رد: جيلى فروته 2005
أستاذى الفاضل
انا أمتلك عربية جيلى فروتة سيدان موديل 2005 والحمد لله ماشية معايا كويس وعاملة أكتر من 96000 كم لغاية دلوقت واقتصادية فى تشغيلها وسافرت بها لأماكن كثيرة ولمسافات طويلة زى مرسى مطروح (كل سنة، ويمكن مرتين فى السنة) وباتعافى عليها جدا كأى سيارة عادية وقطع غيارها موجودة سواء فى التوكيل أو مركز كوين سيرفيس اللى فى أول طريق السويس وعند ناس كتير آخرين زى أبو عوف فى التوفيقية .. موتورها هو نفسه موتور دايهاتسو شاريد 3 سلندر 1046 سى سى وباجيب لها سير كاتينة الدايهاتسو حتى بلية شداد الكاتينة برضه جبتها بتاعة الدايهاتسو.. بتفرق عنها طبعا فى البودى وشكل الفوانيس وتانى حاجة الكبالن وبلى العجل (بس برضه موجودين) لكن غير كده نفس العفشة سواء أمامية أو خلفية حتى المقصات
وافضل استخدام لها وعن تجربة بيكون انك تحط لها بنزين لا يقل عن 90 وتستعمل زيوت شل سواء للموتور أو الفتيس لأنها ممتازة فعلا وتضبط العجل دائما على 30 والأفضل يكون لك مقياس عجل خاص بك لأن العفشة ناشفة شوية ويمكن تعويض نشوفية العفشة باستعمال كاوتش طرى ومن نوعية جيدة ولو حبيت تغير لمساعدين الدايهاتسو والعربية ثابتة وكويسة وتكييفها معقول بس بيخنق العربية شوية فى الزحمة .. والحمد لله رب العالمين ورغم كل ما يقال عن الصينى لكن العربية دى وعلى قد ما هى تعتبر أقل فى المواصفات من عربيات صينى كتير الا انها عندى افضل من اللادا أو 128 وعن تجربة ومواقف كثير.
شكراً لك
|