هااااااااام وضرورى جدا بخصوص كمبيوتر العربية دايو لاسيتى

[HaMaDa-ToUBaR]

مشكلة بردة لان البرنامج بتاعها لسة منزلش هو كلمنى دلوقتى وقالى انة راح لواحد بس تليفونة فصل وهو بيكلمنى مش عارف بيعملوا اية بقى
ربنا يسترها ان شاء الله

[Injection]

بص ياباشا, مبدأيا هتروح عند حد عنده خدمة كشف الأعطال بالكمبيوتر ويكون عنده البرنامج بتاعها, هيوصل الجهاز بالعربية من فيشة الكمبيوتر اللى فى الصالون, وهيشوف أيه أكواد الأعطال اللى الكمبيوتر بتاع العربية مخزنها, وهيشوف قرايات الحساسات وتوقيت الشرارة وكده علشان تعرفوا العيب منين, والموضوع مافيهوش لا فك ولا حاجة مجرد هيوصل الجهاز اللى معاه بفيشة الفحص اللى فى صالون العربية, وهياخد حوالى 25 جنيه على الكشف ده.

تانى طريقة ممكن تخلى ميكانيكى فاهم يخلع الكونترول من عربيتك (مجرد فك وركب) ويركبه فى عربية صاحبك, لو أتظبطت يبقى العيب فى الكنترول القديم, ولو ماتظبطتش يبقى العيب من حاجة تانية.

وفيه حل أخر ممكن يعمل حاجة, أخلع كابل البطارية السالب وسيبه 5 دقائق وركبه تانى, علشان تبقى فصلت كهرباء عن الكمبيوتر والعربية ورسترت الكمبيوتر, ممكن الحل ده يحل المشكلة وممكن لأ, بس يستحق التجربة (الحل ده زى خلع فيشة الكمبيووتر بالظبط, بس ده أسهل وأكثر أمنا).

[HaMaDa-ToUBaR]

مشكور جدا يا انجكشن على اهتمامك ومرسى كتير ليك يا جميل
هو اخد العربية وداها لواحد فى المنصورة مش بيشتغل الا فى المرسيدس والى بى ام بس
ودخلها ع الكمبيوتر وغير البوجيهات والعربية بقت تمام وبقت ممتاذة اكتر من الاول كمان
بس لسة بقى مشكلة عداد الكليوات وهخلية يجرب حكاية فصل كابل البطارية دى وهبلغكم بالنتيجة ان شاء الله
ومشكور جدا مرة تانية لكل الشباب الى ساعدو هنا