يعني ايه عربية هاف اوبشن و فول اوبشــن

[spiderxp]

السلام عليكم

بسمع كتيير ان العربيه هاف اوبشن وفي الي يقولك العربية فول اوبشن

ايه الفرق بين الاتنين وايه المميزات الموجودة في الهاف اوبشن والمميزات في الفول اوبشن

[حسام البورسعيدى]

المميزات الموجودة تختلف من موديل للتانى سواء half options او full options

طبعا هاف اوبشنز يعنى نص كماليات وفل اوبشنز يعنى كماليات كاملة ..

وطبعا بتفرق فى السعر .. وبتفرق فى حاجات غير اساسية زى مثلا : الجنوط - المرايات كهربا او عادية - الازاز كهربا ولا لأ - زوايد نيكل مثلا .. كده ..

لكن مالهاش قاعدة معينة ........

يعنى مثلا انت عربيتك اكسنت .. لو هى 1300 سى سى تبقى هاف اوبشنز لان الاكسنت الفل اوبشنز اللى نزلت 1500 سى سى بس ..

تفرق فى الاكسنت مثلا فى الباور - التكييف - عداد rpm - الساعة - الازاز - وبعض الزوايد ...

ارجو انك تكون فهمت قصدى ..

[Limoway]

طبعا يا باشا موضوع الأوبشن ده بيختلف من زمن للتاني

أيام التسعينات (عصر الشاهين واللانوس) لما كانت الناس لسة بسيطة وبتركب علي قد فلوسها

كانت العربية الفل أوبشن هيا إلي فيها تكييف وكاسيت والزجاج والمرايا كهربائية.

بالنسبة للعصر الحالي (عصر القروض والبنوك والسيراتو)

فا كل موديل معين من السيارة بيكون له مجموعة كماليات إختيارية من الوكيل
وبتكون كلمة هاف أوبشن أو فل أوبشن ترمز لكمية الكماليات الإختيارية بالسيارة.

مثلا الإلنترا
كمالياتها التي تأتي من الوكيل:
مرايا وزجاج كهربائي
جنوط
حسساسات للركن
فرش جلد
الخ

فمثلا لو عربيتك فيها فقط زجاج ومرايا كهربائية يبقي هاف أوبشن (طبعا تركيبة الكماليات تكون محددة من الوكيل علي هيئة مجموعة فئات لكل موديل سيارة)

[spiderxp]

بجد الف شكر ياجماعة