|
#1
24-02-2011, 09:00 AM
|
|||
|
|||
الموضوع الشامل لصيانة السيارات
بسم الله الرحمن الرحيم
مقدمة ..... اولا دة تاني مشاركة ليا في المنتدي حبيت اخليها مميزة بالنسبة للموضوع شامل من حيث هنتكلم عن كل حاجة في العربيات للمبتدئين وغيرهم وشامل يعني بمشاركت كل واحد فيكم مطولش عليكوا عشان الزهق انا الحمد لله اشتريت عربية وحاليا بشدها (بعملها كل حاجة) المهم اني مديها لواحد هو اللي بيعملها وانا بدفع وبس لاني معرفش في العربيات قوي . ومن خلال الموضوع دة هنقلكم تجربتي الشخصية في العربية وكل حاجة هتتعمل فيها والاسعار وخلافة دة دوري بالنسبة ليكم يريت تنصحوني بالحاجة الصح اللي تتعمل وبكدة هنكون جمعنا كل حاجة في العربيات في موضوع واحد ثانيا بالنسبة للعربية هي فيات 124 سبيشيال موديل 1974 موتور 1600 cc في محاظة الشرقية نبتدي الجد 1 العربية في البداية راحت للسمكري علي غير علمي الراجل قلي هو طلب 1000 جنية وبعد فصال هياخد او خد بالفعل لانها خلصت سمكرة بعد اسبوع من العمل المضني خد 700 جنية بالنسبة للسعر اية رايكم طيب اية اللي اطلبة من السمكري قبل ما يركب الاكصدامات يعني لو في تعديلات السمكري هو اللي بيعملها اية (انا عاوز اخلي العربية شبابية ) 2 بالنسبة للفرش والكراسي الراجل تقريبا ولع فيهم وقلي انا هعملك ارضية جلد المتر ب 40 جنية وهي هتاخد 3 متر يعني 120 جنية ثانيا قلي هيجبلي فرشة للسقف ب 100 جنية وبالنسبة للسقف قبل ما انسي قلي هعملك فيهم عمودين من جوا عشان لو وقفت عليهم ميتطبقوش نيجي بقا للكراسي الاول قلي الفرش الجلد الجاهز في 260 وفي 460 جنية بس بيبقا لون واحد عشان كدا قلي هفصلك فرش جلد لونين هيكون 400 جنية محدش ينام لو سمحتو وفي الاخر قلي السروجي هياخد 250 اجرة ايدة وانا عاوز اعمل ناصح وشلت المسند اللي في العربية وهقلة يعمل واحد من عنده 3 قلي الكهربائي كان هياخد 500 جنية وبعد فصال هياخد 200 وطبعا كل حاجة الكهربا انا اللي بشتريها وفي الكهربا اقوال كثيرة يريت انا عاوز اعمل حاجات كتيرة ومن كترها مبقتش فاكر منها حاجة مثلا السنتر والانذار ناس قلتلي اعملة دلوقتي تكلفتة هتكون اقل بس لو بعت العربية هيعمل شغل ولنض شبورة وانا مش عارف اية اللي بيتعمل تاني يريت النصيحة من اهل الخبرة 4 بالنسبة للمكنة كانت بتنقط زينت ومية والفتيس كمان انا قلتة نعملها عمرة قلي لا هنشوف المكان اللي بينقط ونحطلة اوتسية عشان العمرة هتكلف جامد وخصوصا ان مفيهاش حاجة غير كدة بس لسة مقلش هياخد كام لما يخلص 5 بالنسبة للدهان هو اصلا بتاع دوكو المهم اولت امبارح جالي وخد 1000 جنية وقلي عشان اجيب بويا وبلك وبوتومين عشان يدهن العربة من جوه ومن تحت عشان البرومة طيب افيدوني البويا اللي هيجبها هل هيا للفرن ولا هي لحاجة تانية وبالنسبة للفرن بيتكلف كام 6 مطولش عليكم لاني انا زقهت وفكرت امسح الموضوع بس خلاص بقا المهم اية التعديلات اللي احطها في العربية وامتي اقلة علية مثلا انا عاوز اعمل مساحة للقزاز الخلفي والعربية عندة كانت بتسخن جامد دة اختصاص مين والجنوط اخبارة اية والخ الخ الخ انا علي فكرة متنازل عن الموضوع لو حد من المشرفين عاوز ينسقة ويضيف علية لجذب مزيد من المشاركات بس يريت يكون في اطار الحديث عن عربيتي مؤقتا لما تخلص وكمان انا مستني الردود لان الراجل كان الاول محترمني وبيفهمني علي كل حاجة دلوقتي لسان حالة بيقولي ادفع وانت ساكت وانا بدفع وانا هفيدكوا بتطورات الاحداث دايما ولو حد عاوز يسال علي حاجة انا ممكن اسالهمكم وشكرا 
|
 |
|
|
