استشاره فى صيانه 40 الف لانسر بومه 2008 ( عاجل جدا ارجوكم )

[احمدعبد العزيز]

السلام عليكم ورحمه الله وبركاته

يا جماعه ارجوكم انا محتاج مساعده فى صيانه الاربعين الف لانى انا عملت فيها فالح وعملت صيانه بره التوكيل وقولت اوفر وكانت النتجه ان عملت صيانه الاربعين الف وكمان صيانة 80 الف الموضوع ان العربيه عندى ماشيه 38الف كيلو موديل 2008 وذهبت مع احد زملائى فى الشغل عن ميكانيكى يعرفه كل الناس بتقول كويس...

اولا :- جدول الصيانه من التوكيل بيقول تغير فلاتر وزيوت وتيل فرامل - بوجيهات وشكرا توكيل ميتسوبيشى واللينك دى فيه جدول الصيانه .

(أسعار الصيانات الدورية في شركة مصرية من الألف الى الثمانين ألف)http://www.**********.net/Nile/46165-a.html

ولما انا قولت على الحاجات اللى المفروض تتغير قالى لا لازم السيور تتغير عشان العربيه موديل 2008 قولت بس التوكيل بيقول 80الف دى لسه كثير اوى على انى اغيرها قال السير ليه عمر افتراضى ثلاثه سنوات او 80 الف ايهما اقرب وبعدين غير السير تمشى مطمن على العربيه سير التقسيمه روح العربيه بدل ما يتقطع وساعتها راح الموتور وبعدين دى بكلام فاضى يعنى !!!! قولتله طيب على بركة الله غيره وبعد شوايه لاقيت السيور كلها بتغير 1- سير باور وتكيف - سير دينامو - سير تقسيمه - بلى شداد تقسيمه - مش كده وبس العفشه المفروض دى كمان كان عايز يغير مقاصات العربيه لولا انا بصراحه اتخنقت منه وقولته كفايه كده عربيه بتمشى يومين فى الاسبوع وماشيه 38الف عايز تغير مقاصات وجلب كثر اوى كده قالى يا باشا العربيه مش بالعداد العربيه حسب المشى بصراحه انا عارف ماشى كويس جدا ورفض انى اغير المقاصات وهو غير الجلب واخيرا ما تم تغيره فى العربيه بالاسعار .

1- سير باور وتكيف 55 جنيه
2- سير دينامو 45 جنيه
3- سير تقسيمه 230 جنيه
4- رولمان بلى شداد تقسيمه 225 جنيه
5- فلتر هواء 125 جنيه
6- فلتر تكيف 115 جنيه
7- فلتر بنزين 330 جنيه
8- مصفه بنزين 75 جنيه
9- طقم بوجيهات 70 جنيه
10- تيل فرامل اندونسى 125 جنيه
11- اسبراى معرفش دى بتاع ايه 35 جنيه
12- جلب مقص 120 جنيه
13- كبس جلب مقص 40 جنيه

الاجمالى 1600 جنيه والمصناعيه 300 جنيه دى عشان خاطرك يا باشا انا باخد 400 بس طبعا دى اول وبعمل معاك الواجب !!!!!

معلش انا طولت اوى بس بصراحه انا حاسس انى شايط منه لانى اتصلت بالمهندس طارق زويل قالى لا ماتغيرش السير وسألت اكثر من مهندس ميكانيكا قالى السير يتم تغير زى ما التوكيل قال او لو العربيه مرفوعه ولا تستخدم ساعتها يتم تغير السيور للحفاظ على السياره

واخيرا عاوز رئيكم فى الموضوع هل السيور فى الانسر بتتغير على 40الف هى والمقصات والجلب وله الراجل دى بيفتح شغل وخلاص ....

.<!-- google_ad_section_end -->

[Devill Blood]

والله مش عارف أقولك ايه أنا مش بحب أفتى عموما.
لكن حته المقصات دى وتيل الفرامل والكلام ده لا يغير ألا فى حالة واحدة لو جابو أخرهم وبدأو يتعبوك.واضح إنه بيستهبل ومكنش فيه أى داعى لكل ده كفاية يا راجل إنه جبلك تيل فرامل مش أصلى يعنى ممكن يتعب العربية.
ثانيا فى حاجات ياجماعة والله مفيش أى تلاتين لازمة نركبهم عند حد بيتاخد عليهم فلوس وخلاص ذى تركيب فلتر الهوا والتكييف وتيل الفرامل وفلتر البنزين كمان بس محتاج شوية جهد