انا صح ولا غلط؟؟؟؟؟؟؟؟؟؟؟

[mesho70]

- كنت راكن عربيتى و شباب زى الورد ( عمهم عضو مجلس شعب ) بيهزروا بالعربيات وخبط الجنب كلة وهرب وطبعا ً جنب العربية اتبهدل
- اخد رقم العربية من الجيران ورحت لصاحبها عرفت ان ابن اخية اللى كان سايقها من غير رخصة
- قلتلة لو انة وقف واعتذر كانت الامور تمشى ولكن لازم تصلحها فماطل
- عملت محضر جميل واتظبط
- وفى النيابة يبوس على دماغى انة يصلحها وطلب منى اتنازل
- اصريت اخذ فلوس الاصلاح قبل التنازل قلى مش معايا ويحلف ومضى على ايصال امانة
- وكيل النيابة طلع ذوق وحكالى ان نفس الموقف حصل معاة شخصيا ً وانة عمل محضر واخذ ثمن الاصلاح
- وقلى وكيل النيابة امشى المحضر ولا خلاص فقلتلة على ايصال الامانة فقلى اضمن حقك ومشى المحضر فرديت علية انى وعدتة برة وفعلا ً تنازلت
- وحاولت اخذ فلوس ايصال الامانة لمدة عامين بلا جدوى وفى النهاية اخذ المحامى الثلث وجابهم
- وسألت شيخ متزن قلى ان الفلوس من حقك
- اما على الطريق السريع وعند المنيا تحديدا ً عربية كبيرة محملة زلط والحمل عالى ومكشوف وانا لمحتها فالمرايا جاية خلفى بسرعة كبيرة جدا ً وبيرمى كمية زلط خلفة فشاورت لة انة يهدى فضحك وعدى وكسرلى الفانوس ثمنة 550 جنية وكنت لسة مركبة
- ولما لحقتة فالنقطة لقيتة شيخ كبير وذقنة واصلة لركبتة و الظابط ساحب رخصتة ورخصة العربية ورخصة المقطورة فوقفت محتار اعملة اية تانى ؟!!! وهو اعتذر وطلب يدينى ثمن الفانوس
- لكن سبتة ومشيت وقلت كفاية اللى حصلة

[acounter01]

قدر الله وما شاء فعل

[hyundai2005]

المشاركة الأصلية كتبت بواسطة hazem_khidr اولا قدر الله و ما شاء فعل كون ان الخبطه جايه من ورا يبقي هو اللي غلطان و فعلا زي ما صاحبك قالك من اتلف شئ فعليه اصلاحه علشان يمشي محترم بعد كده ناس حتقولك افرض كان تعبان و مش قادر حتبقي انت و الزمن عليه تقولهم لو تعبان يقعد في بيته ما ينزلش يكسر في عربيات الناس و بعدين هو قالك مش معايا فلوس و لقيت معاه 400 جنيه تفسر دا بأيه؟؟؟!!!! غير ان سواق النقل راتبه عالي جدا ما تقولش عليه غلبان ابدا ال 400 جنيه اللي انت اخدتهم حتحط عليهم كمان الف جنيه علشان تصلح عربيتك دا اقل واجب و ربنا يسترها معاك

كلام مظبوط ماعنديش حاجه تانيه اضيفها عليه

[Mr.Shams]

المشاركة الأصلية كتبت بواسطة Kemo Kono طيب .. انت الحمد لله عرفت تاخد جزء بسيط من مبلغ التصليح .... واحد قريبى معاه نوبيرا و موقفها ف الشارع ... نزل الصبح بيشيل الغطا ... ملقاش غير حديد مفروم ... معرف بعدها من الجيران ان دبابة شالتله الجنب .... ( دبابة جيش مش نص نقل ) ... و القشر بتاعت الابواب راحت ... اخدله الجنب من اوى الفانوس لحد مرايه السواق برضه .... يروح لمين و يقول يا مين ... ربنا يعوض عليه ... بس انت لما شوفته هيدخل من وراك .. و بليل شوية ... يعنى كنت فتحت انتار عشان تبين له عربيتك او كنت زودت بنزين و وسعت له ... انا حاسس انك كان المفروض تتصرف غير انك تقف تتفرج على العربية كده و هى بتتخبط ... بس ربنا سترها و انت سليم .. اما بخصوص الفلوس و كده فده متفكرش فيه ... بس برضه كان المفروض لما كنت لاقيته بيقولك عايز 20 ... كنت اديتله 100 ... ده التصرف الصح .. لان المفروض دى بقت فلوسك و لما تشوف واحد محتاج فلوس كنت اديتله اكتر خصوصا انك عارف انه طلع 400 جنيه من جيبه و ممكن ده يكون ايراد يومه او شهره .. بس خلاص انت حاول اليومين الجايين تبقى تساعد فقرا و حاول متسيبش حد يأثر عليك ... لا يقولك انت صح او غلط .. محدش هيتحاسب على تصرفاتك غيرك ... خليك حذر ف تعاملك و فكر 6000 مرة قبل ما تاخد حاجة من حد .. فكر ف اهل بيته ... هو غلطان بس عياله ذنبهم ايه ؟؟ مش بقطمك بس خلى بالك و انسى اللى فات .. بس متنساش العبرة منه ...

والله ياجماعه ربنا يبارك ليكم انتوا فعلا هديتونى كتير
بس مش عارف ليه لما قريت الكومنت بتاع الاستاذ kemo Kono حسيت بالذنب تانى
بص يااستاذ كيمو انا اولا زى ماقلت كنت ملتزم بالحاره المروريه بتاعتى وكان فى عربيه على يمينى وعربيه قدامى والحاره اللى على شمالى عدى منها عربيه نص نقل يعنى انا مكنتش حتى معدى الخط الابيض وسايب مكان يعدى منه عربيات بس هو اللى اتعافى وحاول يعدى اعمل انا ايه يعنى اقطع نفسى
فماذا تفعل لو كنت مكانى (على رأى بابا ضياء)