من التوكيل تيل خلفي 277 مساعد امامي 374معقول جدا مساعد خلفي 242 رخص التراب ملحوظة مساعد السيارة 128 = 270 الاصلي مقص امامي 492 ولا تعليق سوى طلب من عز العرب (من فضلك بيع قطع الغيار ببلاش وفقها بوسة ) واخيرا انا لا ادافع عن عز العرب ولكن هذا ما حدث والسلام عليكم صلاح من ملاك بروتون ساجا والمنسحب من الصفحة التي قامت بأرسال الشكوى والتي اصبح اغلب اعضاء الصفحة لا يملكون بروتون اصلاً انما زيطة
__________________
SALAH HAKIM
|
#3
|
|||
|
|||
رد: عملاء بروتون يتقدمون بشكوى ضد "عز العرب
جايز ان حضرتك متحطتش في موقف مع التوكيل يخليك تعمل جروب وتطالب المطالب دي وجايز ربنا فاتحها عليك بسم الله ماشاء الله ومبتفرقش معاك اسعار مصنعية ولا اسعار قطع غيار واحد زيي زي ماقولت لحضرتك اني مستني قطع الغيار تيجي علشان تتغير في الضمان وكمثال علبة دريكسيون ومكنة ازاز امامي يمين واولسيه بلية امامي وكل ده مش موجود وبقالي اكتر من شهرين مستنيهم ولحد دلوقتي مجوش يبقى المفروض اتصرف ازاي والضمان بتاعي فاضله كام شهر ويخلص؟؟؟ كمان كمثال ان مفيش ابواب واجا ولا اكصدامات ولا مرايات وعايز اجدد العربية والتأمين هيخير الحاجات دي كلها ورد التوكيل على الموضوع ده ان مفيش قطع غيار مع اني عايز اجدد العربية قبل ماجدد التأمين اللي هو المفروض الشهر اللي جاي بس النصيب بقى كمان نظرة كدة على اغلب اسعار قطع الغيار في التوكيل ان حضرتك بتقول ان في ماركة اسياوية مشهورة التيل بتاعها ب 430 جنيه وده يعتبر حلو طبعا بس لما تيجي للتيل الماليزي والمصري اللي ملهومش اي 30 لازمة وتقارنهم بالتيل الاصلي اللي تمنه في التوكيل ب800 جنيه يبقى ده مش عدل كمان عايز اقولك حاجة ان من حق العميل ان يتغيرله القطعة التالفة مدام في الضمان بقطعة جديدة من الكرتونة ومينفعش فيها الاصلاح وعندك كمثال زي ماقولت الطنابير اللي اتغيرت باخرى مخروطة بدل مايبدلو بالجديد يبقى انا كدة استفدت ايه ؟؟ ولا حاجة بالعكس ده انا خسرت ان كفاءة الفرامل هتقل وفي نفس الوقت الطنابير اللي اتخرطت مرة هتتخرط كذا مرة كمان مشكلة برده ارجو ان حضرتك تحط نفسك مكاني بما اني معايا واجا والواجا ملهاش اي تيل فرامل حلو زي الاصلي اللي في التوكيل اللي ب 800 جنيه ... يبقى انا المفروض ارضا بالتيل التعبان اللي بيصفر واللي بوظلي الطنابير مرتين وعلى يد التوكيل الكلام ده ولا اقرص على نفسي واجيب اللي ب 800 جنيه ده اذا عرفت اجيبه طبعا لان المصاريف كتير ومش عارف اللاحق على ايه ولا ايه نقطة كمان ودي مشكلة عامة اغلب الناس عارفاها وهيا مشكلة استهلاك البنزين اللي منتشرة في عربيات بروتون وخصوصا الساجا اللي كانها ال 1600 سي سي واللي التوكيل ملوش تفسير علمي ليها ... مننكرش ان التوكيل فيه ايجابيات زي مثلا ان الناس اللي بتشتغل في التوكيل محترمين ومحدش يقدر يمسهم بكلمة واحدة وكل الناس متفقين على انهم محترمين امثال المهندس امر مثلا واللي انا شخصيا بعتز بيه بس ده ميمنعش ان احنا ننتقدهم في بعض الحاجات زي اللي قولتها فوق ارجو ان اي خلاف بينك وبين صاحب الجروب ميعميش عينك عن الحقيقة وربنا يباركلك في الساجا واسف لو قولت كلمة ضايقتك بس بجد التوكيل بقى غير محتمل تقبل تحياتي |
#4
|
||||
|
||||
رد: عملاء بروتون يتقدمون بشكوى ضد "عز العرب
اولا انا مقلتش التوكيل ملاك نازل من السماء لكن هو من احسن التوكيلات في مصر ونطالبة بالمزيد ثانيا حضرتك انا غيرت في التوكيل علبة دركسيون وانا في اول 1000 كم ومدفعتش ولا مليم دلوقتي انا ماشي بالعربية مشاء الله 75 الف ايوة 75 الف كم في سنة والحمد لله عيب العلبة طلع في عدد محدود من السيارات وفي حالة تغيرة مبيظهرش تاني يبقي . دة من حقي علي التوكيل ولكن من حق التوكيل عليا اني اقول انة عمل دة ومدفعتش ولا مليم . بالمقارنة بتوكيل اخر مشهووووووووووور جدا غير موبينة لعميلة عندة ودفعها ثمنها وقال دة سوء استخدام التوكيل دة مش بتاع ابويا انا عميل زيك بالضبط لو عمل حاجة غلط ابلغ حماية المستهلك ولو عمل حاجة مظبوطة ودة الطبيعي منة اشكرة انما احنا دلوقتي الناس في الشارع فاكر ان اسعار قطع الغيار الخاصة ببروتون حاجة فلكية ودة غير صحيح والدليل المقارنة بين اسعار الاسبارك والساجا وانا معاك اطالب بالمزيد من التخفيض والمزيد تاني انما مقلش انها اغلي حاجة في السوق الزجاج الامامي لجين تو 900 جنية والزجاج لاشهر ماركة كوري انت اكيد عارف قصدي اية ب3000جنية استهلاك البنزين فعلاً مشكلة ومعك كل الحق ان سيارة 1300سي سي بتستهلك اكنها 1600 سي سي لكن عاوز حضرتك تقول حاجة بمنتهي الصراحة هل قال احد ملاك الساجا انهم يشعرون انهم يركبون سيارة 1300 ؟ كل الملاك وانا واحد منهم بنجمع علي انها اقوي من اي 1600 في مصر وحضرتك ادخل شوف الفيديوهات علي موقع ملاك الساجا حتزهل من اداء السيارة وتفوقها علي 1600 كتير جدا ولو تسمح اضيف حاجة كمان تعليق بعض الاعضاء اللذين لايملكون بروتون اصلاً 1-انا كنت ناوي بنسبة 90 % وانخفض حماسي وبقي لا يتعدي 30% الا في حالة انصلاح حال التوكيل / نقط مضيئة يعني الحال كله كويس والنقط المضيئة دي حاجة زياده/ الحل لتوكيل عز فعلا ودا عن تجربة لناس كتيرة مهندسين اعرفهم ان توكيل عز يجيب مدير لمركز الصيانة من ماليزيا بجد هايبقوا احسن بكتير وهايتحسن حالهم اكتر 2- و المصحف انا كنت ناوى اجيب جين 2 زيرو و بعدين قولت لما اجيبها استعمال نضيف حوفر 30 الف .. دلوقتى بقى مش عايز بروتون خالص 3- انا كنت ناوى اجبها بس عدلت على الفكرة علشان قطع الغيار وحجيب نيسان باذن الله طيب لما هما ممعهمش بروتون بيبعتو شكاوي لماليزيا لية ؟ والناس الي فاكرة ان قطع غيار نيسان ارخص من البروتون فكرو يكلمو توكيل نيسان طبعاً لاء الناس بتقارن اسعار التوكيل بأسعار المحلات في الشارع ودة مينفعش طبعاً عاوز تقارن قارن توكيل بتوكيل واخيرا اتمني المزيد من عز العرب واتمني تحسن الخدمة اكثر واكثر وسرعة الانتهاء من السيارة وحقول لحضرتك تاني بالخط الكبييير انا اسف لوزعلتك في حاجة لكن وجب الشرح صلاح حكيم
__________________
SALAH HAKIM
|
#5
|
||||
|
||||
رد: عملاء بروتون يتقدمون بشكوى ضد "عز العرب
اسعار قطع غيار شيفرولية سبارك في التوكيل :
فانوس خلفي 465 جنيه=509 رفرف امامي 760 جنيه=439 مرايه جانبية 441 جنيه= 490 بروتون ساجا مع العلم ان بروتون كهرباء والاسبارك عادية -فلتر الزيت 25 جنيه=بروتون ساجا 40 فلتر هواء 78 جنيه =بروتون ساجا 80 تيل فرامل خلفي 180 جنيه=277بروتون ساجا اكصدام خلفي 770 جنيه=550بروتون ساجا اكصدام امامي 850 جنيه=بروتون ساجا439 فانوس امامي 650 جنيه=بروتونساجا 713 كابوت 1400 جنيه= بروتون ساجا 912 يعني البروتون ساجا ارخص في قطع الغيار بصورة كبيرة جدا بالمقارنة مع اصغر سيارة في مصر ولكن اطالب عز العرب بالمزيد
__________________
SALAH HAKIM
|
|
|